Pripyatidə nəticəsiz görüş...

Bakı:

26 °C

65 %

13 m/s

Əlaqə

AZ RU EN

Ana səhifə / Siyasət / Pripyatidə nəticəsiz görüş...

Pripyatidə nəticəsiz görüş...

28.02.2022 [22:15]

Amma mümkün ortaq mövqelər var

Taleh AĞAVERDİYEV

Rusiya ilə Ukrayna arasında 5 gündür ki, irimiqyaslı silahlı toqquşmalar davam edir. Fevralın 28-də bütün dünya gözləyirdi ki, iki ölkənin nümayəndə heyətləri arasında Belarus və Ukrayna sərhədindəki Qomel vilayətində aparılan danışıqlar zamanı tərəflər razılığa gələ və bu müharibəni dayandıra biləcəklər.

Danışıqlar 5 saata yaxın davam edib. Rusiya nümayəndə heyətinə Xarici İşlər Nazirliyi, Müdafiə Nazirliyi, prezident administrasiyası və digər idarələrin nümayəndələri daxil olub. Ona Rusiya prezidentinin köməkçisi Vladimir Medinski rəhbərlik edib. Ukrayna nümayəndə heyətini “Xalqın qulluqçusu” fraksiyasının rəhbəri David Araxamiya, Ukraynanın müdafiə naziri Aleksey Reznikov, Prezident Ofisinin rəhbərinin müşaviri Mixail Podolyak, üçtərəfli təmas qrupunda Ukrayna nümayəndə heyəti rəhbərinin birinci müavini Andrey Kostin, xalq deputatı Rustem Umerov və Ukrayna xarici işlər nazirinin müavini Nikolay Toçitski təmsil ediblər.

Hələ danışıqlar bitməmiş Rusiya prezidenti Vladimir Putin fransalı həmkarı Emmanuel Makronla telefon danışığı aparıb. Söhbət zamanı Vladimir Putin vurğulayıb ki, Ukrayna ətrafında vəziyyətin nizamlanması yalnız Rusiyanın qanuni təhlükəsizlik maraqlarının qeyd-şərtsiz nəzərə alınması, o cümlədən Rusiyanın Krım üzərində suverenliyinin tanınması, Ukrayna dövlətinin demilitarizasiyası və denafikasiyası üzrə vəzifələrinin həlli və onun neytral statusunun təmin edilməsi ilə mümkündür. Bu açıqlamadan sonra aydın oldu ki, tərəflər çətin bu gün razılığa gələ bilərlər, çünki Rusiya liderinin irəli sürdüyü 3 əsas şərtdən ən azı ikisi Ukrayna tərəfi üçün qəbuledilməzdir.

Öz növbəsində, Ukrayna üçün əsas şərtlər atəşkəs və rus qoşunlarının bütün Ukrayna ərazisindən çıxarılmasıdır. Bu məsələdə prinsipial mövqe üçün artıq çox qan tökülüb ki, Ukrayna belə asanlıqla geri çəkilsin. Ukraynalıların ilk çağırışla danışıqlara getməkdən imtina etməsi, uzun hazırlıq mərhələsi göstərdi ki, hansısa qeyd-şərtsiz təslim olmaqdan söhbət gedə bilməz.

Buna baxmayaraq, Ukrayna prezidentinin Ofisinin rəhbərinin müşaviri Mixail Podolyak bildirdi ki, Kiyev və Moskva Ukraynadakı vəziyyətlə bağlı danışıqların ikinci raundu ilə bağlı razılığa gəliblər. Onun sözlərinə görə, tərəflər “müəyyən irəliləyiş əlamətləri olduğu başlıca mövzular təyin ediblər”. Danışıq iştirakçılarının nəticələri müzakirə etmək üçün öz paytaxtlarına qayıtdığı qeyd olunub. Bundan sonra yaxın gələcəkdə danışıqların növbəti raundunu keçirəcək. Danışıqlarda iştirak edən Rusiya nümayəndə heyətinin üzvü Vladimir Medinski isə bildirib ki, razılaşmaya əsasən növbəti görüş yaxın günlərdə Polşa-Belarus sərhədində keçiriləcək.

Paylaş:

Baxılıb: 1244 dəfə