Ölkəmizin uğurları xaricdəki bəzi qüvvələri narahat edir

Bakı:

27 °C

53 %

6 m/s

Əlaqə

AZ RU EN

Ana səhifə / Siyasət / Ölkəmizin uğurları xaricdəki bəzi qüvvələri narahat edir

Ölkəmizin uğurları xaricdəki bəzi qüvvələri narahat edir

06.05.2021 [08:18]

Avropa Parlamentinin 121 üzvünün Avropa Komissiyasının sədri və Avropa İttifaqının sədrinə müraciət edərək Azərbaycandan “erməni əsirlər”in qaytarılmasını tələb etməyə çağırması da bunun bariz sübutudur
Bəzi beynəlxalq təşkilatların ölkəmizə, xalqımıza münasibətdə fərqli standartlardan çıxış etməsi artıq adət halını alıb desək, yanılmarıq. Milli maraqlara söykənən, xalqın və dövlətin mənafeyini qoruyan dövlət siyasəti nəticəsində əldə etdiyimiz qələbələr, uğurlar bəzi beynəlxalq statuslu təşkilatları, orada təmsil olunanları narahat edir. Məsələn, Avropa Parlamentinin 121 üzvünün Avropa Komissiyasının sədri və Avropa İttifaqının sədrinə müraciət edərək Azərbaycandan “erməni əsirlərin” qaytarılmasını tələb etməyə çağırması da bunun bariz sübutudur. Nəzərə alınmalıdır ki, hələ Birinci Qarabağ müharibəsi dövründə ölkəmizə qarşı fərqli mövqe nümayiş etdirmiş Aİ itkin düşmüş və beynəlxalq təşkilatların 1993-1994-cü illərdə əksəriyyətinin sağ olduğunu təsdiqlədiyi 4 mindən artıq azərbaycanlının taleyinə dair susqunluq nümayiş etdirmişdi. Bu, bir daha Azərbaycana qarşı tətbiq olunan fərqli standartlardan xəbər verir.
Məsələ ilə bağlı fikirlərini bölüşən Milli Məclisin deputatı Müşfiq Məmmədli bildirib ki, 2020-ci ilin sentyabrın 27-dən noyabrın 10-na kimi davam edən 44 günlük Vətən müharibəsi ölkəmizin ərazi bütövlüyünün təmin olunması ilə yanaşı, beynəlxalq ədalətin öz yerini tapmasında da mühüm şərtə çevrildi. Belə ki, 1990-cı illərin əvvəlindən başlayaraq Ermənistanın Azərbaycana qarşı təcavüzü nəticəsində ölkəmizin beynəlxalq müstəvidə tanınmış, BMT tərəfindən qəbul edilmiş sərhədləri pozulmuşdu: “Avropa Parlamentinin 121 üzvünün tələm-tələsik belə bir çağırış səsləndirməsi növbəti dəfə bir həqiqətin üzərinə işıq salmış olur. Azərbaycana qarşı ikili standart bu gün də davam etməkdədir. Görəsən, “erməni əsirlər”in qaytarılmasını tələb edənlər Xocalıda dinc əhali soyqırımına məruz qalanda, ayaqyalın, başıaçıq öz evindən qovulanda, nəhayət 4 min azərbaycanlı əsirin taleyi məlum olmayanda niyə susurdular? Bu bir daha onların qeyri-səmimi olduğunu göstərir. Bu kimi çağırışlar ölkəmizə qarşı təsir vasitəsi ola bilməz, yalnız “insan haqlarından” danışan bəzilərinin iç üzünü bir daha nümayiş etdirir”.
Milli Məclisin deputatı İlham Məmmədov da Avropa Parlamentinin deputatlarının belə bir çağırışla gündəmə gəlməsini ikili standart kimi dəyərləndirib. Millət vəkili bildirib ki, 1990-cı illərdə erməni silahlılarının əsir götürdükləri şəxslərlə davranışları haqda xarici mətbuatda kifayət qədər geniş materiallar dərc edilirdi. Həmin dövrdə Ermənistanın zindanlarında işgəncələrə məruz qalan günahsız insanlarla bağlı hətta bir sıra beynəlxalq təşkilatların nümayəndələri belə fikirlər səsləndirmişdi. Amma o dövrdə heç kim buna reaksiya verməmişdi: “Ermənistanın keçmiş rəhbərliyi, o cümlədən erməni faşizminə “mənəvi atalıq” edənlər özləri etiraf ediblər ki, hətta azərbaycanlı körpələrə qarşı hansı vəhşilikləri törədiblər. Amma həmin dövrdə nədənsə Avropa Parlamenti susurdu.
4 min azərbaycanlının taleyi Avropa Parlamentinin heç bir üzvünü maraqlandırmırdı. Bu gün onların belə çağırışlarla gündəmə gəlməsi bir daha hansı mövqedən çıxış etdiklərini ortaya qoymaqdadır. Avropalı parlamentarilər növbəti dəfə həqiqəti, haqqı və ədaləti deyil, işğalçını, təcavüzkarı dəstəklədiklərini nümayiş etdirirlər”.
Pərviz SADAYOĞLU

Paylaş:

Baxılıb: 596 dəfə