Heydər Əliyev
yeni azerbaycan logo

Ana səhifə / Sosial / Qubadlı ictimaiyyəti Ulu öndər Heydər Əliyevin anadan olmasının 93-cü ildönümünü qeyd edib

Qubadlı ictimaiyyəti Ulu öndər Heydər Əliyevin anadan olmasının 93-cü ildönümünü qeyd edib

07.05.2016 [09:19]

Ümummilli lider Heydər Əliyevin anadan olmasının 93-cü ildönümü münasibətilə Qubadlı rayonu ictimaiyyəti silsilə tədbirlər keçirir. Rayon İcra Hakimiyyətinin və Yeni Azərbaycan Partiyası (YAP) Qubadlı rayon təşkilatının təşkilatçılığı ilə keçirilən “dəyirmi masa”da rayonun idarə, müəssisə, təşkilat rəhbərləri, ictimaiyyət nümayəndələri iştirak ediblər. Tədbir iştirakçıları öncə Ulu öndər Heydər Əliyevin rayon İcra Hakimiyyəti binasının foyesində qoyulmuş büstünü ziyarət edib, önünə gül dəstələri qoyublar.
Çıxış edən Qubadlı rayon İcra Hakimiyyətinin başçısı Malik İsaqov Ümummilli lider Heydər Əliyevin Azərbaycan dövlətinin möhkəmlənməsi və inkişafı yolundakı fəaliyyətindən bəhs edib. İcra Hakimiyyəti başçısı əlavə edib ki, Ulu öndər Heydər Əliyev məcburi köçkünlərin himayəçisi idi: “Dahi rəhbərin həyata keçirdiyi siyasət nəticəsində qaçqın və məcburi köçkünlərin problemləri öz həllini tapdı. Ümummilli liderimiz Heydər Əliyev siyasi irsinin layiqli davamçısı, Azərbaycan Respublikasının Prezidenti İlham Əliyevin bu siyasi kursu yeni tarixi şəraitə uyğun yaradıcılıqla davam etdirməsi ölkəmizin inkişafını təmin edib. İnanırıq ki, yaxın gələcəkdə məhz bu siyasətin nəticəsində torpaqlarımız işğaldan azad olunacaq və məcburi köçkünlər öz doğma yurd-yuvalarına qayıdacaqlar”.
Tədbirdə Qubadlı rayon prokuroru Qoşqar Əhmədov, eləcə də digər natiqlər çıxış ediblər.
Pərviz SADAYOĞLU

Paylaş:
Baxılıb: 720 dəfə

Xəbər lenti

Hamısına bax

Sosial

Gündəm

Siyasət

YAP xəbərləri

Gündəm

Ədəbiyyat

Analitik

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30