Rufiz Qonaqov: Azərbaycan öz inkişafının yeni mərhələsinə qədəm qoyur

Bakı:

26 °C

51 %

0 m/s

Əlaqə

AZ RU EN

Ana səhifə / Siyasət / Rufiz Qonaqov: Azərbaycan öz inkişafının yeni mərhələsinə qədəm qoyur

Rufiz Qonaqov: Azərbaycan öz inkişafının yeni mərhələsinə qədəm qoyur

28.05.2021 [10:10]

“Azərbaycan Respublikasının Prezidenti cənab İlham Əliyevin iştirakı ilə Nizami Gəncəvi Beynəlxalq Mərkəzinin “Cənubi Qafqaz: Regional inkişaf və əməkdaşlıq perspektivləri” adlı videoformatda keçirdiyi müzakirələr ölkəmizin informasiya siyasətində növbəti mühüm bir amilə çevrildi. Bilindiyi kimi, həmin müzakirələrdə dünyanın tanınmış siyasət adamlarının, ictimai xadimlərinin və keçmiş dövlət başçılarının suallarını cavablandıran Prezident İlham Əliyev ölkəmizin son illərdə apardığı çoxşaxəli və effektiv dövlət siyasəti haqqında fikirlərini bölüşdü”.
Bu fikirləri açıqlamasında Beynəlxalq Münasibətlərin Araşdırılması Mərkəzinin (BMAM) rəhbəri Rufiz Qonaqov deyib.
Onun sözlərinə görə, 2020-ci ildə baş vermiş Vətən müharibəsi zamanı və post-müharibə dövründə Prezident İlham Əliyevin dünyanın aparıcı media orqanlarına, televiziyalara müsahibələri dünya ictimaiyyətində Ermənistanın işğalçı siyasəti erməni vandalizmi, bir milyona yaxın azərbaycanlının öz dədə-baba torpağında yaşamaq hüququndan məhrum edilməsi kimi həqiqətlərlə bağlı ətraflı fikir formalaşdırmışdı. Bu gün torpaqlarını işğaldan azad etmiş və regionun güc mərkəzi kimi çıxış edən Azərbaycan öz inkişafının yeni mərhələsinə qədəm qoyur. Paralel olaraq Azərbaycan həm də bölgənin inkişafına xidmət edən mühüm addımlar atır. Məhz bu tədbirdə də möhtərəm Prezidentimiz bir daha Azərbaycanın regional inkişafdakı rolunu ətraflı şəkildə ifadə etdi.
Rufiz Qonaqov deyib ki, Prezident İlham Əliyev bu müzakirələr vasitəsilə növbəti dəfə Azərbaycan dövlətinin qətiyyətli mövqeyini və məqsədyönlü fəaliyyətini beynəlxalq ictimaiyyətin diqqətinə çatdırdı: “Hazırda dünyanın aparıcı dövlətlərinin, şirkətlərinin diqqəti Qarabağdan keçəcək yeni tranzit xəttinə fokuslanıb. Bu mənada, qlobal və regional proseslərin uğurlu siyasi aktoru olaraq ölkəmizin həyata keçirdiyi missiyanın detalları məhz bu tipli geniş tədbirlər vasitəsilə dünya ictimaiyyətinə çatdırılır. Prezident İlham Əliyev iştirak etdiyi bütün tədbirlərdə Azərbaycanın Vətən müharibəsində qazandığı qələbəylə, bu tarixi zəfər nəticəsində Cənubi Qafqazda təhlükəsizliyin, sülhün bərqərar olunmasına istiqamətlənmiş və mühüm əməkdaşlıqları nəzərdə tutan perspektivlərlə bağlı fikirlərini bölüşür. Bu, çox mühüm strateji əhəmiyyətə malikdir”.
PƏRVİZ

Paylaş:

Baxılıb: 626 dəfə