Elşən Musayev: Ermənistanı uzun illər idarə edən şəxslər yanlış siyasət nəticəsində xalqı və dövləti uçuruma aparıblar

Bakı:

18 °C

88 %

4 m/s

AZ RU EN

Ana səhifə / Siyasət / Elşən Musayev: Ermənistanı uzun illər idarə edən şəxslər yanlış siyasət nəticəsində xalqı və dövləti uçuruma aparıblar

Elşən Musayev: Ermənistanı uzun illər idarə edən şəxslər yanlış siyasət nəticəsində xalqı və dövləti uçuruma aparıblar

04.06.2021 [09:19]

“Azərbaycan Prezidenti İlham Əliyevin Nizami Gəncəvi Beynəlxalq Mərkəzi tərəfindən videoformatda keçirilən “Cənubi Qafqaz: Regional inkişaf və əməkdaşlıq perspektivləri” adlı müzakirələrdə mövcud reallığı əks etdirən çıxışı yerli və beynəlxalq auditoriyada böyük maraq doğurdu. Dövlətimizin başçısı çıxışında bir daha vurğuladı ki, Ermənistan işğalçılıq siyasəti yürütdüyü üçün çox böyük səhvə yol verib və 30 ilə yaxın müddətdə həm özünə, həm də qonşu ölkələrə ziyan vurub. Ermənistan öz səhvi ucbatından həm də energetika və nəqliyyatın inkişafı sahəsində Azərbaycanın təşəbbüslərindən kənarda qalıb”. Bu fikirləri Demokratik Maarifçilik Partiyasının sədri, millət vəkili Elşən Musayev deyib.
E.Musayev bildirib ki, Ermənistanı uzun illər idarə edən şəxslər yürütdükləri yanlış siyasət nəticəsində mənsub olduqları xalqı və dövləti uçuruma aparıblar, bütün enerji layihələrindən kənarda saxlayıblar, səfalət və rəzalət üçün uzunmüddətli zəmin hazırlayıblar. Ona görə Ermənistan, sözün həqiqi mənasında, dağılır: “Ermənistanın iqtisadiyyatı məhv olub və bu səbəbdən insanlar fürsət tapan kimi ölkəni tərk edirlər. Narazı vətəndaşlar hökumətə etirazlarını bildirmək üçün küçələrə çıxırlar. Halbuki zamanında düzgün istiqamət götürsəydilər, normal qonşuluq siyasəti apararaq qonşunun torpağına göz dikməsəydilər, vəziyyət bu həddə çatmazdı. İndi isə Ermənistan etdiklərinin əvəzini ödəyir və ödəməyə davam edəcək”.
Partiya sədrinin sözlərinə görə, Ermənistan 30 ilə yaxın bir dövrdə yalnız dağıtmaqla, yıxmaqla məşğul olub, Azərbaycanın yaşayış məntəqələrinin adlarını dəyişdirməklə tarixi siləcəyinə ümid bəsləyib: “İşğalçı ölkə illər boyunca cəfəngiyyat, terror, yalan üzərindən siyasət yürüdüb, saxta ideologiya ilə var olmağa çalışıb. Nəticədə isə uduzub və rüsvay olub. Azərbaycanın “dəmir yumruğu” onların başını elə əzib ki, bir də çətin özlərinə gələ bilsinlər”.
“Hazırda Ermənistan tükənmiş bir ölkədir və bu dövlətin bundan uzun müddət sonra da perspektivi olmayacaq. Fiasko və məğlubiyyət onları daim müşayiət edəcək. Rəzalət və çöküş onların layiq olduğu sonluqdur”, - deyə E.Musayev qeyd edib.
NARDAR

Paylaş:

Baxılıb: 697 dəfə