Bakıda və Abşeron yarımadasında hava buludlu olacaq

Bakı:

22 °C

68 %

2 m/s

Əlaqə

AZ RU EN

Ana səhifə / Sosial / Bakıda və Abşeron yarımadasında hava buludlu olacaq

Bakıda və Abşeron yarımadasında hava buludlu olacaq

21.02.2026 [17:26]

Azərbaycan ərazisində fevralın 22-nə gözlənilən hava şəraiti açıqlanıb.

Milli Hidrometeorologiya Xidmətindən AZƏRTAC-a bildirilib ki, fevralın 22-də ölkə ərazisində hava şəraitinin əsasən sabit keçəcəyi, lakin bəzi bölgələrdə axşam saatlarından yağıntıların müşahidə olunacağı gözlənilir.

Bakıda və Abşeron yarımadasında hava dəyişkən buludlu olacaq, əsasən yağmursuz keçəcək. Səhər saatlarında bəzi yerlərdə az çiskinli olacağı, axşam isə yağış yağacağı ehtimal edilir. Arabir güclənən şimal-qərb küləyi axşama doğru mülayimləşəcək. Havanın temperaturu gecə 3-6° isti, gündüz 9-14° isti olacaq. Atmosfer təzyiqi 765 mm civə sütunundan 762 mm civə sütununa enəcək. Nisbi rütubət gecə 75-80 faiz, gündüz 60-65 faiz təşkil edəcək.

Azərbaycanın rayonlarında hava şəraiti əsasən yağmursuz keçəcək. Lakin axşam bəzi yerlərdə arabir yağıntılı olacağı gözlənilir. Ayrı-ayrı ərazilərdə yağıntının qısa müddətə intensivləşəcəyi, dağlıq rayonlarda isə qar yağacağı ehtimalı var. Gecə və səhər bəzi yerlərdə duman müşahidə olunacaq. Mülayim qərb küləyi əsəcək. Havanın temperaturu gecə 1-6° isti, gündüz 9-14° isti, dağlarda gecə 3° şaxtadan 2°-dək isti, gündüz 2-6° isti olacaq.

Naxçıvan Muxtar Respublikasında, o cümlədən Naxçıvan şəhəri, Culfa, Ordubad, Sədərək, Şahbuz və Şərur rayonlarında hava əsasən yağmursuz keçəcək. Axşama doğru bəzi yerlərdə arabir yağıntılı olacağı, qar yağacağı gözlənilir. Arabir duman olacaq, mülayim qərb küləyi əsəcək. Havanın temperaturu gecə 3° şaxtadan 2°-dək isti, gündüz 7-12° isti təşkil edəcək.

Qarabağ və ətraf rayonlarda – Xankəndi, Şuşa, Xocalı, Xocavənd, Füzuli, Ağdam, eləcə də Daşkəsən-Gədəbəy zonası və Göygöldə hava əsasən yağmursuz olacaq. Lakin axşama doğru bəzi yerlərdə arabir yağıntılı, qar yağacağı ehtimalı var. Arabir duman müşahidə olunacaq, qərb küləyi gündüz bəzi yerlərdə arabir güclənəcək. Havanın temperaturu gecə 2° şaxtadan 3°-dək isti, gündüz 6-11° isti olacaq.

Şərqi Zəngəzur iqtisadi rayonunda – Cəbrayıl, Kəlbəcər, Qubadlı, Laçın və Zəngilanda hava əsasən yağmursuz keçəcək. Axşama doğru bəzi yerlərdə yağıntı, qar ehtimalı var. Arabir duman olacaq, qərb küləyi gündüz bəzi yerlərdə güclənəcək. Havanın temperaturu gecə 2-5° isti, dağlıq ərazilərdə 3° şaxta, gündüz 7-12° isti təşkil edəcək.

Qazax-Gəncə bölgəsində – Qazax, Gəncə, Samux, Goranboy, Tərtər, Şəmkir, Tovuz və Naftalanda səhər və axşam saatlarında bəzi yerlərdə arabir yağıntılı hava şəraiti müşahidə olunacaq, dağlıq ərazilərdə qar yağacağı gözlənilir. Arabir duman olacaq, qərb küləyi gündüz bəzi yerlərdə güclənəcək. Havanın temperaturu gecə 0-5° isti, gündüz 9-14° isti olacaq.

Şimal-qərb və şimal rayonlarında – Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz və Qusarda hava əsasən yağmursuz keçəcək. Gündüz bəzi şərq rayonlarında, axşam isə əksər ərazilərdə arabir yağıntı, qar gözlənilir. Ayrı-ayrı yerlərdə yağıntının intensivləşəcəyi ehtimal edilir. Arabir duman olacaq, qərb küləyi gündüz bəzi yerlərdə güclənəcək. Havanın temperaturu gecə 0-4° isti, gündüz 7-12° isti, dağlarda gecə 3° şaxtadan 2°-dək isti, gündüz 3-8° isti olacaq.

Mərkəzi Aran rayonlarında – Yevlax, Ağdaş, Kürdəmir, İmişli, Ağcabədi, Bərdə, Beyləqan, Sabirabad, Mingəçevir, Biləsuvar, Saatlı, Göyçay, Ucar, Şirvan, Hacıqabul, Zərdab, Salyan və Neftçalada hava əsasən yağmursuz olacaq. Səhər bəzi yerlərdə çiskinli, axşam isə arabir yağıntılı olacağı gözlənilir. Arabir duman müşahidə ediləcək. Qərb küləyi gündüz bəzi yerlərdə güclənəcək. Havanın temperaturu gecə 1-6° isti, gündüz 9-14° isti olacaq. Cənub bölgəsində – Masallı, Yardımlı, Lerik, Lənkəran, Astara, Biləsuvar və Cəlilabadda bəzi yerlərdə fasilələrlə yağış yağacağı gözlənilir. Arabir duman olacaq. Şimal-şərq küləyi bəzi yerlərdə arabir güclənəcək. Havanın temperaturu gecə 2-5° isti, gündüz 7-12° isti, dağlarda gecə 1-4° isti, gündüz 6-9° isti təşkil edəcək.

Paylaş:

Baxılıb: 600 dəfə