Prezident Administrasiyası Azərbaycan və Rusiya prezidentlərinin Soçi görüşünün nəticələrinə dair mövqeyini açıqlayıb

Bakı:

11°C

87%

3m/s

AZ RU EN

Ana səhifə / Siyasət / Prezident Administrasiyası Azərbaycan və Rusiya prezidentlərinin Soçi görüşünün nəticələrinə dair mövqeyini açıqlayıb

Prezident Administrasiyası Azərbaycan və Rusiya prezidentlərinin Soçi görüşünün nəticələrinə dair mövqeyini açıqlayıb

11.08.2011 [02:28]

Novruz Məmmədov: Son vaxtlar Prezident Dmitri Medvedevin təşəbbüsü və iştirakı ilə keçirilən görüşlərdə və danışıqlarda Madrid baza prinsiplərinə uyğun olaraq bir sıra məsələlərdə tərəflərin mövqelərinin yaxınlaşması mümkün olub
“Son vaxtlar Prezident Dmitri Medvedevin təşəbbüsü və iştirakı ilə keçirilən görüşlərdə və danışıqlarda Madrid baza prinsiplərinə uyğun olaraq bir sıra məsələlərdə tərəflərin mövqelərinin yaxınlaşması mümkün olub”. Bunu dünən “Trend”ə Prezident Administrasiyasının Xarici əlaqələr şöbəsinin müdiri Novruz Məmmədov bildirib.
“Bir sıra regional və beynəlxalq məsələlər ətrafında fikir mübadiləsi aparan dövlət başçıları, sonra Ermənistan-Azərbaycan, Dağlıq Qarabağ münaqişəsinin həlli, bu istiqamətdə gedən danışıqlar prosesini müzakirə ediblər. Prezidentlərin mövqeyini belə ifadə etmək olar ki, son vaxtlar Prezident Dmitri Medvedevin təşəbbüsü və iştirakı ilə keçirilən görüşlərdə və danışıqlarda Madrid baza prinsiplərinə uyğun olaraq bir sıra məsələlərdə tərəflərin mövqelərinin yaxınlaşması mümkün olub. Buna görə də danışıqları bundan sonra da davam etdirmək lazımdır” - söyləyən N.Məmmədov Azərbaycan və Rusiya prezidentləri İlham Əliyev və Dmitri Medvedevin avqustun 9-da Soçidə keçirilən görüşün yekunlarını şərh edərkən deyib.
N.Məmmədov deyib ki, Prezident İlham Əliyev Ermənistan-Azərbaycan, Dağlıq Qarabağ münaqişəsinin həlli ilə bağlı Azərbaycanın mövqeyini bir daha Prezident Dmitri Medvedevə çatdırıb: “Görüşün sonunda Azərbaycan Prezidenti İlham Əliyev işgüzar səfərə dəvət, səfər zamanı göstərilən xüsusi münasibət və diqqətə, eyni zamanda çox faydalı fikir mübadiləsinə görə Rusiya Federasiyasının Prezidenti Dmitri Medvedevə təşəkkürünü ifadə edib. Eyni zamanda, Azərbaycan Prezidenti İlham Əliyev danışıqlardan sonra, Kazan görüşündə olduğu kimi, dəfələrlə, Ermənistan rəhbərliyinin yaxın dairələrin və diasporun imkanlarından istifadə edərək danışıqların uğurla nəticələnməməsinin məsuliyyətini Azərbaycan tərəfinin üstünə atmasını onların qeyri-səmimiliyinin nümayişi olduğunu bildirib”.
N.Məmmədovun sözlərinə görə, səfər zamanı iki dövlət başçısı Azərbaycan Respublikası ilə Rusiya Federasiyası arasında formalaşmış ikitərəfli münasibətləri və əməkdaşlığı yüksək qiymətləndirərək, bu istiqamətdə səyləri davam etdirmək əzmində olduqlarını bildiriblər.

Paylaş:

Baxılıb: 862 dəfə