Azərbaycan-Almaniya: Dostluq əlaqələrində yeni səhifə

Bakı:

25 °C

65 %

12 m/s

Əlaqə

AZ RU EN

Ana səhifə / YAP xəbərləri / Azərbaycan-Almaniya: Dostluq əlaqələrində yeni səhifə

Azərbaycan-Almaniya: Dostluq əlaqələrində yeni səhifə

03.04.2025 [18:51]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Azərbaycanın Avropada ən vacib siyasi-iqtisadi tərəfdaşlarından olan Almaniya arasında qurulan diplomatik münasibətlər yüksələn xətlə inkişaf edir və müxtəlif sahələrdə əməkdaşlıq sürətlə davam etdirilir. Aprelin 2-də Almaniya Federativ Respublikasının Prezidenti Frank-Valter Ştaynmayerin ölkəmizə işgüzar səfəri iki ölkə arasında əlaqələrin daha da möhkəmlənməsinin təsdiqi oldu.

Almaniya Azərbaycanı Cənubi Qafqazda vacib tərəfdaş kimi qəbul edir, ölkəmizin regionda lider mövqeyini, həmçinin beynəlxalq səviyyədə tanınmış sərhədləri daxilində suverenliyini və ərazi bütövlüyünü tam dəstəkləyir. Azərbaycan və Almaniya arasında davamlı siyasi dialoq mövcud olub, iqtisadiyyat və humanitar sahələrində geniş əməkdaşlıq həyata keçirilib.

Hər iki ölkə rəhbərlərinin bir-birindən əhəmiyyətli görüşləri, birlikdə mətbuata verdikləri bəyanatlar, Azərbaycanın birinci xanımı Mehriban Əliyevanın Almaniya Federativ Respublikasının birinci xanımı Elke Büdenbender ilə görüşü bir daha deməyə əsas verir ki, Azərbaycanın dünya ölkələri arasında böyük siyasi nüfuza və güclü iqtisadiyyata sahib olan Almaniya arasında dostluq əlaqələri yüksək səviyyədə davam edir.

Azərbaycanın Avropanın enerji təhlükəsizliyinin təmin olunmasında mühüm rolunu təqdir edən Almaniyaya ölkəmizdən ixrac edilən xam neftin həcmi artıb. Ölkə Prezidentimiz cənab İlham Əliyev mətbuata bəyanatı zamanı bildirib ki. gələcək illərdə öz ticarət dövriyyəmizin şaxələndirilməsi ilə bağlı daha fəal addımlar atmalıyıq, xüsusilə bərpaolunan enerji sahəsində - harada ki, Almaniya şirkətlərinin çox böyük təcrübəsi var, Azərbaycanın da çox böyük proqramı, planları var. Biz xarici investorların sərmayəsi hesabına 2030-cu ilə qədər bərpaolunan enerji növlərinin istehsal gücünü 6 giqavata çatdırmaq fikrindəyik və bu, tam realdır, bunun bir hissəsi Avropaya ixrac ediləcəkdir.

Eyni zamanda, Azərbaycan COP29 beynəlxalq iqlim konfransına ev sahibliyi etməsini bir daha xatırladan ölkə rəhbərimiz bu istiqamət üzrə də bizim Almaniya ilə çox fəal əməkdaşlığımız olduğunu bildirib:”COP29-da 197 ölkəni təmsil edən 77 mindən çox iştirakçı qeydiyyatdan keçmişdir və bu konfrans böyük, uğurlu nəticələrlə zəngin idi. İştirak etməyən yeganə ölkə Ermənistan olmuşdur. Bu da təbii olaraq təəssüf hissi doğurur. Çünki xüsusilə indiki şəraitdə - Azərbaycanla Ermənistan arasında normallaşma prosesinin uğurla getdiyi bir zamanda Ermənistan tərəfinin bu beynəlxalq konfransı boykot etməsi başadüşülən deyildi. Bu gün bu məsələ də müzakirə olundu və Azərbaycanın mövqeyi Almaniya tərəfinə çatdırılmışdır”.

Qalib ölkəmizin Qalib Lideri İlham Əliyev çıxışı zamanı Azərbaycan-Ermənistan münasibətlərinin normallaşması prosesinə də toxunaraq vurğulayıb ki, Azərbaycan 30 il ərzində erməni işğalından əziyyət çəkmişdir. Bizim xalqımız etnik təmizləməyə məruz qalmışdır. Bir milyon azərbaycanlı erməni aqressiyasına görə evsiz-eşiksiz qalmışdır və torpaqlarımızın təxminən 20 faizi işğal altına düşmüşdür. Əfsuslar olsun ki, beynəlxalq təşkilatlar bu məsələ ilə bağlı ciddi addım atmamışlar. Azərbaycan bu münaqişəni və beynəlxalq hüququ özü döyüş meydanında və siyasi müstəvidə həll etmişdir. Məhz bu tarixi Zəfərimiz sülh danışıqlarına yol açmışdır. Hesab edirəm ki, bu gün Azərbaycanın və Ermənistanın sülhün əldə edilməsində mövqeləri bir-birinə kifayət qədər yaxınlaşmışdır.

Almaniya Federativ Respublikasının Prezidenti Frank-Valter Ştaynmayerin mətbuta verdiyi bəyənat zamanı ölkəmizin inkişaf edərək mühüm məkana çevrildiyini xüsusi ilə qeyd edərək bildirib ki, Azərbaycandan olduqca vacib ticarət yolları keçir, öz növbəsində həmin amil dünyanın birləşməsinə əsas ola bilər. Biz iqtisadi-ticari münasibətlərimiz haqqında danışdıq. Yalnız Mərkəzi Asiya ilə deyil, həm də Uzaq Şərqlə, o cümlədən Cənub-Qərbi Asiya və Çinlə Almaniyanın ticarət əlaqələrində ölkənizin rolu var.

Azərbaycanın Almaniya ilə strateji tərəfdaşlıq əlaqələri bu səfərlərdən sonra hərtərəfli inkişaf edərək daha da genişlənəcək və hər iki tərəfə böyük səmərə gətirəcək.

Paylaş:

Baxılıb: 507 dəfə