Akademik Zərifə Əliyevanın anadan olmasının 102-ci ildönümü ilə əlaqədar Gədəbəy rayon Heydər Əliyev Mərkəzində anım tədbiri keçirilib

Bakı:

30 °C

54 %

8 m/s

AZ RU EN

Ana səhifə / YAP xəbərləri / Akademik Zərifə Əliyevanın anadan olmasının 102-ci ildönümü ilə əlaqədar Gədəbəy rayon Heydər Əliyev Mərkəzində anım tədbiri keçirilib

Akademik Zərifə Əliyevanın anadan olmasının 102-ci ildönümü ilə əlaqədar Gədəbəy rayon Heydər Əliyev Mərkəzində anım tədbiri keçirilib

29.04.2025 [21:11]

YAP Gədəbəy rayon təşkilatının Mədəniyyət ərazi partiya təşkilatında 28 aprel Zərifə xanım Əliyevanın anadan olmasının 102-ci ildönümünə ilə bağlı “Tibb elminə həsr olunmuş ÖMÜR” mövzusunda anım tədbir keçirilib.Tədbirdə Gədəbəy rayon Heydər Əliyev Mərkəzinin əməkdaşları,YAP Gədəbəy rayon təşkilatının üzvləri, Mərkəzləşdirilmiş Kitabxana Sisteminin işçiləri və gənclər iştirak ediblər.

Gədəbəy rayon Heydər Əliyev Mərkəzində keçirilən tədbirdə Ümummilli Lider Heydər Əliyevin, Akademik Zərifə xanım Əliyevanın və ərazi bütövlüyümüz uğrunda canlarını qurban vermiş şəhidlərin əziz xatirəsi bir dəqiqəlik sükutla yad edildi.

Tədbirdə Heydər Əliyev Mərkəzinin elmi işçisi Zamiq Soyunov çıxış edərək bildirdi ki, Görkəmli alim vaxtilə Azərbaycanda geniş yayılmış traxomanın, xüsusilə kimya və elektron sənayelərində peşə fəaliyyəti ilə bağlı göz xəstəliklərinin öyrənilməsi, profilaktikası və müalicəsinə dair böyük araşdırmalar aparmışdır.

YAP Gədəbəy rayon təşkilatının əməkdaşı Anar Məmmədov, tədbirdə görkəmli oftalmoloq alim, akademik Zərifə xanım Əliyevanın keçdiyi həyat yolundan danışıb.Qeyd edilib ki, tariximizdə silinməz iz qoymuş, Azərbaycanın ən parlaq və tanınmış simalarından olan tibb elmləri doktoru, görkəmli oftalmoloq-alim, ictimai xadim akademik Zərifə xanım Əliyevaya əbədiyaşarlıq qazandıran onun nəcib niyyəti, xeyirxah əməlləri, Vətən naminə gördüyü böyük işləridir: “Bu gün keçirdiyimiz anım tədbiri isə Zərifə xanım Əliyevanın əziz xatirəsinə sonsuz ehtiramın ifadəsidir.” İnsanlara nur bəxş etmək missiyası, qayğıkeşliyi, nəcibliyi ilə könüllərdə özünə əbədi yer qazanmış Zərifə xanım Əliyeva tibb sahəsində əldə etdiyi uğurlarla, fərdi keyfiyyətləri ilə ailəsinin və Vətəninin adını daim ucaldıb.

Çıxışlarda bildirilib ki, Zərifə xanımın işıqlı obrazı yüksək vətənpərvərlik və humanizm rəmzi kimi həmişə bizimlə qalacaq, onun parlaq xatirəsi daim anılacaq, qədirbilən xalqımızın qəlbində əbədi yaşayacaqdır.

Həmçinin tədbir iştirakçıları Gədəbəy rayon Heydər Əliyev Mərkəzinin və Mərkəzləşdirilmiş Kitabxana Sisteminin təşkilatçılığı ilə hazırlanıb nümayiş olunan Zərifə xanım Əliyevanın“Tibb elminə həsr olunmuş ÖMÜR” başlıqlı sərgi ilə tanış oldular.

Paylaş:

Baxılıb: 592 dəfə