YAP Sədrinin müavini Əli Əhmədov partiyanın Şəki şəhər təşkilatının fəalları ilə görüşüb

Bakı:

25 °C

65 %

12 m/s

Əlaqə

AZ RU EN

Ana səhifə / YAP xəbərləri / YAP Sədrinin müavini Əli Əhmədov partiyanın Şəki şəhər təşkilatının fəalları ilə görüşüb

YAP Sədrinin müavini Əli Əhmədov partiyanın Şəki şəhər təşkilatının fəalları ilə görüşüb

19.07.2013 [15:09]

Dünən Yeni Azərbaycan Partiyasının (YAP) Sədr müavini-İcra katibi Əli Əhmədov partiyanın Şəki şəhər təşkilatının fəalları ilə görüş keçirib. Tədbirdə ilk olaraq YAP Şəki şəhər təşkilatının sədri Həsən Həsənov çıxış edərək qarşıda duran vəzifələrin icrası istiqamətində görülən işlər haqqında məlumat verib.
Görüşdə çıxış edən YAP Sədrinin müavini Əli Əhmədov oktyabr ayında ölkəmizdə əlamətdar siyasi hadisənin baş verəcəyini bildirib. Oktyabrda Azərbaycanda növbəti prezident seçkilərinin keçiriləcəyini deyən İcra katibi qeyd edib ki, partiya bu səbəbdən bütün resurslarını səfərbər etməkdədir. Onun sözlərinə görə, belə görüşlərin keçirilməsinin məqsədi də yerli strukturların işini daha da gücləndirməkdən ibarətdir. Əli Əhmədov vurğulayıb ki, partiyamızın prezident seçkilərində namizədi cənab İlham Əliyevdir. Onun sözlərinə görə, YAP-ın Sədri İlham Əliyevin dövlət başçısı kimi 2003-cü ildən etibarən gördüyü işlər, həyata keçirdiyi siyasət xalqımız tərəfindən birmənalı şəkildə dəstəklənir. “Çünki bu siyasət nəticəsində ölkəmiz sürətlə inkişaf edib, əhalinin rifahı yüksəlib, Azərbaycanın beynəlxalq nüfuzu artıb. Eyni zamanda, ölkəmiz sürətlə müasirləşir, modernləşir. Ona görə də, xalqımız növbəti beş ildə də cənab İlham Əliyevin rəhbərliyi ilə bu siyasətin davam etməsini istəyir” - deyə, YAP Sədrinin müavini qeyd edib.
Əli Əhmədov bildirib ki, YAP-ın hər bir fəal üzvü qarşıda duran önəmli vəzifələri dərk edirlər, həmin vəzifələrin yerinə yetirilməsinə kifayət qədər məsuliyyətlə yanaşırlar. Bunun nəticəsidir ki, Yeni Azərbaycan Partiyası ölkəmizin ictimai-siyasi həyatında əhəmiyyətli yer tutur, üstün mövqeyini qoruyub saxlayır. Partiyamız Prezidentimizin rəhbərliyi ilə, insanlarımızın yüksək fəallığı şəraitində əldə olunan nailiyyətlərə özünün əhəmiyyətli töhfəsini verir. Əli Əhmədov deyib ki, YAP seçkilər ilində partiyamızın bütün üzvlərinin, yerli strukturlarının yaxından və fəal iştirakının təmin edilməsi kimi çox məsuliyyətli vəzifəni öz qarşısına qoyub: “Partiyamız fəaliyyət göstərdiyi 20 ildən artıq bir müddət ərzində ölkəmizin ictimai-siyasi həyatında yaxından iştirak edir və bunun çox vacib göstəricilərindən biri Azərbaycanda keçirilən bütün seçkilərdə qələbə qazanmasında ifadə olunur”.
Tədbirdə Şəki şəhər İcra Hakimiyyətinin başçısı Elxan Usubov, partiya veteranı Baba Səmədov və YAP Şəki şəhər təşkilatı Qadınlar Şurasının sədri Zərinə Cavadova çıxış ediblər.
Sonda YAP sıralarına yeni üzv olmuş şəxslərə partiya vəsiqələri təqdim olunub.
Görüşdə YAP İcra katibinin müavini, Milli Məclisin deputatı Mübariz Qurbanlı iştirak edib.

Paylaş:

Baxılıb: 1480 dəfə