Mübariz Qurbanlı: Dağlıq Qarabağ münaqişəsindən Azərbaycana qarşı təzyiq kimi istifadə etmək əhəmiyyətsizdir

Bakı:

25 °C

53 %

4 m/s

AZ RU EN

Ana səhifə / Siyasət / Mübariz Qurbanlı: Dağlıq Qarabağ münaqişəsindən Azərbaycana qarşı təzyiq kimi istifadə etmək əhəmiyyətsizdir

Mübariz Qurbanlı: Dağlıq Qarabağ münaqişəsindən Azərbaycana qarşı təzyiq kimi istifadə etmək əhəmiyyətsizdir

13.08.2011 [11:11]

“Reallıq ondan ibarətdir ki, Rusiya vasitəçi olaraq Dağlıq Qarabağ münaqişənin həllinə maraq göstərir. Bunun başlıca səbəblərindən biri Rusiyanın xarici siyasətində müəyyən keyfiyyət dəyişikliyinin baş verməsidir”. Bu fikirləri “www.yap.org.az saytına açıqlamasında Yeni Azərbaycan Partiyası İcra katibinin müavini, Milli Məclisin deputatı Mübariz Qurbanlı deyib. M.Qurbanlı bildirib ki, həmişə təzyiq dili ilə danışmaq istənilən nəticəni vermir. Onun sözlərinə görə, Dağlıq Qarabağ münaqişəsi də yarandığı vaxtdan bəzi dövlətlərin Azərbaycana təzyiq vasitəsi kimi istifadə etməsi istənilən nəticəni verməyib. “Azərbaycan ağır, çətin yol keçib, amma düzgün balans siyasəti, iqtisadi siyasət təzyiqlərə imkan verməyib. çünki ölkəmizin siyasəti çox güclü işlənib hazırlanıb və bu da öz nəticəsini verməkdədir. Ona görə də bu münaqişədən Azərbaycana qarşı təzyiq vasitəsi kimi istifadənin əhəmiyyətsizliyi üzə çıxıb. Bu münaqişədən Azərbaycana təzyiq kimi istifadə edib onu tutduğu siyasi xəttdən çəkindirmək mümkün deyil. Baxmayaraq ki, 20 faiz torpağımız işğal altındadır, biz bu münaqişənin təsiri və təzyiqi ilə hansısa siyasətimizi ertələmədik, geri çəkilmədik, onu davam etdirdik”, - deyə YAP İcra katibinin müavini vurğulayıb.
M.Qurbanlı qeyd edib ki, Ermənistanın ağır vəziyyətdə olması da bəzi qüvvələri Qarabağ probleminin həllini tezləşdirməyə sövq edir. “Ermənistanın sosial-iqtisadi durumu çox bərbad vəziyyətdədir. İndiyə qədər Ermənistanı yedəyində aparan dövlət artıq vəziyyətin belə davam etməsindən narahatdır, artıq bundan bezib. Ona görə də, münaqişəni həll etməklə Ermənistanı iqtisadi baxımdan normal vəziyyətə gətirmək istəyirlər. Eyni zamanda, öncə dediyim kimi, Rusiya dövlətinin xarici siyasətində keyfiyyət dəyişikliyi var. Rusiya yaxın qonşuları ilə iqtisadi maraqlar çərçivəsində siyasət quraraq onlarla təzyiq yox, əməkdaşlıq yoluna üstünlük verməkdədir. Təbii ki, Rusiya ilə Azərbaycan strateji tərəfdaşdırlar, Prezident Dmitri Medvedevin Azərbaycan Prezidenti İlham Əliyevlə yüksək münasibətləri var. Rusiya ictimai rəyində də bu münaqişənin həlli ilə bağlı müsbət rəylər formalaşmaqdadır. Bütün bunlar növbəti mərhələlərdə irəliləyişlərə nail olmaq üçün əsas yaradır”, - deyə M.Qurbanlı vurğulayıb.

Paylaş:

Baxılıb: 1126 dəfə