Azərbaycan pandemiya ilə mübarizə təcrübəsi nümunəvi xarakter daşıyır

Bakı:

23 °C

73 %

8 m/s

Əlaqə

AZ RU EN

Ana səhifə / Sosial / Azərbaycan pandemiya ilə mübarizə təcrübəsi nümunəvi xarakter daşıyır

Azərbaycan pandemiya ilə mübarizə təcrübəsi nümunəvi xarakter daşıyır

08.09.2020 [09:37]

Ekspertlərin qeyd etdikləri kimi, ölkəmizdə pandemiya şəraitində həm əhalinin sağlamlığının qorunması, həm də sosial müdafiəsinin gücləndirilməsi istiqamətində məqsədyönlü tədbirlərin həyata keçirilməsi mühüm əhəmiyyətə malikdir
Ölkəmizdə yeni növ koronavirus (COVID-19) infeksiyasına qarşı mübarizə ardıcıl xarakter daşıyır. Zəruri resursları pandemiya ilə mübarizəyə səfərbər edən Azərbaycan dövləti həm əhalinin sağlamlığının qorunması, həm də sosial müdafiəsinin gücləndirilməsi istiqamətində məqsədyönlü tədbirləri davam etdirir. Eyni zamanda, vətəndaşlar məsuliyyət nümayiş etdirərək dövlətə bu istiqamətdə ictimai dəstək göstərirlər. Bunun nəticəsidir ki, son zamanlar yoluxma sayında azalma müşahidə olunur.
Məsələ ilə bağlı fikirlərini bölüşən Milli Məclisin deputatı Müşfiq Cəfərov deyib ki, avqustun 5-dən etibarən yoluxma hallarının azalması, eyni zamanda, sağalan xəstələrin çoxluq təşkil etməsi bir sıra məsələlərdə mərhələli yumşalmanı şərtləndirdi. Onun sözlərinə görə, bu yumşalmalar həm iqtisadiyyatın davamlılığı, həm də insanların sosial vəziyyətini yaxşılaşdırmaq baxımdan vacib addımdır. M.Cəfərov deyib ki, indiki halda da insanlar mütləq şəkildə yoluxma sayının artmasına səbəb ola biləcək addımlar atmamalı, öz sağlamlıqlarının qeydinə qalmalı və karantin qaydalarına uyğun şəkildə davranışlar sərgiləməlidirlər: “Bütün hallarda yumşalmalar xəstəliyin yenidən artımına səbəb olmamalıdır. İnsanlarımız məsuliyyətli davranmalı və sanitar-gigiyenik qaydalara əvvəlki kimi ciddi riayət etməlidir. Əks halda, bir sıra xarici dövlətlərdə yumşalmalardan sonra müşahidə olunan mənfi tendensiya ölkəmizdə də təkrarlana bilər. Sərt karantin rejimnin tətbiqinə rəvac verəcək, xəstəliyin miqyasını artıracaq davranışlardan uzaq olmalıyıq. Nəticə etibarilə, hər şey vətəndaşlarımızın məsuliyyətli davranışından asılıdır”.
Milli Məclisin deputatı Vüqar Bayramov isə bildirib ki, mart ayından bu yana Azərbaycan dövləti pandemiyanın təsirlərinin minimumlaşdırılması, xüsusən də vətəndaşlarımızın sağlamlığına və iqtisadiyyatımıza təsirlərinin azaldılmasını prioritet hədəf kimi qarşıya qoymuşdu. Əldə olunan nəticələr isə onu deməyə əsas verir ki, ölkəmiz bu hədəfə çatıb.
Millət vəkili qeyd edib ki, Azərbaycan Prezidentinin rəhbərliyi ilə həyata keçirilən siyasət birbaşa hər bir vətəndaşımızın sağlamlığının qorunmasına, yoluxma hallarının azalmasına şərait yaradıb. V.Bayramov onu da qeyd edib ki, pandemiyanın iqtisadi vəziyyətə təsirləri gözlənilən idi və bu təsirləri də azaltmaq üçün dövlətimiz mühüm addımları ilə seçildi. Azərbaycan hökuməti pandemiyanın iqtisadi təsirlərini də minimumlaşdırmağa nail oldu. Millət vəkili əlavə edib ki, növbəti dövrlər üçün də əsas hədəf isə postpandemiya dövründə yenidən iqtisadi aktivliyə mümkün qədər tez nail olmaqdır: “O baxımdan, növbəti aylarda da vətəndaşlarımızın məsuliyyətli davranışı, yoluxma sayının daha da da azalması kontekstində pandemiyanın iqtisadiyyata təsirlərinin minimumlaşdırılması ilə bağlı siyasət davam etdiriləcək. Məqsəd postpandemiya dövründə real sektorda iqtisadi aktivliyi daha qısa zamanda bərpa etməkdir”.
Pərviz SADAYOĞLU

Paylaş:

Baxılıb: 577 dəfə