Ceyhun Məmmədov: Azərbaycanda həyata keçirilən sosial islahatlar təhsilin uğurlu inkişafını təmin edir

Bakı:

20 °C

88 %

3 m/s

AZ RU EN

Ana səhifə / Sosial / Ceyhun Məmmədov: Azərbaycanda həyata keçirilən sosial islahatlar təhsilin uğurlu inkişafını təmin edir

Ceyhun Məmmədov: Azərbaycanda həyata keçirilən sosial islahatlar təhsilin uğurlu inkişafını təmin edir

04.09.2019 [09:17]

Müəllimlərin və dövlət qulluqçularının maaşlarının, eyni zamanda, tələbələrin təqaüdlərinin artırılması vətəndaşlarımızın rifahının daha da yüksəlməsinə, xalqımızın xoş gələcəyinə hesablanıb.
Bu fikri AZƏRTAC-a müsahibəsində Azərbaycan İlahiyyat İnstitutunun rektoru Ceyhun Məmmədov söyləyib. O bildirib ki, vətəndaşların sosial müdafiəsinin gücləndirilməsi, əhalinin aztəminatlı təbəqələrinə kömək göstərilməsi, yoxsulluğun aradan qaldırılması Azərbaycanda dövlət siyasətinin başlıca istiqamətlərindən biridir.
Sentyabrın 1-dən qüvvəyə minən sərəncamlar sosialyönümlü islahatların daha da dərinləşməsinə və müxtəlif təbəqələri əhatə etməsinə əyani sübutdur. Dövlət başçısının imzaladığı sərəncamlarla hüquq-mühafizə orqanları əməkdaşlarının, hərbçilərin, təhsil sahəsində işləyənlərin də əməkhaqları artırılıb. Ulu Öndər Heydər Əliyevin strateji kursunun layiqli davamçısı Prezident İlham Əliyevin apardığı sosial islahatlar Azərbaycan təhsilinin uğurlu inkişafını təmin edir.
Qeyd edək ki, təhsil hər bir ölkənin, o cümlədən Azərbaycanın da sosial siyasətinin prioritet istiqamətlərindən biridir. Məhz bu kontekstdən yanaşdıqda, ölkəmizdə iqtisadi inkişafın təmin edilməsi, respublikamızın beynəlxalq aləmdə söz sahibinə çevrilməsi, təhsil islahatlarının aparılması, infrastrukturunun əsaslı şəkildə yenilənməsi və Azərbaycan təhsilinin keyfiyyətcə yeni mərhələyə qədəm qoyması Prezident İlham Əliyevin bu sahəyə göstərdiyi diqqət və qayğının göstəricisidir. Bu sahəyə müasir və çevik yanaşmalar sayəsində təhsil müəssisələrimiz istər keyfiyyət göstəriciləri, istərsə də sağlam mənəvi-psixoloji mühitin təmin olunması baxımından ciddi uğurlara imza atır.
“Prezident İlham Əliyevin “Ali təhsil müəssisələrində təqaüd sisteminin təkmilləşdirilməsi ilə bağlı əlavə tədbirlər barədə”, “Doktorantlara, ali təhsil, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində təhsil alan tələbələrə təqaüdlərin verilməsi haqqında” sərəncamları, habelə “Azərbaycan Respublikasının ali məktəb tələbələri üçün Prezident təqaüdünün təsis edilməsi haqqında” Fərman təhsilin inkişafına stimul verir. Belə mühüm addımlar tələbələr arasında rəqabət mühitinin formalaşmasında əhəmiyyətli rol oynayır. Ödənişli təhsil alan tələbələrin də təqaüd almaq imkanı əldə etməsi bu rəqabətin daha da artmasına öz müsbət təsirini göstərəcək”, - deyə rektor Ceyhun Məmmədov vurğulayıb.

Paylaş:

Baxılıb: 1557 dəfə