Azərbaycanın mövqeyi haqqa, ədalətə söykənir

Bakı:

11 °C

82 %

4 m/s

Əlaqə

AZ RU EN

Ana səhifə / YAP xəbərləri / Azərbaycanın mövqeyi haqqa, ədalətə söykənir

Azərbaycanın mövqeyi haqqa, ədalətə söykənir

01.09.2025 [17:11]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Azərbaycan xalqının Qalib Lideri Prezident cənab İlham Əliyev avqustun 26-da Səudiyyə Ərəbistanının ən nüfuzlu media platformalarından olan “Əl-Ərəbiyyə” telekanalında yayımlanan müsahibəsində ölkəmizin siyasi, iqtisadi, diplomatik sahədə qazandığı nailiyyətləri, bu günün real hadisələrini, dövlətimizin haqqa, ədalətə söykənən, beynəlxalq hüquq normalarına əsaslanan mövqeyini geniş şəkildə əks etdirdi.

Müsahibəsində dövlətimizin başçısı Vaşinqtonda imzalanan sənədin əhəmiyyətindən danışaraq bildirib ki, hər iki tərəf bir-birinin ərazi bütövlüyünü tanıyır və gələcək təmaslarını beynəlxalq hüququn bu fundamental tezisi əsasında planlaşdıracaq: "Əgər onlar bizim ərazi bütövlüyümüzü tanımaqdan imtina etsələr, biz də onların ərazi bütövlüyünü tanımaqdan imtina edəcəyik. Burada kim qazanacaq, kim uduzacaq? Məncə, bu, ritorik sualdır. Ona görə hesab edirəm ki, Ermənistanın istənilən gələcək hökumətində kifayət qədər müdriklik, ağlabatan yanaşma olacaq ki, Vaşinqtonda razılaşdığımızı şübhə altına almasın. Bir daha qeyd edirəm ki, bu, iki dövlət arasında razılaşmadır. Bu, Paşinyan ilə mənim razılaşmamız deyil".

“Azərbaycan və Ermənistanın Ağ Evdə Prezident Trampın iştirakı ilə bu sənədi paraflaması müharibənin başa çatdığını göstərir. Bu, mərhələlərlə 30 ildən artıq davam edən müharibənin sonudur və həm Cənubi Qafqaz regionu, həm də daha geniş mənada Mərkəzi Asiya və Yaxın Şərq üçün tamamilə yeni imkanlar açır”. Müsahibə zamanı dövlət başçısı cənab İlham Əliyevin söylədiyi bu fikirlər Azərbaycanın hər zaman sülhün tərəfdarı olduğunu bir daha nümayiş etdirdi.

Azərbaycanın beynəlxalq aləmdə artan rolundan, enerji təhlükəsizliyində atdığı addımlardan, regionun yeni geosiyasi reallıqlarından danışan ölkə Prezidenti cənab İlham Əliyev bildirib ki, Zəngəzur dəhlizi təkcə Şərq-Qərb deyil, həm də Şimal-Cənub nəqliyyat dəhlizi olacaq. Deməli, Rusiyadan Azərbaycana, İrana gedən Şimal-Cənub marşrutundan əlavə, bizim digər marşrutumuz da olacaq - Rusiyadan Azərbaycana, Ermənistana, Naxçıvana və İrana. Beləliklə, düşünürəm ki, bütün region üçün hamının udacağı vəziyyət yaranacaq və heç kim bundan itirməyəcək.

Müsahibədə xüsusi ilə Azərbaycanın bütün bölgə ölkələri arasında regional əməkdaşlığı gücləndirmək üçün mühüm addımlar atacağı qeyd edilib, Avropa, ABŞ, türk dünyası və ümumiyyətlə, beynəlxalq ictimaiyyətə ünvanlanmış çoxşaxəli mesajlar verilib: “Bizim fikrimiz beynəlxalq arenada rol oynaya bilən, təkcə daxili məsələlərlə məşğul olmayan qlobal oyunçuya çevrilməkdən ibarətdir ki, həm də beynəlxalq arenada sabitləşdirici, müsbət rol oynasın və qonşular üçün imkanlar yaratsın. Bununla da biz belə bir nəhəng coğrafiyada heç kimə təhlükə törətməyən, lakin çoxları üçün fürsət hesab edilən güclü birlik qura biləcəyimizi nümayiş etdirək”.

Bəli, Qalib Prezidentimizin “Əl-Ərəbiyyə” telekanalına verdiyi müsahibədə səsləndirdiyi hər bir fikir bir daha dünya ictimaiyyətində dövlətimizin bugünkü qüdrəti və gələcək hədəfləri barədə aydın təsəvvür yaratdı.

Regionda təhlükəsizliyin, əməkdaşlığın, rifahın təmin edilməsi təşəbbüsləri ilə çıxış edən Azərbaycanın gücülü, qüdrətili, dünya miqyasında etibarlı tərəfdaş olan dövlətə çevriliməsi bir reallıqdır.

Paylaş:

Baxılıb: 318 dəfə