Heydər Əliyev
yeni azerbaycan logo

Ana səhifə / Sosial / Ağsu rayonunda hər gün 1500-2000 sakin tibbi müayinəyə cəlb olunur

Ağsu rayonunda hər gün 1500-2000 sakin tibbi müayinəyə cəlb olunur

04.03.2014 [09:42]

Ölkə vətəndaşlarının kütləvi surətdə pulsuz tibbi müayinədən keçirilməsi ilə əlaqədar Prezident İlham Əliyev tərəfindən verilən tapşırıq Ağsu rayonunda da uğurla icra edilir.
Mərkəzi rayon xəstəxanası baş həkiminin müavini Əli Hüseynov AzərTAc-ın müxbirinə deyib ki, rayon icra hakimiyyəti ilə birgə əvvəlcədən aparılan hazırlıq işləri, idarə, müəssisə və təşkilatlar, ayrı-ayrı kəndlər üzrə tərtib olunmuş qrafik aksiyanın mütəşəkkil gedişini təmin edir. Müayinələr ən təcrübəli həkimlər tərəfindən mərkəzi rayon xəstəxanasında, Kalva kənd xəstəxanasında, habelə 7 həkim məntəqəsində aparılır. Yaradılmış həkim briqadaları isə müayinəyə gəlmək imkanları olmayan sakinləri evlərdə yoxlamadan keçirirlər.
Rayonda tibbi müayinəyə hər gün 1500-2000 sakin cəlb olunur. İndiyədək 20 min nəfər müayinədən keçib. Onlardan 129-u mərkəzi rayon xəstəxanasında stasionar müalicəyə, 2 min nəfər isə ambulator müalicəyə cəlb edilib, 30 nəfər əlavə müayinə və müalicə üçün respublikamızın ixtisaslaşmış xəstəxanalarına göndərilib.
Tibbi müayinəyə gəlmiş rayon ağsaqqallar şurasının sədri Seyfəddin Abdullayev əhalinin kütləvi surətdə tibbi müayinəyə cəlb olunmasından razılıq edərək bu insanpərvər təşəbbüsə, xalqın sağlamlığına göstərdiyi diqqət və qayğıya görə Prezident İlham Əliyevə ahıllar adından minnətdarlığını bildirib.

Paylaş:
Baxılıb: 1059 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30