Heydər Əliyev
yeni azerbaycan logo

Ana səhifə / YAP xəbərləri / Azərbaycan Kanada ilə əlaqələrin inkişafında maraqlıdır

Azərbaycan Kanada ilə əlaqələrin inkişafında maraqlıdır

04.04.2013 [02:18]

YAP Sədrinin müavini Əli Əhmədov Kanada Mühafizəkarlar Partiyasının nümayəndə heyətinin üzvləri ilə görüşüb
Dünən Yeni Azərbaycan Partiyası (YAP) Sədrinin müavini-İcra katibi, millət vəkili Əli Əhmədov ölkəmizdə səfərdə olan Kanada Parlamentinin İcmalar Palatası spikerinin müavini Barri Devolinin rəhbərlik etdiyi Kanada Mühafizəkarlar Partiyasının nümayəndə heyətinin üzvləri ilə görüşüb. Qonaqları salamlayan Əli Əhmədov bu səfərin hər iki tərəf üçün faydalı olacağını bildirib.
Azərbaycanın hazırda sürətli inkişaf dövrünü yaşadığını deyən YAP Sədrinin müavini bu səfər çərçivəsində qonaqların da ölkəmizdəki inkişaf prosesinin şahidi olacağını vurğulayıb. Əli Əhmədov qeyd edib ki, bu cür səfərlər həm Yeni Azərbaycan Partiyası ilə Kanada Mühafizəkarlar Partiyası arasındakı əlaqələrin, həm də parlamentlərarası münasibətlərin inkişafına təkan verəcək. “Deyə bilərəm ki, bizim partiyalarımız arasında ünsiyyət mövcuddur. Bir il əvvəl partiyamızın nümayəndə heyəti Kanadada səfərdə olaraq Mühafizəkarlar Partiyasının təmsilçiləri ilə görüşüb. Hesab edirəm ki, belə görüşlər bütövlükdə nəticə etibarilə partiyalarımızın arasında əlaqələrin inkişafına təkan verir. Belə görüşlər ardıcıl olaraq davam etməlidir” - deyə, YAP Sədrinin müavini vurğulayıb. Əli Əhmədov bildirib ki, Azərbaycan Kanada ilə əlaqələrin inkişafında maraqlıdır.
Öz növbəsində Azərbaycana səfər etməkdən məmnun olduqlarını deyən Kanada Parlamentinin İcmalar Palatası spikerinin müavini Barri Devolin bu səfər zamanı keçirilən görüşlərin, aparılan müzakirələrin qarşılıqlı münasibətlərin inkişafı baxımından əhəmiyyətini qeyd edib. Onun sözlərinə görə, hər iki partiya arasında əlaqələrin inkişafı üçün lazımı əsaslar qoyulub: “Demokratiyanın inkişafı və davamlı olması üçün güclü siyasi partiya olmaq lazımdır və burada qanunverici orqanın da rolu güclüdür. Biz iki ölkə arasında parlamentlərarası əlaqələri də gücləndirməliyik”.
Görüşdə, həmçinin, qarşılıqlı maraq doğuran məsələlərlə bağlı fikir mübadiləsi aparılıb.
Görüşdə YAP İcra katibinin müavinləri Siyavuş Novruzov və Mübariz Qurbanlı iştirak ediblər.
Nardar BAYRAMLI

Paylaş:
Baxılıb: 1210 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30