Xocalı soyqırımının beynəlxalq ictimaiyyət tərəfindən tanınması istiqamətində uğurlu nəticələr əldə edilir

Bakı:

22 °C

94 %

0 m/s

AZ RU EN

Ana səhifə / Sosial / Xocalı soyqırımının beynəlxalq ictimaiyyət tərəfindən tanınması istiqamətində uğurlu nəticələr əldə edilir

Xocalı soyqırımının beynəlxalq ictimaiyyət tərəfindən tanınması istiqamətində uğurlu nəticələr əldə edilir

26.02.2014 [09:41]

Xocalı soyqırımı ilə bağlı həqiqətlərin beynəlxalq ictimaiyyətə çatdırılması Azərbaycan torpaqlarının Ermənistan tərəfindən işğalı faktının dünya miqyasında tanınması baxımından da əhəmiyyətlidir. II Dünya müharibəsindən sonra Avropada, SSRİ-nin dağılmasından sonra dünyada insan haqlarının, demokratiyanın qorunması prioritet məsələlərdən birinə çevrilib və bu ənənə hələ də davam edir. Bu baxımdan Azərbaycan dünya ictimaiyyətinin Xocalı soyqırımını tanıması üçün insan haqlarını - bir milyon vətəndaşımızın qaçqın olması, onların doğma torpaqlarında yaşamaq haqqından məhrum olmaları, Ermənistanın hərbi təcavüzü nəticəsində minlərlə mülki şəxsin qətlə yetirilməsi haqqında faktları müxtəlif səviyyələrdə ifadə edir, beynəlxalq təşkilatlarda bu məsələlərin müzakirəsinə nail olur. O cümlədən, Xocalı soyqırımının beynəlxalq ictimaiyyət tərəfindən tanınması istiqamətində müsbət işlər görülür və uğurlu nəticələr əldə edilir:
- 2 fevral 2012-ci il tarixində Meksika Senatının qəbul etdiyi qərarda Dağlıq Qarabağın Xocalı şəhərində 1992-ci il fevralın 25-26-da baş vermiş faciə soyqırımı adlandırılıb.
- 2012-ci ilin 24 aprel tarixində Kolumbiya parlamenti Xocalı soyqırımını rəsmən tanıyıb.
- 2012-ci ildə Pakistan Senatının Xarici Əlaqələr Komitəsi Xocalı şəhərində mülki əhaliyə qarşı törədilmiş soyqırımı pisləyən qətnamə qəbul edib.
ABŞ-ın ştatları:
- 2010-cu il 25 fevral, Massaçusets ştatının nümayəndələr palatası
- 2011-ci il, Texas ştatı
- 2012-ci il mart, Mein ştatı
- 2012-ci il, Nyu-Cersi Ştatı
- 2013-cü il 24 fevral, Corciya Ştatı
- 2013-cü il 8 fevral, Arkanzas ştatı
- 2013-cü il 28 yanvar, Nyu Meksiko ştatı
- 2013-cü il 25 fevral, Serbiya Parlamentinin Konstitusiya və Hüquq məsələləri üzrə Komitəsi
- 2013-cü il 19 fevral, Çexiya parlamentinin Xarici əlaqələr komitəsi
- 2013-cü il 26 fevral. Bosniya və Herseqovinanın Parlament Məclisinin Xalqlar Palatasının (yuxarı palata) iclasında mütləq səs çoxluğu ilə Ermənistanın Azərbaycana təcavüzü və Xocalı soyqırımına dair rəsmi sənəd - “Azərbaycan Respublikasının suverenliyinin və ərazi bütövlüyünün tanınması və hörmət olunması”na dair qətnamə qəbul olunub”.
Ankara Keçiörən bələdiyyəsi Xocalı soyqırımını tanıyıb və xatirə abidəsi ucaldıb.
- İslam Əməkdaşlıq Təşkilatı İslam Konfransı Gənclər Təşkilatı (İKGF) arasında əməkdaşlıq” başlığı altında qəbul olunmuş qətnamənin “Xocalıya ədalət!” kampaniyasına həsr edilmiş paraqrafında İƏT-ə üzv 51 ölkənin parlamentlərini öz sıralarında birləşdirən İƏT Pİ Xocalı faciəsini erməni silahlı qüvvələri tərəfindən dinc azərbaycanlı əhaliyə qarşı törədilmiş soyqırım aktı kimi tanıyıb və faciəni insanlığa qarşı törədilən cinayət adlandırıb.
Xocalı soyqırımının beynəlxalq aləmdə tanıdılması prosesində Azərbaycanın xüsusi bir qanun qəbul etməsi vacibdirmi? Bunun cavabını əsasən yəhudilərin yaşadığı Holokost hadisələrinə münasibətdə Təl-Əviv hökumətinin attığı addımlarda axtarmaq mümkündür. Bu barədə İsrail Knesseti Holokostu rəsmən tanıyan qanun qəbul etməsə də, 1951-ci il 12 apreldə Knessetin qəbul etdiyi qətnamə ilə 27 aprel Holokost qurbanlarının anım günü kimi qeyd edilir.
Azərbaycan parlamentində də Xocalı soyqırımı ilə bağlı müxtəlif qərar və bəyanatlar qəbul edilib. Xüsusilə, Ulu öndər Heydər Əliyevin rəhbərliyi ilə ölkəmiz tərəfində bu istiqamətdə çox mühüm addımlar atılıb, Xocalı soyqırımına siyasi-hüquqi qiymət verilməsi təmin olunub. Həmçinin, Prezident İlham Əliyev tərəfindən bununla bağlı müvafiq qərarlar qəbul edilib. Bunlar özlüyündə Xocalı soyqırımını tanımaqda yetərlidir.
İntizar Sultanlı,
YAP Binəqədi rayon təşkilatının İdarə heyətinin üzvü