Azərbaycan sadəcə öz gücünə güvənir

Bakı:

13°C

82%

2m/s

Əlaqə

AZ RU EN

Ana səhifə / YAP xəbərləri / Azərbaycan sadəcə öz gücünə güvənir

Azərbaycan sadəcə öz gücünə güvənir

18.03.2025 [19:31]

Sahib Şükürov,

YAP Göyçay rayon təşkilatının sədri

Prezident İlham Əliyev martın 13-də XII Qlobal Bakı Forumu zamanı “Euronews” televiziyasına müsahibə verib. Müsahibəsində Dövlət başçısı Qlobal Bakı Forumunun əhəmiyyətindən bəhs edib, regionda baş verən dəyişikliklərlə bağlı mövqeyini bildirib, qlobal dünya düzəni və Azərbaycanın bu prosesdəki yeri barədə fikirlərini səsləndirib. Beynəlxalq siyasət, eləcə də dünya düzəninin hazırkı vəziyyəti və çıxış yollarını öyrənmək baxımından olduqca əhəmiyyət kəsb edən müsahibədə Prezident İlham Əliyev Forumun dünya siyasətinə mühüm təsiri olduğunu vurğulayıb. Forumda 50-dən artıq sabiq dövlət və hökumət başçısının iştirak etməsini və fərqli düşüncələrin toqquşmasını müsbət hal kimi qiymətləndirib.

“Bu gün hər kəs tərəfindən bölüşülən fikir odur ki, hazırda yeni qaydaların müəyyənləşdirilməsi prosesi baş verir. Bildiyimiz dünya nizamı artıq mövcud deyil. Hələ ki, beynəlxalq ictimaiyyət tərəfindən istifadə olunacaq qarşılıqlı əlaqə konfiqurasiyası heç kəsə bəlli deyil. Buna dair fərqli fikirlər var. Lakin aydın olan odur ki, birincisi, hər bir ölkə özünün daxili işlərinə və daxili imkanlarına daha çox diqqət ayırmalı, hər hansı bir yardıma və hətta beynəlxalq hüquqa arxalanmamalıdır”,- deyən ölkə başçısı beynəlxalq hüququn selektiv tətbiqinin qurbanı olan Azərbaycanın gələcəyini daxili resurslar hesabına qurması baxımından böyük təcrübəsi olduğunu qeyd edib.

Prezident İlham Əliyev müsahibəsində gələcək üçün vacib məsələlərdən birinin ölkələrin beynəlxalq təsisatlar çərçivəsində fəaliyyətə deyil, ikitərəfli münasibətlərə daha çox əhəmiyyət verəcəklərini bildirib. Onu da əsaslandıraraq qeyd edib ki, bu gün bəzi beynəlxalq təşkilatlar ya öz zəifliyini nümayiş etdirir və ya tamamilə iflic vəziyyətindədir. Ölkə başçısı vurğulayıb ki, biz hələ ki, qlobal transformasiyanın ilkin mərhələsindəyik və bir çox məsələ hadisələrin gedişatından asılı olacaq.

Müxbirin regionda baş verən dəyişikliklərlə bağlı mövqeyiniz nədən ibarətdir?, sualını cavablandıran cənab Prezident ətrafımızda baş verən böhranlardan regionumuzun qorunmasının vacib məsələ olduğunu bildirib. “Təəssüflər ki, onilliklər ərzində Cənubi Qafqaz qarşıdurma və düşmənçilik bölgəsi olduğunu, hazırda nisbətən sakit dövrdəyik və biz diqqətimizi buna yönəltməliyik. Biz növbəti hərbi qarşıdurmanı istisna edəcək əhatəli təhlükəsizlik mexanizmləri yaratmalıyıq və sovet dövründə olduğu kimi qonşuluq şəraitində yaşamağa çalışmalıyıq”,- deyə ölkə başçısı əlavə edib.

Rusiya-Ukrayna məsələsi, Yaxın Şərqdə cərəyan edən hadisələrinə münasibət bildirən dövlət başçısı qeyd edib ki, milli maraqlarımız məsələsində Azərbaycan heç kəsə və ya heç bir təsisata arxalanmayıb. Rusiya-Ukrayna müharibəsi, yaxud Yaxın Şərqdəki hadisələr və Afrikadakı gərginlik – hər bir ölkə öz taleyinin sahibi olduğunu anlamalıdır.

Müsahibəsində ABŞ Azərbaycan münasibətlərinə də toxunan Prezident İlham Əliyev bildirib ki, ABŞ-ın əvvəlki administrasiyası və Azərbaycan arasında münasibətlərin pisləşməsindən məyusluq hissi keçirmişdik. Onların mövqeyi bizim milli maraqlarımıza ədalətsiz yanaşmadan ibarət idi. Buna görə biz Tramp administrasiyası dövründə ABŞ ilə münasibətlərimizin və güclü tərəfdaşlığımızın yenidən qurulmasına çox nikbin baxırıq.

Paylaş:

Baxılıb: 204 dəfə