Heydər Əliyev
yeni azerbaycan logo

Ana səhifə / Sosial / UNEC Türkiyə universitetləri ilə əməkdaşlığı genişləndirir

UNEC Türkiyə universitetləri ilə əməkdaşlığı genişləndirir

14.10.2015 [09:52]

Azərbaycan Dövlət İqtisad Universitetinin (UNEC) rektoru, professor Ədalət Muradov “Türk universitetləri Avropa tədqiqat məkanında” mövzusunda keçirilən konfransda iştirak edib. Rektor Ə.Muradov Ankara şəhərində keçirilən tədbirə Türkiyənin Orta Doğu Texniki Universitetinin rektoru, professor Ahmet Acarın dəvəti ilə qatılıb.
Orta Doğu Texniki Universiteti, Boğaziçi Universiteti, Bilkent Universiteti, İstanbul Texniki Universiteti, Koç Universiteti, Sabancı Universiteti, Türkiyə Elmi və Texnoloji Tədqiqat Şurası (TÜBİTAK) və Avropa Komissiyasının təşkilatçılığı ilə keçirilən konfransda Avropa tədqiqat məkanının prioritetləri və istiqamətləri mövzusunda müzakirələr aparılıb. Tədbirdə Avropa Komissiyasının “Horizon 2020” elmi-tədqiqat və texnoloji inkişaf 8-ci çərçivə proqramı ətrafında məruzələr dinlənilib.
UNEC-in Avropa tədqiqatlar məkanına inteqrasiyası baxımından əhəmiyyət kəsb edən bu tədbirdə rektor Ə.Muradov Boğaziçi Universitetinin rektoru, professor Gülay Barbarosoğlu, Sabancı Universitetinin rektoru, professor Nihat Berker, Koç Universitetinin rektoru, professor Umran İnan, Orta Doğu Texniki Universitetinin rektoru, professor Ahmet Acar, Bilkent Universitetinin rektoru, professor Abdullah Atalar, İstanbul Texniki Universitetinin rektoru, professor Mehmet Karaca ilə görüşüb.
Rektor Ə.Muradov Türkiyəyə səfəri zamanı Orta Doğu Texniki Universitetinin Texnoparkını da ziyarət edib. Görüşdə Texnoparkın fəaliyyət mexanizminin nüansları və təkmilləşdirilmə perspektivləri barədə informasiya mübadiləsi aparılıb.
Kembric Universitetinin İnsan Resursları Departamentinin direktoru, xanım Şeyla Qupta ilə görüşdə əməkdaşlıq imkanlarına dair müzakirələr aparılıb.

Paylaş:
Baxılıb: 627 dəfə

Xəbər lenti

Hamısına bax

YAP xəbərləri

İqtisadiyyat

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30