Strateji əhəmiyyətə malik əməkdaşlıq

Bakı:

27 °C

50 %

0 m/s

Əlaqə

AZ RU EN

Ana səhifə / YAP xəbərləri / Strateji əhəmiyyətə malik əməkdaşlıq

Strateji əhəmiyyətə malik əməkdaşlıq

05.05.2025 [17:39]

Bəhruz Ramazanov,

YAP Qusar rayon təşkilatının məsləhətçisi

Prezident İlham Əliyev 2025-ci il aprelin 25-də Çinin CGTN telekanalına verdiyi müsahibədə bildirib ki, Çin dövləti ilə əlaqələr əladır. Biz Sədr Si ilə Hərtərəfli Strateji Tərəfdaşlıq Əlaqələrinin Qurulması Haqqında Birgə Bəyanatı imzaladıq. Beləliklə, münasibətlərimizi daha yüksək səviyyəyə qaldırdıq. Bununla yanaşı, bir çox sahəni əhatə edən 20-dən artıq sənəd imzalandı. Hərtərəfli Strateji Tərəfdaşlıq Əlaqələrinin Qurulması Haqqında Birgə Bəyanatın mətninə nəzər yetirsəniz, ikitərəfli əlaqələrin geniş gündəliyini görəcəksiniz. Ölkələrimiz milli maraqlara aid məsələlərdə həmrəylik və dostluq nümayiş etdirir.

Azərbaycanın Çinlə yaxınlaşmasının böyük strateji əhəmiyyəti var. Çin hazırda dünyanın iqtisadi və siyasi təsir gücünə görə ən önəmli ölkələrindən biridir. Bu gün Çin və Azərbaycan arasındakı dostluq münasibətləri Azərbaycan Prezidentinin Çinə səfəri fonunda ən yüksək səviyyəyə çatır. Azərbaycan Şanxay Əməkdaşlıq Təşkilatı çərçivəsində daha aktiv əməkdaşlıq etmək və orada statusunun yüksəldilməsini istəyirdi, Çin tərəfindən də iradə ortaya qoyuldu: "Həmçinin Azərbaycan və Çinin beynəlxalq terrorizm və ekstremizmə qarşı bundan sonra da qlobal arenada ortaq addımlar atacaqlarını vurğulaması böyük əhəmiyyətə malikdir. Azərbaycan bir daha Çindən vurğuladı ki, o, vahid Çin konsepsiyasını dəstəkləyir və Çinin ərazi bütövlüyü ilə bağlı beynəlxalq manipulyasiyalarda Çin əleyhinə heç vaxt tərəf olmayacağını çox açıq, aydın formada nümayiş etdirdi: “Həmçinin Azərbaycan və Çin bundan sonra da bir-birinin ərazi bütövlüyünü dəstəkləyəcəyini diqqətə çatdırıb. Azərbaycanla Çin arasında imzalanan hərtərəfli birgə bəyanat iki ölkə münasibətləri üçün böyük tarixi əhəmiyyətə malikdir. Dövlətimizin başçısı deyib ki, bizim çox mehriban münasibətlərimiz var. Bildiyiniz kimi, Azərbaycan Sədr Sinin inkişaf, təhlükəsizlik və sivilizasiyalar ilə bağlı bir neçə təşəbbüsünə qoşulub. Biz onun mövqeyinə şərikik. “Bir kəmər, bir yol” təşəbbüsünü açıq şəkildə dəstəkləmiş və sonradan qoşulmuş ilk ölkələrdən biri də bizik və öz ölkəmizdə xeyli infrastruktur layihələrini həyata keçirmişik. Həqiqətən, onunla görüşmək hər zaman xoşdur. O, dünyanın ən güclü ölkələrindən birinin rəhbəridir, lakin, eyni zamanda, çox təvazökar, çox mehriban insandır.

Çin Xalq Respublikası ilə əməkdaşlığımız bu dərəcədə yüksək səviyyədə olması sevindiricidir. Dünyanın aparıcı iqtisadi gücü olan bir ölkənin Azərbaycanla bu formada intensiv inkişaf edən əlaqələrimizin olması bu ölkənində marağındadır.

Paylaş:

Baxılıb: 477 dəfə