Gəncə dairəvi yolunun açılışı olub

Bakı:

28 °C

57 %

3 m/s

Əlaqə

AZ RU EN

Ana səhifə / Sosial / Gəncə dairəvi yolunun açılışı olub

Gəncə dairəvi yolunun açılışı olub

30.12.2013 [09:08]

Dünən, həmçinin, Gəncə dəmiryol stansiyasının inzibati binası əsaslı təmirdən sonra istifadəyə verilib
Dünən Gəncə dairəvi yolunun açılış mərasimi keçirilib. Açılış mərasimində nəqliyyat naziri Ziya Məmmədov, “Azəryolservis” Açıq Səhmdar Cəmiyyətinin sədri, millət vəkili Cavid Qurbanov, Gəncə şəhər İcra Hakimiyyətinin başçısı Elmar Vəliyev, şəhər rəsmiləri, ictimaiyyət nümayəndələri və KİV təmsilçiləri iştirak ediblər. Bildirilib ki, Bakı-Ələt-Qazax magistral yolunun 344-cü km-dən 382-ci km-ə qədər hissəsində yüksək səviyyədə təmir işləri aparılıb. Tikinti işlərinə 2009-cu ilin mart ayından başlanılıb. 4 hərəkət zolağından ibarət yolun 2 hərəkət zolağı İtaliyanın Empresa şirkətinin, digər 2 hərəkət zolağı isə Koreyanın Ultra Azerko şirkətinin Azərbaycanla birgə əməkdaşlığı ilə inşa edilib. Yolboyu 4 körpü, 8 avtobus dayanacağı salınıb və 82 ədəd müxtəlif diametrli borulardan istifadə olunub. Yolda işarə lövhələri, yol nişanları, zəruri hissələrdə isə işıqlandırma sistemi quraşdırılıb.
Qeyd edək ki, tikinti işləri Asiya İnkişaf və Koreyanın Şinhan Bankı tərəfindən maliyyələşdirilib.
Dünən, həmçinin, Gəncə dəmiryol stansiyasının inzibati binasının da əsaslı təmirdən sonra açılışı olub. Açılışda nəqliyyat naziri Ziya Məmmədov, “Azəryolservis” Açıq Səhmdar Cəmiyyətinin sədri, millət vəkili Cavid Qurbanov, Gəncə şəhər İcra Hakimiyyətinin başçısı Elmar Vəliyev, şəhər rəsmiləri və ictimaiyyətin nümayəndələri iştirak ediblər.
Açılış mərasimindən sonra tədbir iştirakçıları inzibati binanı gəziblər. Binanın foyesində Ulu öndər Heydər Əliyevin büstü qoyulub, Ümummilli liderin və Azərbaycan Respublikasının Prezidenti İlham Əliyevin həyat və fəaliyyətini özündə əks etdirən foto-stend yaradılıb. 2013-cü ilin yanvar ayından start verilən əsaslı təmir prosesində stansiyanın inzibati binasının 2300 kvadratmetr dam örtüyü müasir tələblərə uyğun yenidən qurulub, 2600 kvadratmetr fasadı üzlük aqlay daşı ilə üzlənib. Qapı və pəncərələri dəyişdirilib, döşəmə 1500 kvadratmetr həcmində qranit daşla təmir edilib. Burada qazanxana inşa edilib və bina mərkəzləşdirilmiş kondisioner və istilik sistemi ilə təchiz olunub. Sərnişinlərin rahatlığı üçün stansiyada VİP zalı, ana və uşaq otağı, tibb məntəqəsi var.
Yeni inzibati binada müvafiq işçilər üçün yüksək komforta malik iş otaqları yaradılıb.
Gəncə stansiyasının əsaslı təmirini “Azərbaycan Dəmir Yolları” Qapalı Səhmdar Cəmiyyətinin Dəmir yollarının və texniki qurğularının təmir-tikinti Departamenti həyata keçirib.
Gülər Nəcəfova

Paylaş:

Baxılıb: 1503 dəfə