Ulu öndərimiz tərəfindən qurulan Yeni Azərbaycan Partiyasının inkişafı İlham Əliyev tərəfindən böyük uğurla həyata keçirilir

Bakı:

16°C

77%

2m/s

AZ RU EN

Ana səhifə / YAP xəbərləri / Ulu öndərimiz tərəfindən qurulan Yeni Azərbaycan Partiyasının inkişafı İlham Əliyev tərəfindən böyük uğurla həyata keçirilir

Ulu öndərimiz tərəfindən qurulan Yeni Azərbaycan Partiyasının inkişafı İlham Əliyev tərəfindən böyük uğurla həyata keçirilir

21.11.2024 [17:00]

Varis Rüstəmov,

Yeni Azərbaycan Partiyası Sabirabad rayon təşkilatının sədri

Cəmiyyətdə böyük nüfuza malik olan Yeni Azərbaycan Partiyasının yaranmasının 32 -ci ilini qeyd edirik. 21 noyabr 1992-ci il ictimai – siyasi və fikir tariximizin ən əlamətdar və unudulmaz təqvimlərindən biridir. 1991-ci ilin 18 oktyabrı dövlət müstəqilliyinin rəsmən elan olunduğundan sonra Azərbaycan böyük fəlakətlə üzləşdi. Bir – birini sürətlə əvəzləyən müvəqqəti iqtidarların səriştəsiz siyasəti dövlətə, xalqa qarşı edilən xəyanətlər Azərbaycanın nəinki yenicə qazandığı müstəqilliyini itirmək, hətta bir dövlət kimi dünyanın siyasi xəritəsindən silinmək təhlükəsi ilə üz-üzə qoymuşdur. AXC – Müsavat cütlüyünün hakimiyyəti özünün bədnam idarəçilik fəaliyyəti ilə xalqın bu günə və gələcəyə ümidini, qürurlu millət kimi yaşamağa inamını öldürmüşdü. Meydanın boş olduğunu görən erməni təcavüzkarları da işğalçılıq siyasətini daha da gücləndirmiş, respublikanın ayrı-ayrı bölgələrində qanunsuz silahlı birləşmələr tüğyan etməyə başlamışdı. Azərbaycan vətəndaş müharibəsinin bir addımlığına gəlmişdir. Ölkəni bürümüş dərin siyasi, iqtisadi, sosial böhran xalqın qabaqcıl hissəsi olan ziyalıları, tanınmış insanları son dərəcə narahat edirdi. Bu zaman Azərbaycanın taleyini düşünən insanlar ölkəni böhrandan çıxara biləcək yeni bir partiya yaratmaq təşəbbüsü ilə çıxış etdilər və bu məqsədlə xalqın sınanmış lideri və müdrik oğlu Heydər Əliyevin şəxsiyyəti ətrafında birləşdilər. Həqiqətən də yarandığı gündən bu günə kimi, müstəqil Azərbaycanın keçdiyi şanlı yolun böyük və əhəmiyyətli hissəsi, bilavasitə Yeni Azərbaycan Partiyasının adı ilə bağlıdır.

Ulu öndər Heydər Əliyev Yeni Azərbaycan Partiyasının yaranması haqqında demişdir: “1992-ci ildə Naxçıvanda ağır bir şəraitdə, böyük təzyiqlər altında biz partiyanın yaranması ilə əlaqədar xeyli işlər gördük və ilk konfrans keçirdik. Yeni Azərbaycan Partiyası o vaxtkı mövcud vəziyyətdə bütün Azərbaycan xalqının mənafelərinə xidmət etmək üçün və xalqın o ağır dövründə ölkəmizin qarşısında duran məsələlərin həll edilməsi üçün zamanın tələblərinə uyğun olaraq, zərurətdən yaranmış bir partiyadır”

Ulu öndərimiz tərəfindən qurulan müstəqil Azərbaycan dövlətinin çiçəklənməsi və inkişafı bu gün Yeni Azərbaycan Partiyasının sədri, ölkə başçısı İlham Əliyev tərəfindən böyük uğurla həyata keçirilir. Çünki böyük ideyalarla zəngin olan Yeni Azərbaycan Partiyası Azərbaycan dövlətçiliyinin və xalqının rifahını, xoşbəxt gələcəyi naminə çalışan və konkret konsepsiyaya malik siyasi təşkilatdır. Ulu öndər Heydər Əliyevin qurucusu olan Yeni Azərbaycan Partiyası bu gün Cənubi Qafqazda, bütövlükdə, beynəlxalq münasibətlər sistemində özünün bütün müsbət keyfiyyətləri ilə fərqlənməkdədir.

Yeni Azərbaycan Partiyasının arxada qoyduğu möhtəşəm və tarixi 32 ilə nəzər yetirsək, vurğulaya bilərik ki, Yeni Azərbaycan Partiyası qüdrətli ictimai – siyasi təşkilat olmaqla, dünya miqyasında fəaliyyət göstərən təməlli siyasi təşkilatdır. Hakim iqtidar partiyası olaraq, prezident, parlament və bələdiyyə seçkilərində əldə edtiyi uğurlar onu deməyə əsas verir ki, Yeni Azərbaycan Partiyası xalq arasında nüfuz qazanmaqla yanaşı, daim qalib partiya olduğunu sübut edir.

Paylaş:

Baxılıb: 309 dəfə