Əli Əhmədov: Azərbaycan gəncliyi bu və ya digər qüvvələrin təhrikedici hərəkətlərini dəstəkləmir

Bakı:

17°C

67%

5m/s

Əlaqə

AZ RU EN

Ana səhifə / Siyasət / Əli Əhmədov: Azərbaycan gəncliyi bu və ya digər qüvvələrin təhrikedici hərəkətlərini dəstəkləmir

Əli Əhmədov: Azərbaycan gəncliyi bu və ya digər qüvvələrin təhrikedici hərəkətlərini dəstəkləmir

12.01.2012 [15:59]

“Azərbaycan cəmiyyəti təxminən bir il bundan əvvəl - keçən ilin mart-aprel aylarında burada bir sıra maraqlı qüvvələr tərəfindən istiqamətləndirilən gənclərin ölkəmizdə ictimai-siyasi sabitliyi pozmaq istəyini yaxşı xatırlayır. Məmnunluq hissi ilə qeyd etmək istərdim ki, Azərbaycan cəmiyyəti belə təhrikedici hərəkətləri dəstəkləmədi, əksinə, çox ciddi şəkildə bu səylərə təpgilər göstərildi”. Bunu jurnalistlərə açıqlamasında Yeni Azərbaycan Partiyasının Sədr müavini - İcra katibi, Milli Məclisin üzvü Əli Əhmədov deyib.
İcra katibinin sözlərinə görə, Azərbaycan gəncləri bu cür təhrikçi qüvvələrə qoşulmaq niyyətində deyil: “Bunun da ciddi əsasları var. Birinci əsas ondan ibarətdir ki, ölkədə sabitlik, əmin-amanlıq bugünkü Azərbaycan gəncliyini tamamilə təmin edir. çünki gənclik, təhsil almaq, Azərbaycanın ictimai-siyasi həyatında yaxından iştirak etmək imkanlarına malilkdir. Eyni zamanda, sakit yaşamaq imkanlarına sahibdir”.
YAP-ın Sədr müavini deyib ki, bu dəyərlər Azərbaycan gəncliyini bugünkü ictimai-siyasi sabitliklə bilavasitə bağlayır. Digər bir tərəfdən, Azərbaycanın iqtisadi inkişafı, ölkədəki sabitlik gəncliyimiz tərəfindən təqdir olunur. Bütün bunlar həm də onlarda Azərbaycanın gələcəyinə böyük ümidlər yaradıb: “Təbiidir ki, Azərbaycanın firavan gələcəyində hamıdan çox gənclər maraqlıdırlar. çünki hamıdan çox bu gələcəyin yaradılmasını qarşısına məqsəd qoymuş siyasəti dəstəkləmək təbii ki, gənclərin vəzifəsidir və gənclər məmnuniyyətlə bu siyasəti dəstəkləyirlər. üçüncüsü isə, gənclər Azərbaycanda həyata keçirilən quruculuq işlərində, siyasi proseslərdə yaxından iştirak edirlər və bu gün ölkədə həyata keçirilən siyasətdə dövlətin ən mühüm vəzifələrindən biri də ondan ibarətdir ki, gənclərə geniş meydan verilsin, gənclərin potensialından kifayət qədər istifadə olunsun. Belə olan hallarda sadaladığım bu üç səbəbə görə, Azərbaycan gəncliyi bu və ya digər qüvvələrin təhrikedici hərəkətlərini dəstəkləmir. Bunu biz artıq bundan əvvəlki illərdə görmüşük və qəti əmin edə bilərəm ki, yenə də belə cəhdlər olarsa, Azərbaycan cəmiyyəti bütövlükdə, Azərbaycan gəncliyi isə ayrılıqda bu təhrikçi qüvvələrə öz qəti “yox” cavablarını verəcəklər”.
Əli Əhmədov həmçinin, bildirib ki, ölkə gəncliyi bu gün Azərbaycanın Prezidentinin həyata keçirdiyi siyasəti qətiyyətlə dəstəkləyir, ölkəmizin gələcəyinə inanır, Azərbaycanın inkişafı prosesində yaxından iştirak edir. Azərbaycan gəncliyi imkan verməyəcək ki, kimlərsə haradasa yerləşən maraqlı dairələrin və qüvvələrin təhriki əsasında ölkəmizin ictimai-siyasi sabitliyini pozub inkişafın qarşısını almağa yönəlmiş hərəkətlərə yol versinlər.

Paylaş:

Baxılıb: 811 dəfə