Heydər Əliyev Fondunun prezidenti Mehriban xanım Əliyeva Abşeron rayonunun Saray qəsəbəsində əsaslı təmir və yenidənqurma işlərindən sonra istifadəyə verilən 7 nömrəli uşaq internat evi ilə tanış olub

Bakı:

15°C

72%

4m/s

AZ RU EN

Ana səhifə / Siyasət / Heydər Əliyev Fondunun prezidenti Mehriban xanım Əliyeva Abşeron rayonunun Saray qəsəbəsində əsaslı təmir və yenidənqurma işlərindən sonra istifadəyə verilən 7 nömrəli uşaq internat evi ilə tanış olub

Heydər Əliyev Fondunun prezidenti Mehriban xanım Əliyeva Abşeron rayonunun Saray qəsəbəsində əsaslı təmir və yenidənqurma işlərindən sonra istifadəyə verilən 7 nömrəli uşaq internat evi ilə tanış olub

25.12.2010 [10:56]

Azərbaycanın birinci xanımı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban Əliyeva dünən Abşeron rayonunun Saray qəsəbəsində əsaslı təmir və yenidənqurmadan sonra istifadəyə verilən 7 nömrəli uşaq internat evi ilə tanış olub.
İnternat evinə gələn Heydər Əliyev Fondunun prezidenti Mehriban xanım Əliyevaya uşaqlar gül dəstəsi təqdim ediblər.
Mehriban xanıma məlumat verilib ki, Heydər Əliyev Fondu və Xəzər Beynəlxalq İnvestisiya şirkətinin birgə layihəsi əsasında burada əsaslı təmir və yenidənqurma işləri aparılıb. İnternat evi kompleksinə 2 mərtəbəli inzibati bina, 4 mərtəbəli yataq korpusu, idman korpusu, yeməkxana, mətbəx, çamaşırxana və digər tikililər daxildir. Təmirdən sonra internat evi müasir inventar və avadanlıqla təmin olunub, uşaqların normal yaşaması üçün hər cür şərait yaradılıb.
Heydər Əliyev Fondunun “Uşaq evləri və internat məktəblərinin inkişafı” proqramı çərçivəsində yenidən qurulan internat evində xüsusi qayğıya ehtiyacı olan uşaqlar yaşayır. İnternat evinin ümumi ərazisi 2 hektardır. Burada 4 yaşdan 18 yaşadək xüsusi qayğıya ehtiyacı olan uşaqlar yaşayırlar. Hazırda burada yaşayan 140 uşaq yaşına, cinsinə və xəstəlik dərəcələrinə görə ayrı-ayrı qruplarda yerləşdirilib. Hər bir qrupun ayrıca yataq və oyun otaqları var.
Uşaq internat evi ilə tanış olan Fondun prezidenti əvvəlcə kompleksin təmirdən əvvəlki və sonrakı vəziyyətini əks etdirən fotostendə baxıb.
Əsas korpusun birinci mərtəbəsinin foyesində Ulu öndər Heydər Əliyevin uşaqlarla görüşlərini əks etdirən fotostend quraşdırılıb. Burada inzibati otaqlarla yanaşı, valideynlərlə uşaqların görüş otaqları var. Bildirilib ki, internat evində 95 nəfər işçi çalışır.
Korpusun 2-ci mərtəbəsində Mehriban xanım Əliyeva 30 nəfərlik müşavirə zalına baxıb. İkinci mərtəbədə Prezident İlham Əliyev və Azərbaycanın birinci xanımı Mehriban Əliyevanın uşaqlara diqqət və qayğısını əks etdirən fotostendlər var. Fondun prezidenti günərzi qayğı mərkəzində olub. Burada xüsusi qayğıya ehityacı olan uşaqlarla məşğələlər aparılır. Mehriban Əliyeva uşaqlarla səmimi söhbət edib. Bacarıqlı əllər otağında internat evinin sakinləri rəsm və toxuma işləri ilə məşğul olurlar. Heydər Əliyev Fondunun prezidenti uşaqların əl işlərinə baxıb. Uşaqların hazırladığı Heydər Əliyev Fondunun loqosunu əks etdrən hədiyyə Azərbaycanın birinci xanımına təqdim olunub.
Reabilitasiya otağı ilə tanış olan Mehriban xanım Əliyevaya məlumat verilib ki, dayaq-hərəkət sistemi pozulan uşaqların müəyyən oyunlar vasitəsilə bərpası burada aparılır. Mətbəxdə isə gənclər yemək hazırlamağı öyrənirlər. Mətbəxdə şirniyyat hazırlayan qızlarla görüşən Mehriban xanım Əliyeva onların Vətən və Prezident haqqında söylədikləri şeirləri dinləyib, onlarla xatirə şəkli çəkdirib.
İnternat evində gənclərin fiziki sağlamlığını möhkəmləndirmək üçün müxtəlif idman avadanlığı ilə təchiz edilmiş trenajor və idman zalları var. Hovuzda isə hərəkət qabiliyyəti məhdud uşaqların su prosedurları ilə müalicəsi aparılacaq.
Müəssisədə uşaqların əl işlərindən ibarət sərgi zalı da yaradılıb. Tədris otağında xüsusi qayğıya ehtiyacı olan uşaqlara yüngülləşdirilmiş proqramla ibtidai təhsil veriləcək. Musiqi zalında gənclər musiqi alətlərində bacarıqlarını sınayacaqlar. İnternat evində fizioterapiya otağı da fəaliyyət göstərir. Bu otaq yüksəktezlikli aparat, inqalyasiya, solyuks, qalvanizator kimi yeni tibb avadanlığı ilə təchiz edilib. Həmin aparatlardan sümük ağrılarında, xroniki xəstəliklərin müalicəsində istifadə olunur.
Mehriban xanım internat evində 80 nəfərlik yeməkxana, müasir avadanlıqla təchiz edilmiş mətbəxdə yaradılmış şəraitə də baxıb.
İnternat evinin həyətində abadlaşdırma və yaşıllaşdırma işləri aparılıb, müxtəlif gül kolları əkilib. Parkda rahat oturacaqlar, fəvvarə və atraksionlar quraşdırılıb.
Görülmüş işlərdən razılığını bildirən Mehriban xanım Əliyeva internat evinin kollektivinə uğurlar arzulayıb.

Paylaş:

Baxılıb: 904 dəfə