Heydər Əliyev
yeni azerbaycan logo

Ana səhifə / Siyasət / Elnur Aslanov: Müəyyən problemlərin olmasına baxmayaraq 2010-ci il Azərbaycan üçün çox uğurlu keçdi

Elnur Aslanov: Müəyyən problemlərin olmasına baxmayaraq 2010-ci il Azərbaycan üçün çox uğurlu keçdi

28.12.2010 [08:44]

“Azərbaycanda istər siyasi, istər iqtisadi islahatlar vahid bir ahəngdarlıq çərçivəsində, bir növ paralel şəkildə həyata keçirilir. Azərbaycanın 2005-2007-ci illərdə əgər iqtisadi inkişaf templəri 30 faiz təşkil edirdisə, son iki ildə dünyada baş verən maliyyə böhranına baxmayaraq, Azərbaycanın iqtisadi inkişafı 9-10 faiz çərçivəsində qalmaqdadır. Bu, bir daha Azərbaycanda aparılan uğurlu və perspektivli inkişafdan xəbər verir”. Bu sözləri Prezident Administrasiyasının (PA) Siyasi təhlil və informasiya təminatı şöbəsinin müdiri Elnur Aslanov SİA-ya açıqlamasında deyib. O, bildirib ki, bu il Azərbaycanda bir çox önəmli hadisələrlə yadda qalıb: “Bir tərəfdən Azərbaycanın demokratik inkişafını təmin edən çox şəffaf və demokratik parlament seçkiləri keçirildi. Digər tərəfdən Azərbaycanın iqtisadi inkişafı və ölkəmizin xarici prioritetinin seçilməsi ilə yadda qaldı. 2010-ci il çərçivəsində cənab Prezident 18 dəfə xarici səfər edib ki, bu da Azərbaycanın çoxşaxəli xarici siyasətinin həyata keçirilməsinin bariz nümunəsidir. Eyni zamanda, müstəqillik dövründə ilk dəfədir ki, Azərbaycan torpağında geniş qaz yatağı aşkarlanıb ki, bu da Azərbaycanın bir qaz istehsal edən ölkəyə çevrilməsinin bariz nümunəsidir”.
PA rəsmisi deyib ki, başa çatmaqda olan il, ümumilikdə götürdükdə, həm Azərbaycan cəmiyyəti üçün, həm də Azərbaycan dövləti üçün çox önəmli oldu. Belə ki, ölkə daxilində Prezident İlham Əliyev 90-dan artıq infrastruktur layihələrin açılışında iştirak edib. Bu isə Azərbaycan Prezidentinin apardığı daxili siyasətin bariz göstəricisidir: “Cari il həqiqətən də çox uğurlu keçdi. Baxamayaraq ki, su basqınları kimi müəyyən problemlərlə üzləşdik. Eyni zamanda vətəndaşlar daim dövlətin diqqət mərkəzində olub. Məvacib və pensiyalar artıb. Bütün bunlar Azərbaycanda əhalini sosial rifah halının daha da yüksəlməsinin göstəricisidir. Eyni zamanda AGRI layihəsi üzrə iştirakçı ölkələrin dövlət başçıları səviyyəsində sammitin, Xəzəryanı ölkələrin dövlət başçılarının Bakıda keçirilən III zirvə görüşünün, Dünya Dini Liderlərinin ümumdünya Sammitinin ölkəmizdə keçirilməsi Azərbaycanın həm siyasi gücünün, həm də tolerant məkan olduğunun göstəricisidir”.

Paylaş:
Baxılıb: 1028 dəfə

Xəbər lenti

Hamısına bax

YAP xəbərləri

İqtisadiyyat

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30