Ağdam seçiciləri seçkilərdə cənab İlham Əliyevə səs verəcək

Bakı:

13 °C

94 %

4 m/s

Əlaqə

AZ RU EN

Ana səhifə / YAP xəbərləri / Ağdam seçiciləri seçkilərdə cənab İlham Əliyevə səs verəcək

Ağdam seçiciləri seçkilərdə cənab İlham Əliyevə səs verəcək

26.09.2013 [10:49]

Rayonun Quzanlı və Birinci Quzanlı qəsəbələrində seçicilərlə görüş keçirilib
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Əliyevin seçki təbliğatı çərçivəsində dünən Ağdam rayonunun Quzanlı və Birinci Quzanlı qəsəbələrində seçicilərlə görüş keçirilib.
Tədbiri giriş sözü ilə YAP Ağdam rayon təşkilatının sədri İsgəndər Quliyev açaraq Prezident İlham Əliyevin rəhbərliyi ilə 10 il ərzində qazanılan uğurlardan danışıb. O bildirib ki, bu siyasət ölkəmizə daim uğurlar gətirib: “Bu siyasətin davamlı olması üçün yenə də cənab İlham Əliyevə səs verməliyik. Biz ağdamlılar hər zaman Prezidentimizi dəstəkləmişik və oktyabrın 9-da bir daha bu mövqeyimizi nümayiş etdirəcəyik”.
Daha sonra seçki qərargahının üzvü Elbrus Hüseynov çıxış edərək Prezident İlham Əliyevin dövlət başçısı kimi fəaliyyəti dövründə əldə olunmuş nailiyyətlərdən danışıb: “Təbii ki, bu da yorulmaz fəaliyyətin nəticəsidir. Eyni zamanda, Azərbaycan xalqının öz Prezidentinə dəstəyi bu uğurları stimullaşdırır. Əminəm ki, bu dəstək davam edəcək və oktyabrın 9-da hər birimiz yenidən İlham Əliyevə səs verəcək, uğurların davamını təmin edəcəyik”.
Digər çıxışçı Hafiz Əzimzadə deyib ki, oktyabrın 9-da hər bir vətəndaş seçki məntəqəsinə getməli, öz gələcəyinə səs verməlidir: “Azərbaycan xalqı Heydər Əliyev siyasətinə səs verməklə, bu siyasəti müdafiə etməklə daim doğru qərarlar qəbul etdiyini göstərib. 9 oktyabrda da xalqımız doğru qərar qəbul edəcək və dövlətimizin iqtisadi inkişafının təməli olan Heydər Əliyev siyasətinə, bu siyasətin uğurlu davamçısı İlham Əliyevə səs verəcək. Çünki bu siyasət bütün qapıların açarı, bütün problemlərin həllidir”.
H.Əzimzadə cənab İlham Əliyevin təbliğatını aparmağın olduqca şərəfli və məsuliyyətli bir iş olduğunu söyləyərək deyib ki, Onun gördüyü işlər, ölkəmizə qazandırdığı nailiyyətlər hər kəs tərəfindən yüksək qiymətləndirilir: “O, 10 illik fəaliyyəti dövründə hamıya göstərdi ki, əsl azərbaycanlıdır və dövlətini, millətini, xalqını çox sevir. Ona görə də, 9 oktyabrda hər birimiz seçki məntəqələrinə gedərək Prezident İlham Əliyevə səs verməliyik. Biz Prezident İlham Əliyevə səs verməklə, öz gələcəyimizə səs verəcəyik”.
Görüşdə digər çıxış edənlər də prezident seçkilərində cənab İlham Əliyevə səs vermək üçün seçiciləri daha da fəal olmağa çağırıblar.
N.BAYRAMLI

Paylaş:

Baxılıb: 1107 dəfə