PAMUKLAR, HRANTLAR, BİRANDLAR...

Bakı:

14 °C

77 %

9 m/s

Əlaqə

AZ RU EN

Ana səhifə / Siyasət / PAMUKLAR, HRANTLAR, BİRANDLAR...

PAMUKLAR, HRANTLAR, BİRANDLAR...

17.04.2010 [14:56]

ümumbəşəri ideallardan kənar düşən erməni təfəkkürlü öZüMüZüNKüLƏR
Qütblərin, ideologiyaların, sivilizasiyaların qarşı-qarşıya durduğu, arxaiklə ənənəvinin, modern fikirlərlə postmodern ideyaların apardığı mübarizələr fonunda Azərbaycanla Türkiyənin BİR MİLLƏTİN gələcəyini müəyyənləşdirəcək yolda ağır sınaqlarla üz-üzə qaldığı bir vaxtda içərimizdən erməni təfəkkürlü, düşmən xislətli öZüMüZüNKüLƏRİN çıxması hələ də insanlarımızın əksəriyyətinin ümumbəşəri ideallardan kənar olduğunu bir daha nümayiş etdirir. Tarixi keçmişimizə nəzər saldıqda görürük ki, BİR MİLLƏTİN gələcək dünya düzənindəki mövqeyi ilə bağlı strateji məsələlər həll olunarkən, hər zaman daxilimizdən PAMUKLAR, HRANDLAR, BİRANDLAR kimi ümumbəşəri ideallardan kənar düşən erməni təfəkkürlü öZüMüZüNKüLƏR ortaya çıxır. Ona görə onları özümüzünkülər adlandırırıq ki, həmin erməni təfəkkürlülər “bir millət, iki dövlət” prinsipi üzərində qurulmuş münasibətlərdən bəhrələnir, inkişaf edirlər, bizlərlə bir yerdə yaşayırlar. Məhz BİR MİLLƏT olaraq, daxilimizdəki antimilli qüvvələrin xislətindən xəbərdar olmadan onlar üçün hər cür şərait yaradırıq. çünki onlar da bizlərdəndirlər. Əlbəttə ki, cəmiyyətin özünüyeniləmə prosesi tarixi inkişaf qanunauyğunluqlarına tabe olan bir prosesdir. Qısa zaman kəsiyində cəmiyyət özünütəmizləmə instinktini işə sala və anticəmiyyət düşüncəli insanları çıxdaş edə bilməz. Əgər bir millətin inkişafı üçün müəyyən qrup insanlar özünün potensialını ictimai mənafelərdən uzaq şəxsi maraqları naminə istifadə edirsə, demək, problem hələ də həmin özümüzünkülərdədir. Bu gün milli təəssübkeşliyi və vətənpərvərlik hissi olmayan PAMUKLAR, HRANTLAR, BİRANDLAR yenidən baş qaldırıblar...
Bu dəfə konkret olaraq, tanınmış jurnalist Mehmet Əli Biranddan danışırıq. Onun Türkiyənin “Hürriyət” qəzetinin 15 aprel sayında “Türkiye çırpınıyor, Azeriler ise hiç oralı değiller” sərlövhəli məqaləsi dərc olunub. Təbii ki, fikirlərində bəzi mənfi məqamlar olmasaydı, bəlkə də onun “vətənpərvər” mövqeyindən çıxış etdiyini düşünə bilərdik. M.Ə.Birand Türkiyədəki imkanlardan faydalanaraq, bugünkü statusa, nüfuza malik olub. Əlbəttə, hazırda Türkiyə ilə Azərbaycanın bir mövqedən çıxış edərək, ermənilərə öz yerlərini göstərməsi Birandın xətrinə dəyirsə, o zaman BİR MİLLƏTƏ qarşı kütləvi kampaniyaya start verilməsi zamanı onun nələr edəcəyini proqnozlaşdırmaq heç də çətin deyil. Onun qəzetdəki yazısının başlığına nəzər yetirdikdə Azərbaycan xalqına qarşı olan münasibətini görürük. Bu da, “Azəri” deyə müraciət edərək Azərbaycan xalqının qondarma adla çağırılması Birandın hansı qüvvələrə xidmət etməsindən xəbər verir...
Birand son vaxtlar cərəyan edən Türkiyə-Ermənistan münasibətləri və “soyqırım” məsələsi ilə bağlı “Hürriyət” qəzetində tarixi səhvə yol verən məqalə ilə də çıxış etmişdi. Məqalədə yazar qeyd edirdi ki, “1988-ci ildə Dağlıq Qarabağın Ermənistana verilməsinə cavab olaraq-azərbaycanlılar Sumqayıtdan erməniləri sürüyüb atdılar”. Məqalədə digər yanlış məqam isə Stalinin Qarabağı guya ermənilərdən alıb Azərbaycana verməsi barədə açıqlamasıdır. ümumiyyətlə, Birandın son zamanlar dərc olunmuş yazılarına nəzər saldıqda, bir meyil sezilir: türk-erməni dostluğunun təbliğatı...
Amma Birand və onun kimiləri unudurlar ki, Azərbaycan indiyədək üzləşdiyi bütün çətinliklər və təzyiqlərə rəğmən, ən müxtəlif proseslərdə Türkiyənin maraqlarının müdafiəçisi kimi çıxış edib. İstər Bakı-Tbilisi-Ceyhan, istər Bakı-Tbilisi-Ərzurum, istərsə də Azərbaycanın əsas iştirakçısı olduğu digər strateji enerji və nəqliyyat layihələrinin reallaşması zamanı Azərbaycan yalnız özünün deyil, həm də qardaş Türkiyənin maraqlarının müdafiəçisi qismində çıxış edib. Türkiyənin maraqlarının tanınması naminə, Azərbaycan da çox təzyiqlərə dözüb və öz prinsipial mövqeyindən imtina etməyib. Heç zaman da M.Ə.Birand kimilərinə xas olan “Əgər Azərbaycan yalnız öz maraqları haqda düşünsəydi, indi vəziyyət fərqli olardı” kimi fikirlər səsləndirməyib və səsləndirməz. Və bu gün məhz həmin prinsipiallığın nəticəsidir ki, Türkiyə ilə Azərbaycan birlikdə regionda reallaşan bütün enerji və nəqliyyat layihələrinin iştirakçısıdırlar. Böyük dövlətlərin təzyiqi qarşısında duruş gətirən Bakı ölkədə türk şirkətlərinin üstünlük təşkil etməsini təmin edib. Odur ki, təzyiqlərə və basqılara rəğmən, Azərbaycanın Türkiyə, Türkiyənin isə Azərbaycan naminə prinsipiallıq nümayiş etdirməsi, bir-birinə arxa durması iki qardaş ölkə arasındakı münasibətlərin mahiyyətini təşkil edir.
Bir sözlə, M.Ə.Birand və onun kimilərinin arxasında duran qüvvələrin iki ölkə arasında münasibətləri korlamaq cəhdləri isə həmişə elə cəhd olaraq qalacaq. çünki onların əqidəsi və məsləklərinin nə olduğunu həm Azərbaycan, həm də Türkiyə xalqı çox yaxşı bilir.
Ramil VƏLİBƏYOV

Paylaş:

Baxılıb: 1122 dəfə