Heydər Əliyev
yeni azerbaycan logo

Ana səhifə / Siyasət / İCAPP Asiya ölkələrində həmrəyliyin və anlaşmanın əldə edilməsində önəmli rol oynayır

İCAPP Asiya ölkələrində həmrəyliyin və anlaşmanın əldə edilməsində önəmli rol oynayır

23.06.2012 [11:14]

Əli Əhmədov: Güman edirəm ki, İCAPP-ın 7-ci Baş Assambleyasında Dağlıq Qarabağ münaqişəsi ilə bağlı əhəmiyyətli mövqe ortaya qoyulacaq
“Asiya Siyasi Partiyalarının Beynəlxalq Konfransı Asiya ölkələrində fəaliyyət göstərən həm hakimiyyətdə olan, həm də hakimiyyətdə olmayan siyasi partiyaları birləşdirir. Yeni Azərbaycan Partiyası uzun illərdir ki, bu qurumla əməkdaşlıq edir və onun 20 ölkədən olan partiyalarını birləşdirən Daimi Komitəsinin üzvüdür. Ona görə də, İCAPP-ın Daimi Komitəsinin 17-ci iclası Bakı şəhərində keçirilir”. Bu fikirləri Yeni Azərbaycan Partiyası (YAP) Sədrinin müavini-İcra katibi, millət vəkili Əli Əhmədov deyib.
Əli Əhmədov bildirib ki, bu ilin noyabr ayında İCAPP-ın 7-ci Baş Assambleyasının da Bakı şəhərində keçirilməsi haqqında qərar qəbul edilib. Onun fikrincə, bu təşkilat bütövlükdə Asiya ölkələrində həmrəyliyin, barışın, anlaşmanın əldə edilməsində önəmli rol oynayır və bu prosesə mühüm töhfələr verir.
“Məmnunluq hissi ilə demək istəyirəm ki, YAP dünyanın ən böyük siyasi partiyalarının qurumundan biri olan İCAPP-ın Daimi Komitəsinin üzvüdür. Bu iclasda Asiya ölkələrinin əməkdaşlığı, birliyi barəsində, iqtisadi əməkdaşlıq və digər məsələlərlə əlaqədar müzakirələr aparılacaq, əhəmiyyətli qərarlar qəbul ediləcək. İCAPP Azərbaycanın ağrılı problemi olan Dağlıq Qarabağ münaqişəsinə özünün münasibətini dəfələrlə bildirib. Güman edirəm ki, noyabr ayında Bakı şəhərində keçiriləcək Baş Assambleyasında da təşkilat qəbul edəcəyi qətnamədə Dağlıq Qarabağ münaqişəsi ilə bağlı əhəmiyyətli mövqeyini bir daha ortaya qoyacaq”, - deyə YAP Sədrinin müavini vurğulayıb.
Paylaş:
Baxılıb: 879 dəfə

Xəbər lenti

Hamısına bax

Ədəbiyyat

Analitik

Ədəbiyyat

Serial oxucusu

25 Aprel 08:50

Ədəbiyyat

Şənbə üçün nəzm

25 Aprel 08:38  

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30