Antimilli ünsürlər siyasi dünyagörüşlərinin hansı səviyyədə olduğunu nümayiş etdirirlər

Bakı:

26 °C

59 %

7 m/s

Əlaqə

AZ RU EN

Ana səhifə / Siyasət / Antimilli ünsürlər siyasi dünyagörüşlərinin hansı səviyyədə olduğunu nümayiş etdirirlər

Antimilli ünsürlər siyasi dünyagörüşlərinin hansı səviyyədə olduğunu nümayiş etdirirlər

23.07.2020 [09:29]

Mehman Əliyev, İlqar Məmmədov və Natiq Cəfərlinin hədəfə alındığı “Milli şura”nın növbəti videokonfransını yenə də qeyri-etik ifadələr bəzəyib
Sirr deyil ki, qondarma “Milli şura”da cəmləşən antimilli ünsürlərin siyasi ritorikasını təhqir, şantaj, böhtan xarakterli, həmçinin qeyri-etik ifadələr təşkil edir. Bu baxımdan da, antimilli “şura”çılar sosial şəbəkələrdə qarşılıqlı olaraq ittihamlarla çıxış etdikləri zaman hətta adi etik qaydaları belə gözləmirlər. Bu isə onların mənəvi-əxlaqi və siyasi dünyagörüşünün mahiyyətindən irəli gəlir. Yeri gəlmişkən, qondarma “şura”n ın son videokonfransının sosial şəbəkələrdə yayılan görüntüləri də bunu təsdiqləyir. Belə ki, antimilli “şura”çılar bu dəfə öz ritorikalarına uyğun olaraq qeyri-etik ifadələrini vaxtilə öyməklə doymadıqları Mehman Əliyevə və “REAL”-ın rəhbəri İlqar Məmmədova, “REAL-ın icra katibi Natiq Cəfərliyə ünvanlayıblar.
Qeyd edək ki, bu toplantıda da işlədilən qeyri-etik ifadələrlə bir daha psixoloji durumlarını, hansı təfəkkürün və mədəniyyətin sahibi olduqlarını nümayiş etdirən Gültəkin Hacıyeva, Qənimət Zahid, Vidadi Mirkamal və digərləri ikrah hissi doğuran replikalarla əsl simalarını və kimliklərini Azərbaycan cəmiyyətinə nümayiş etdiriblər. Sözdə “demokrat” antimilli “şura”çılar Mehman Əliyev və digərlərini onların dediklərini təkrarlamadıqları və fərqli mülahizə yürütdükləri üçün hədəfə alıblar. Bu, bir daha adını “siyasətçi” qoymuş radikal ünsürlərin yalnız şəxsi maraqları üçün kimlərisə tərifləyib və ya hədəfə aldıqlarını ortaya çıxarır. Hətta təmsil etdiyi qurumun ali toplantısını belə məişət tipli, yüngül ifadələrlə bəzəyən belələri bununla bir daha öz kimliklərini, siyasi çəkilərini açıq şəkildə cəmiyyətə göstərirlər.
Bu faktlar radikal müxalifət düşərgəsinin, o cümlədən qondarma “Milli şura”nın faliyyətinin mahiyyətini və başlıca ştrixlərini bir daha açıq şəkildə ortaya qoyur. Özünü “siyasi qüvvə” adlandıran, əslində isə, heç bir sosial dayağı, elektoratı olmayan qondarma “şura”nın yalnız xarici anti-Azərbaycan mərkəzlərin direktivlərini yerinə yetirməsi reallıqlar əsasında bir daha təsdiqini tapır. Bu qurumu “diri” saxlamaq üçün əldən-ayaqdan gedən AXCP sədri Əli Kərimli və dəstəsinin “Milli şura”nı “alternativ siyasi qüvvə” kimi təqdim etməklə xarici donorlardan pul almaq üçün çaba göstərdikləri bir daha nümayiş etdirilir.
Pərviz SADAYOĞLU

Paylaş:

Baxılıb: 377 dəfə