Azərbaycan və Vyetnam əlaqələri qarşılıqlı anlaşma və əməkdaşlığın möhkəmlənməsinə töhfə verir

Bakı:

24 °C

57 %

1 m/s

AZ RU EN

Ana səhifə / YAP xəbərləri / Azərbaycan və Vyetnam əlaqələri qarşılıqlı anlaşma və əməkdaşlığın möhkəmlənməsinə töhfə verir

Azərbaycan və Vyetnam əlaqələri qarşılıqlı anlaşma və əməkdaşlığın möhkəmlənməsinə töhfə verir

13.05.2025 [12:42]

İlqar İlyasov,

YAP Laçın rayon təşkilatının sədri

Azərbaycan Respublikası ilə Vyetnam Sosialist Respublikası arasında diplomatik münasibətlər 23 sentyabr 1992-ci ildə qurulmuşdur. Azərbaycan Prezidenti İlham Əliyev 2025-ci il mayın 6-da Vyetnamın rəsmi xəbər agentliyi olan “Vietnam News Agency”yə verdiyi müsahibədə, iki ölkə arasında əlaqələrin inkişafı və əməkdaşlığın genişləndirilməsi istiqamətində mühüm məsələlərə toxunmuşdur. Prezident İlham Əliyev, 2024-cü ilin mayında Vyetnama rəsmi səfərini xatırladaraq, bu səfərin iki ölkə arasında münasibətlərin yeni mərhələyə qədəm qoymasına mühüm töhfə verdiyini vurğulamışdır. Vyetnam tərəfinin Azərbaycan nümayəndə heyətinə göstərdiyi qonaqpərvərliyi yüksək qiymətləndirmişdir. Dövlət başçısı, həmçinin, Azərbaycanın Vyetnamda səfirliyini açmasının əlaqələrin inkişafında mühüm addım olduğunu qeyd etmiş və yaxın gələcəkdə Vyetnamın da Azərbaycanda səfirlik açmasının münasibətlərin daha da möhkəmlənməsinə xidmət edəcəyini bildirmişdir. Prezident İlham Əliyev, Azərbaycan və Vyetnamın dinamik və davamlı inkişaf edən ölkələr olduğunu qeyd edərək, qlobal maliyyə və iqtisadi böhrana baxmayaraq, hər iki ölkənin iqtisadi inkişafını davam etdirdiyini vurğulamışdır. İlham Əliyev Azərbaycan Respublikası Dövlət Neft Şirkəti (SOCAR) ilə Vyetnamın “PetroVietnam” şirkəti arasında imzalanmış strateji əməkdaşlıq müqaviləsinin bu sahədə əməkdaşlığın inkişafı üçün geniş imkanlar yaratdığını bildirmişdir. Prezident İlham Əliyev, Azərbaycan və Vyetnam parlamentləri arasında dostluq qruplarının fəaliyyət göstərməsinin iki ölkə arasında əlaqələrin inkişafında mühüm rol oynadığını qeyd etmişdir. Bu cür əlaqələrin qarşılıqlı anlaşma və əməkdaşlığın möhkəmlənməsinə töhfə verdiyini vurğulamışdır. Dövlət başçısı, Azərbaycan və Vyetnamın beynəlxalq təşkilatlar çərçivəsində əməkdaşlığının genişləndirilməsinin vacibliyini qeyd etmişdir. Hər iki ölkənin üzv olduğu beynəlxalq təşkilatlarda qarşılıqlı dəstəyin və əməkdaşlığın artırılmasının əlaqələrin inkişafına müsbət təsir göstərəcəyini bildirmişdir. Prezident İlham Əliyev, Vyetnamın Sosialist Respublikasının Prezidentinin Azərbaycana səfərinin iki ölkə arasında əlaqələrin daha da möhkəmlənməsinə xidmət edəcəyini qeyd etmişdir. Bu səfərin siyasi, iqtisadi, humanitar və digər sahələrdə əməkdaşlığın inkişafı üçün konkret planların müəyyənləşdirilməsinə şərait yaradacağını vurğulamışdır. Dövlət başçısı, Azərbaycan və Vyetnam arasında dostluq və əməkdaşlıq münasibətlərinin daha da möhkəmləndirilməsi və hər iki ölkənin inkişafına töhfə verilməsi məqsədini daşıyan mühüm bir addım olaraq qiymətləndirimişdir.

Paylaş:

Baxılıb: 584 dəfə