Yeni Azərbaycan Partiyası Qaradağ rayon təşkilatının yaradılmasının 32-ci ildönümü qeyd edilib

Bakı:

9°C

93%

0m/s

AZ RU EN

Ana səhifə / YAP xəbərləri / Yeni Azərbaycan Partiyası Qaradağ rayon təşkilatının yaradılmasının 32-ci ildönümü qeyd edilib

Yeni Azərbaycan Partiyası Qaradağ rayon təşkilatının yaradılmasının 32-ci ildönümü qeyd edilib

06.03.2025 [17:10]

Martın 6-da Qaradağ rayonunun Lökbatan qəsəbəsindəki Heydər Əliyev Mərkəzinin akt zalında Yeni Azərbaycan Partiyası (YAP) Qaradağ rayon təşkilatının təsis edilməsinin 32-ci ildönümü ilə əlaqədar “Yeni Azərbaycan Partiyası – yeni hədəflərə doğru” mövzusunda elmi-praktik konfrans keçirilib.

Tədbirdə Qaradağ Rayon İcra Hakimiyyətinin başçısı Süleyman Mikayılov, Milli Məclisin deputatı, YAP İdarə Heyətinin üzvü Mixail Zabelin, YAP İdarə Heyətinin üzvü Asif Əsgərli, YAP Qaradağ rayon təşkilatının sədri Qafar Əliyev, Milli Məclisin deputatı Aydın Hüseynov, Milli Məclisin deputatı Səbinə Xasayeva, rayonun hüquq-mühafizə orqanlarının rəhbərləri, ictimaiyyətin nümayəndələri, şəhid ailələrinin üzvləri və qazilər iştirak ediblər.

Əvvəlcə Ümummilli lider Heydər Əliyevin abidəsi önünə gül dəstələri düzülməklə onun əziz xatirəsi yad olunub. Sonra tədbir iştirakçıları Heydər Əliyev Mərkəzində Qaradağ rayonun musiqi məktəblilərinin ifasında təqdim olunan musiqi sədaları altında ulu öndər Heydər Əliyevin zəngin dövlətçilik fəaliyyətindən bəhs edən kitab sərgisi və eksponatlarla tanış olublar.

Ulu öndər Heydər Əliyevin və Azərbaycanın müstəqilliyi və ərazi bütövlüyü uğrunda Vətən müharibəsi şəhidlərinin əziz xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.

Sonra Yeni Azərbaycan Partiyasının yaranmasından və fəaliyyətindən bəhs edən qısametrajlı film nümayiş etdirilib.

Tədbiri giriş sözü ilə açan YAP Qaradağ rayon təşkilatının sədri Qafar Əliyev partiyanın Qaradağ rayon təşkilatının 32 il ərzində keçdiyi şərəfli yol haqqında danışıb. O, Yeni Azərbaycan Partiyasının tarixi zərurətdən yaranaraq Azərbaycanın ərazi bütövlüyünün bərpa olunması və dövlət müstəqilliyinin möhkəmləndirilməsi istiqamətində gördüyü mühüm işlərdən bəhs edib.

Konfransda çıxış edən Qaradağ Rayon İcra Hakimiyyətinin başçısı Süleyman Mikayılov partiyanın yaranmasını Ulu öndər Heydər Əliyevin Azərbaycan xalqına bəxş etdiyi töhfələrdən biri kimi qiymətləndirib. Bu siyasətin layiqli davamçısı olan Azərbaycan Prezidenti, YAP-ın Sədri İlham Əliyevin rəhbərliyi altında dövlətimizin qüdrətinin və beynəlxalq nüfuzunun daha da artdığını xüsusi vurğulayıb.

Milli Məclisin deputatı, YAP İdarə Heyətinin üzvü Mixail Zabelin Ümummilli lider Heydər Əliyevin uzaqgörənliyi və qətiyyəti nəticəsində yaradılan Yeni Azərbaycan Partiyasının Qaradağ rayon təşkilatının 32 il müddətində zəngin və şərəfli bir inkişaf yolu keçdiyini bildirib. YAP-ın yarandığı gündən Azərbaycanın ən güclü və mütəşəkkil siyasi qüvvəsinə çevrildiyini vurğulayan Mixail Zabelin bu partiyanın yalnız azərbaycanlıarın deyil, həm də ölkəmizdə yaşayan digər xalqıarın mənafelərinin ifadəçisi olduğunu qeyd edib. YAP-ın təsis edildiyi gündən cəmiyyətin ən fəal və mübariz nümayəndələrinin qorxmadan bu partiyanın sıralarına qoşulduğunu qeyd edən Azərbaycanda Rus İcmasının sədri bu partiyanın yaranmasının xalqımızın mütəşəkkilliyinin və siyasi təfəkkürünün yüksək göstəricisi olduğunu deyib. O, bu gün YAP-ın öz sıralarında 750 mindən çox üzvü, o cümlədən ölkəmizin qabaqcıl gənclərini toplayaraq yetkin siyasi qüvvəyə çevrildiyini bildirib.

Tədbirdə çıxış edən YAP İdarə Heyətinin üzvü Asif Əsgərli öz çıxışında ümummilli lider Heydər Əliyevin rəhbərliyi altında yaranmış partiyanın hazırda Cənubi Qafqazın ən güclü və yetkin bir siyasi qüvvəsinə çevrildiyini və Azərbaycanın ərazi bütövlüyü və suverenliyini tam bərpa etdiyini qeyd edib. O, YAP-ın qarşida duran vəzifələrin öhdəsindən də layiqincə gələcəyinə əmin olduğunu bildirib.

Milli Məclisin deputatları Aydın Hüseynov və Səbinə Xasayeva, YAP-ın veteranı Mirtağı Tağıyev öz çıxışlarında ötən əsrin 80-ci illərin sonu 90-cı illərin əvvəllərində Azərbaycanın görünməmiş fəlakətlə qarşılaşdığı bir zamanda Ulu öndər Heydər Əliyevin rəhbərliyi və ölkənin qabaqcıl ziyalılarının təşəbbüsü ilə formlaşan Yeni Azərbaycan Partiyasının keçdiyi şərəfli tarixi yoldan və ölkəmizin bu gün qazandığı böyük uğurlarda oynadığı mühüm roldan bəhs ediblər.

Konfransda Qaradağ rayonunun ictimai-siyasi həyatında fəal iştirak edən bir qrup şəxs Fəxri Fərmanla təltif edilib və partiya sıralarına yeni qəbul edilmiş gənclərə üzvlük vəsiqələri təqdim olunub.

Sonda xatirə fotosu çəkdirilib.

Paylaş:

Baxılıb: 237 dəfə