Gənclərin İnkişaf və Karyera Mərkəzinin növbəti nümayəndəliyi Gədəbəy rayonunda fəaliyyətə başlayıb

Bakı:

25 °C

65 %

10 m/s

AZ RU EN

Ana səhifə / Sosial / Gənclərin İnkişaf və Karyera Mərkəzinin növbəti nümayəndəliyi Gədəbəy rayonunda fəaliyyətə başlayıb

Gənclərin İnkişaf və Karyera Mərkəzinin növbəti nümayəndəliyi Gədəbəy rayonunda fəaliyyətə başlayıb

23.09.2020 [09:06]

Gənclərin İnkişaf və Karyera Mərkəzlərinin nümayəndəliklərinin fəaliyyətə başladığı şəhər və rayonların sayı 28-ə çatıb
Gənclərin İnkişaf və Karyera Mərkəzinin (GİKM) növbəti nümayəndəliyi Gədəbəy rayonundakı Heydər Əliyev Mərkəzində fəaliyyətə başlayıb.
GİKM-dən AZƏRTAC-a bildiriblər ki, bu münasibətlə keçirilən onlayn tədbirdə rayon icra hakimiyyətinin başçısı, Gənclər Fondunun icraçı direktoru, yerli Gənclərin İnkişaf və Karyera Mərkəzinin nümayəndələri və rayon gəncləri olmaqla 400 nəfər iştirak edib.
Açılış tədbirindəki çıxışlarda Prezident İlham Əliyevin rəhbərliyi ilə həyata keçirilən dövlət gənclər siyasəti, ölkəmizdə gənclər üçün yaradılan imkanlardan danışılıb. Bildirilib ki, dövlətimizin başçısının müvafiq Sərəncamına əsasən yaradılan nümayəndəliklərin fəaliyyəti dövlət gənclər siyasətinin tələblərinə uyğun olaraq, gənclərin hərtərəfli inkişafının təmin olunması, habelə Ümummilli Lider Heydər Əliyevin dövlətçilik fəlsəfəsini, azərbaycançılıq məfkurəsini gənc nəslin daha dərindən mənimsəməsi işinə töhfə verməkdən ibarətdir. Yeni yaradılan nümayəndəliklərdə gənclərin əlavə bilik və bacarıqlara yiyələnməsi üçün müxtəlif peşə təlimləri və ustad dərsləri, təhsil və təcrübə proqramları, görüşlər, seminarlar, intellektual oyunlar və digər tədbirlər təşkil olunacaq. Regionda yaşayan gənclər dövlət tərəfindən onlar üçün yaradılan imkanlar barədə nümayəndəliklər vasitəsilə məlumat və məsləhət almaq, həmçinin müxtəlif proqramlara müraciət və onlarda iştirak imkanı qazanacaq, fəal vətəndaş kimi öz regionlarının inkişafına töhfə verəcəklər. Çıxış edənlər gəncləri GİKM-ə gəlməklə bu imkanlardan yararlanmağa və sıx əməkdaşlığa çağırıblar.
Daha sonra mərkəzin imkanları barədə qonaqlara virtual şəkildə ətraflı məlumat verilib. Qonaqlara artıq 27 regionda yaradılan mərkəzlərin fəaliyyətini əks etdirən videoçarx təqdim olunub. Tədbir istedadlı region gəncinin musiqili çıxışı və təlim xarakterli oyunlarla davam etdirilib.
Region gəncləri, həmçinin onlayn şəkildə “Gənc könüllü” proqramına qoşulmaq üçün qeydiyyatdan keçiblər.
Bununla Gənclərin İnkişaf və Karyera Mərkəzlərinin nümayəndəliklərinin fəaliyyətə başladığı şəhər və rayonların sayı 28-ə çatıb. Ölkənin bütün şəhər və rayonlarındakı Heydər Əliyev mərkəzlərində bu ilin sonunadək Gənclərin İnkişaf və Karyera Mərkəzinin nümayəndəliklərinin açılması nəzərdə tutulur.

Paylaş:

Baxılıb: 653 dəfə