Mingəçevir seçiciləri Prezident İlham Əliyevi dəstəkləyir

Bakı:

19 °C

77 %

2 m/s

Əlaqə

AZ RU EN

Ana səhifə / YAP xəbərləri / Mingəçevir seçiciləri Prezident İlham Əliyevi dəstəkləyir

Mingəçevir seçiciləri Prezident İlham Əliyevi dəstəkləyir

26.09.2013 [10:54]

Yeni Azərbaycan Partiyasının prezidentliyə namizədi cənab İlham Əliyevin Mingəçevir şəhəri üzrə seçki qərargahının təşviqat-təbliğat qrupunun üzvləri seçicilərlə görüşlərini uğurla davam etdirirlər. Bu tədbirlər çərçivəsində Azərbaycan Dillər Universitetinin dekanı, professor Əfqan Abdullayev, YAP Mingəçevir şəhər təşkilatının sədri Cavanşir Yusubov və təbliğat-təşviqat qrupunun üzvü Əyyub Əyyubov seçicilərlə görüş keçiriblər.
Görüşdə çıxış edənlər Ulu öndər Heydər Əliyevin siyasətini uğurla davam etdirən cənab İlham Əliyevin gördüyü işlər nəticəsində ölkədə əldə edilən inkişaf haqda görüş iştirakçılarına məlumat veriblər. Cavanşir Yusubov prezident seçkilərinin əhəmiyyətindən danışaraq bildirib ki, Azərbaycanda mühüm siyasi proseslə bağlı geniş təbliğat-təşviqat işləri aparılmaqdadır: “Bu gün ölkədə hərtərəfli inkişaf müşahidə olunur. Cənab İlham Əliyevin rəhbərliyi ilə həyata keçirilən sosial-iqtisadi islahatlar nəticəsində Azərbaycanın hər bir guşəsi abadlaşır, gözəlləşir. Məhz ölkədə gedən abadlıq-quruculuq prosesinin tərkib hissəsi kimi Mingəçevirdə də böyük işlər görülür. Şəhərimizdə yollar salınır, geniş quruculuq işləri həyata keçirilir. Bununla yanaşı, Mingəçevirdə yeni iş yerləri açılır, məktəblər, səhiyyə ocaqları tikilir, yeni müəssisələr işə salınır. Bütün bunlar insanların maddi rifahının yüksəlməsinə, rahatlığını təmin etməyə hesablanıb. Məhz bunların əsas səbəbkarı Prezident İlham Əliyevdir”.
C.Yusubovun fikrincə, 9 oktyabrda keçiriləcək prezident seçkilərinin qalibi məhz cənab İlham Əliyev olacaq.
Professor Əfqan Abdullayev isə bildirib ki, həyata keçirilmiş məqsədyönlü siyasət nəticəsində Azərbaycanın iqtisadiyyatı dünyada analoqu olmayan templə inkişaf edir: “Artıq bu faktı beynəlxalq qurumlar da bəyan edirlər. Bəzi dairələr bu uğurlara kölgə salmağa çalışırlar. Amma bu gün ölkədə yeni sosial obyektlərin, müəssisələrin açılması, insanların rifah halının yüksəlməsi ortaya atılan əsassız informasiyaları məhv edən tutarlı arqumentlər, əyani sübutlardır”.
Görüşdə çıxış edən təşviqat qrupunun üzvü Əyyub Əyyubov bildirib ki, 9 oktyabr tarixi xalqımızın həyatında əlamətdar bir gün olacaq: “Çünki həmin gün müstəqil Azərbaycanın azad xalqı səs verərək növbəti beşillikdə kimin rəhbərliyi ilə irəli gedəcəyini müəyyənləşdirəcək. Amma düşünürəm ki, Mingəçevir sakinləri öz seçimlərini hələ 1993-cü ildə ediblər. Bunu 2003-cü və 2008-ci illərdə də Ulu öndər Heydər Əliyev siyasətinin layiqli davamçısı Prezident İlham Əliyevə səs verməklə təkrar ediblər. Əminəm ki, mingəçevirlilər 9 oktyabrda da seçimlərini düzgün edəcəklər”.
Digər çıxışçılar, seçiciləri seçki günü məntəqələrə gedərək Yeni Azərbaycan Partiyasının namizədi cənab İlham Əliyevə səs verməyə çağırıblar.
Tədbir iştirakçıları da seçimlərinin yalnız cənab İlham Əliyev olduğunu qeyd ediblər.
Nardar BAYRAMLI

Paylaş:

Baxılıb: 1239 dəfə