Beynəlxalq Prokurorlar Assosiasiyası ilə əməkdaşlıq uğurla davam etdirilir

Bakı:

15 °C

94 %

1 m/s

Əlaqə

AZ RU EN

Ana səhifə / Sosial / Beynəlxalq Prokurorlar Assosiasiyası ilə əməkdaşlıq uğurla davam etdirilir

Beynəlxalq Prokurorlar Assosiasiyası ilə əməkdaşlıq uğurla davam etdirilir

08.04.2017 [12:20]

Prezident İlham Əliyevin tapşırıq və tövsiyyələrinə uyğun olaraq, Azərbaycan Prokurorluğu beynəlxalq və regional təşkilatlarla, həmçinin digər ölkələrin prokurorluq və antikorrupsiya qurumları ilə səmərəli əməkdaşlığı davam etdirir. Həmin qurumlar arasında Beynəlxalq Prokurorlar Assosiasiyası (IAP) xüsusi yer tutur.
Baş Prokurorluğun mətbuat xidmətindən AZƏRTAC-a bildiriblər ki, aprelin 3-dən 5-dək Koreya Respublikasının Busan şəhərində IAP İcraiyyə Komitəsinin 43-cü yaz iclası keçirilib.
Tədbirdə ölkəmizi Assosiasiyanın İcraiyyə Komitəsinin üzvü, Azərbaycan Respublikası baş prokurorunun müavini - Baş Prokuror yanında Korrupsiyaya Qarşı Mübarizə Baş İdarəsinin rəisi Kamran Əliyev təmsil edib.
İclasda IAP-ın Konstitusiyası və fəaliyyətini tənzimləyən digər normativ sənədlərə əlavə və dəyişikliklər, Assosiasiyanın digər beynəlxalq və regional qurumlarla qarşılıqlı münasibətləri, dünya prokurorları arasında qarşılıqlı münasibətlərin səmərəliliyinin artırılması məsələləri, habelə prokurorluq orqanlarının qarşısında duran vəzifələr müzakirə olunub.
K.Əliyev tədbirdə çıxış edərək Azərbaycan Prokurorluğu ilə IAP arasında əməkdaşlığın vacibliyini vurğulayıb, bu sahədə qarşıda duran vəzifələr və gələcək əməkdaşlığın səmərəliliyinin artırılması istiqamətində görüləcək işlər, habelə qurumun fəaliyyətinin təkmilləşdirilməsi barədə təkliflər verib.
Müzakirələr zamanı IAP-ın rəsmiləri Azərbaycan Respublikasının bu qurumla əməkdaşlığını təqdir edərək qurumun internet səhifəsinin rus versiyasının və Korrupsiyaya Qarşı Mübarizə Aparan Prokurorların Şəbəkəsinin (NACP) alt domeninin fəaliyyətinin Azərbaycan prokurorluğu tərəfindən hazırlanmasını xüsusi qiymətləndiriblər.
Azərbaycan Prokurorluğunun verdiyi töhfələrin məntiqi nəticəsi olaraq, Assosiasiyanın İcraiyyə Komitəsinin növbəti iclasının 2018-ci il aprelin 5-6-da Bakıda keçirilməsi barədə qərar yekdilliklə qəbul edilib.
Tədbir zamanı bir sıra təşkilati məsələlərə baxılıb, Şimali Amerika və Sakit okean üzrə yeni vitse-prezident vəzifələrinə namizədlər irəli sürülüb, Azərbaycan Prokurorluğunun Assosiasiya çərçivəsində fəaliyyəti xüsusi qeyd olunub. Həmçinin IAP-ın 22-ci İllik Konfransının və Ümumi Yığıncağının cari il sentyabrın 9-15-də Pekində keçirilməsi qərara alınıb.
Tədbir iştirakçıları Koreya Respublikasının baş prokuroru Kim Su Nam, habelə həmin ölkənin sabiq baş prokuroru və IAP-ın vitse-prezidenti Cun Qyu Kim ilə görüşərək faydalı fikir mübadiləsi aparıblar.

Paylaş:

Baxılıb: 726 dəfə