YAP Nizami rayon təşkilatı “Konstitusiya və Suverenlik İli” çərçivəsində rəsm və inşa müsabiqəsi keçirib

Bakı:

22 °C

64 %

5 m/s

AZ RU EN

Ana səhifə / YAP xəbərləri / YAP Nizami rayon təşkilatı “Konstitusiya və Suverenlik İli” çərçivəsində rəsm və inşa müsabiqəsi keçirib

YAP Nizami rayon təşkilatı “Konstitusiya və Suverenlik İli” çərçivəsində rəsm və inşa müsabiqəsi keçirib

01.05.2025 [17:34]

Yeni Azərbaycan Partiyası Nizami rayon təşkilatı “Konstitusiya və Suverenlik İli” çərçivəsində Ümummilli Lider Heydər Əliyevin anadan olmasının 102-ci ildönümü münasibətilə “Zəfər salnaməsi və suverenlik fenomeni” mövzusunda rəsm və inşa müsabiqəsi keçirib.

Tədbirdən öncə elan edilmiş rəsm müsabiqəsi çərçivəsində Nizami rayon təhsil müəssisələrinin təmsilçilərinin əl işlərindən ibarət sərgiyə baxış keçirilib.

Qeyd olunub ki, rəsm və inşa müsabiqəsində Nizami rayonunun 26 təhsil müəssisəsindən ümumilikdə 120 nəfərədək şagird və tələbə iştirak edib. Müsabiqələrin qaliblərini müəyyənləşdirmək üçün təhsil müəssisələrinin təşkilatçı rəhbərlərindən ibarət münsiflər heyətinin iştirakı ilə təqdim olunmuş işlər dəyərləndirilib.

Tədbirdə YAP Nizami rayon təşkilatının sədri Ramil Vəlibəyov, Nizami Rayon İcra Hakimiyyətinin İctimai-siyasi və humanitar məsələlər şöbəsinin müdiri Bəhmən Hüseynov, Nizami Bələdiyyəsinin sədri Vüqar Quliyev, Keşlə Bələdiyyəsinin sədri Rəşad Babayev və başqaları çıxış ediblər.

Çıxışlardan sonra rəsm və inşa müsabiqəsinin qalibləri mükafatlandırılıblar.

Ümumilikdə 26 nəfərin iştirak etdiyi rəsm müsabiqəsində birinci yerə 229 saylı tam orta məktəbin X sinif şagirdi Məmmədova Sevgi Rəşad qızı, ikinci yerlərə 8 saylı UGYM-in tələbəsi Həsənova Leyla Rövşən qızı, 201 saylı tam orta məktəbin VIII sinif şagirdi Quliyeva Rövşanə Rövşən qızı, üçüncü yerlərə isə 10 saylı tam orta məktəbin X sinif şagirdi Babayev Nemət Qorxmaz oğlu və Sağlamlıq imkanları məhdud uşaqlar üçün 3 saylı Respublika xüsusi internat məktəbinin şagirdi Nəbiyeva Nuray Hüseyn qızı layiq görülüblər.

90 nəfərin iştirak etdiyi inşa müsabiqəsində isə birinci yerin qalibi 1 nömrəli idman liseyi PHŞ-nin VIII sinif şagirdi Nəsibova Zibeydə Nizaməddin qızı, ikinci yerin qalibləri Texnika və Texnologiyalar üzrə Bakı Dövlət Peşə Təhsil Mərkəzinin tələbəsi Həsənova Aynur Qurban qızı, 250 saylı tam orta məktəbin VII sinif şagirdi Allahverdiyeva Banu Murad qızı, III yerin qalibləri UNEC nəzdində Qida Sənayesi Kollecinin tələbəsi Süleymanova Aytac Bakir qızı, 251 saylı tam orta məktəbin VIII sinif şagirdi Ağasoy Səma Orxan qızı və 229 saylı tam orta məktəbin VI sinif şagirdi Həbibzadə İbrahim Eytibar oğlu olublar.

Qaliblərə medallar, diplomlar və hədiyyələr təqdim olunub. 110 nəfərədək müsabiqə iştirakçısı isə həvəsləndirici sertifikatlarla təltif edilib.

Paylaş:

Baxılıb: 556 dəfə