Prezident İlham Əliyev müasir Azərbaycanı inkişafa aparan liderdir

Bakı:

19°C

72%

6m/s

Əlaqə

AZ RU EN

Ana səhifə / YAP xəbərləri / Prezident İlham Əliyev müasir Azərbaycanı inkişafa aparan liderdir

Prezident İlham Əliyev müasir Azərbaycanı inkişafa aparan liderdir

19.09.2013 [10:11]

Ağstafa rayonunun Düzqışlaq, Pirili və Kolxəlfəli kəndlərində seçicilərlə görüşlər keçirilib
Yeni Azərbaycan Partiyası Ağstafa rayon təşkilatı prezident seçkiləri ilə bağlı təbliğat-təşviqat kampaniyasını uğurla davam etdirir. Belə ki, dünən partiyamızın Sədri, prezidentliyə namizəd cənab İlham Əliyevin təbliğat kampaniyası çərçivəsində növbəti görüşlər rayonun Düzqışlaq, Pirili və Kolxəlfəli kəndlərində keçirilib.
Tədbirləri giriş sözü ilə açan YAP Ağstafa rayon təşkilatının sədri Ramiz Tatarov ölkə başçısı cənab İlham Əliyevin rəhbərliyi ilə respublikamızda, o cümlədən, Ağstafa rayonunda gedən sürətli quruculuq-abadlıq işləri haqqında geniş məlumat verib. Qeyd edilib ki, cənab İlham Əliyevin rəhbərliyi ilə ölkəmizin özünəməxsus milli inkişaf modeli yaradılıb. Rayon təşkilatının sədri deyib ki, 2003-cü ilin 15 oktyabr seçkilərində xalqın böyük inam və etimadını qazanaraq Azərbaycan Respublikasının Prezidenti seçilmiş cənab İlham Əliyev ötən 10 ildə xalqımızın göstərdiyi etimadı tam doğruldaraq ölkəmizi davamlı yüksəliş yoluna çıxardıb.
Tədbirdə çıxış edən YAP Ağstafa rayon təşkilatının sədr müavini Elmar Kərimov bildirib ki, Ulu öndər Heydər Əliyev siyasi məktəbini keçmiş, yüksək, müasir intellekti və qabiliyyəti ilə Azərbaycan dövlətini uğurdan-uğura daşıyan möhtərəm Prezidentimiz İlham Əliyevin elmi təmələ əsaslanan iqtisadi siyasəti respublikanın inkişaf prosesində dinamizmi və məqsədyönümlülüyü təmin edib. Vurğulanıb ki, məhz, cənab İlham Əliyevin xüsusi səyi və qətiyyəti nəticəsində milli iqtisadiyyatımızın liberallaşdırılması, ölkəmizin beynəlxalq aləmdə geosiyasi və geoiqtisadi çəkisinin artması, sosial, iqtisadi və siyasi sabitliyin təmin edilməsi, vətəndaş-dövlət birliyinə nail olunması və digər amillər müstəqil Azərbaycanın yüksələn xətlə inkişafına səbəb olub.
Daha sonra çıxış edən təbliğat-təşviqat qrupunun üzvlərindən rayon Ağsaqallar Şurasının sədri Firdovsi Heydərli, şair Saqif Qaratorpaq bildiriblər ki, bazar iqtisadiyyatı münasibətlərinə söykənən liberal iqtisadi sistemin qurulmasının, Azərbaycanın zəngin təbii sərvətlərindən səmərəli istifadə edilməsinin, respublikanın investisiya cəlbediciliyinin yüksəldilməsinin və digər konseptual əhəmiyyətli tədbirlərin nəticəsi olaraq son 10 ildə milli iqtisadiyyatımız yeni keyfiyyət parametrləri ilə möhkəm təməl üzərində sürətlə inkişaf edir.
Vurğulanıb ki, son 10 ildə ölkənin icmal büdcəsinin xərcləri 13 dəfə, adambaşına düşən xərc isə 11,6 dəfə artıb. Dövlət büdcəsinin gəlirləri on dəfələrlə artıb. Bütün bunlar cənab İlham Əliyevin vətəndaşların sosial rifahının yüksəlişinə xidmət edən sosial siyasətinin uğurlu nəticələridir.
Tədbirdə çıxış edən natiqlər, o cümlədən, kənd sakinləri 9 oktyabr 2013-cü il prezident seçkilərində YAP-ın namizədi cənab İlham Əliyevin yenidən qələbəsinə inandıqlarını bildiriblər. Azərbaycan dövlətinə sadiq Ağstafa rayonunun seçiciləri YAP-ın namizədi cənab İlham Əliyevin növbəti prezident seçkilərində qələbəsi üçün çalışacaqlarını bəyan ediblər.
Pərviz SADAYOĞLU

Paylaş:

Baxılıb: 1164 dəfə