“Qardaşlığımız əbəbdidir” mövzusunda dəyirmi masa keçirilib

Bakı:

22 °C

68 %

2 m/s

Əlaqə

AZ RU EN

Ana səhifə / YAP xəbərləri / “Qardaşlığımız əbəbdidir” mövzusunda dəyirmi masa keçirilib

“Qardaşlığımız əbəbdidir” mövzusunda dəyirmi masa keçirilib

16.09.2025 [13:45]

2025-ci ilin sentyabrın 15-də Qaradağ rayonunun Lökbatan qəsəbəsində yerləşən Heydər Əliyev Mərkəzində 15 sentyabr 1918-ci ildə Nuru Paşanın rəhbərliyi altında XI Qafqaz İslam Ordusunun Bakını Stepan Şamuyanın rəhbərlik etdiyi Bolşevik və Daşnak birləşmələrinin və ingilislərin nəzarətində olan Sentrokaspi Diktaturasının işğalından azad edilməsinin 107-ci ildönümü münasibətilə YAP Qaradağ rayon təşkilatının təşkilatçılığı ilə “Qardaşlığımız əbəbdidir” mövzusunda dəyirmi masa keçirilib.

YAP Qaradağ rayon təşkilatının sədri Qafar Əliyevin və Qaradağ rayon İcra Hakimiyyətinin ictimai-siyasi və humanitar məsələlər şöbəsinin müdiri, məşhur “91-lər”in nümayəndəsi Munis Bayramovun qatıldığı tədbirdə əvvəlcə Azərbaycanın dövlət himni səsləndirildi, Ümummilli lider Heydər Əliyevin, Bakının azad edilməsi zamanı şəhid olan türk əsgər və zabitlərinin, həmçinin də torpaqlarımızın azad olunması, süverenlik və ərazi bütövlüyümüz uğrunda şəhid olanların xatirəsi bir dəqiqəlik sükutla yad edildi.

Tədbiri giriş sözü ilə açan YAP Qaradağ rayon təşkilatının sədri Qafar Əliyev tədbir iştirakçılarını salamladı, 1918-ci ildə baş vermis qanlı hadisələri xatırladaraq Nuru paşanın rəhbərlik etdiyi Qafqaz İslam Ordusunun Bakını işğaldan azad etmək üçün göstərdiyi qəhrəmanlığın Azərbaycan tarixində mühüm rol oynadığını bildirdi.

1918-ci ildə regionda və Azərbaycanda vəziyyət barədə ətraflı danışan YAP rayon təşkilatının sədri tədbir iştirakçılarına 15 sentyabr 1918-ci il tarixinin əhəmiyyəti barədə geniş məlumat verdi. O, həmin tarixi günün əhəmiyyətini 1918-ci ilin mayın 28-də Azərbaycan Xalq Cümhuriyyətinin yaranması günü, 1991-ci il oktyabrın 18-də Azərbaycanın Müstəqilliyinin Bərpası Günü, 2020-ci il 8 Noyabr - Zəfər Günü, 2023-cü il sentyabrın 20-də Dövlət Suverenliyi Günü kimi ölkə tarixinin ən şanlı səhifələrindən biri olduğunu vurğuladı. Qafar Əliyev xüsusi qeyd etdi ki, Bakı şəhərinin milli paytaxtımıza çevrilməsində 3 hadisə: 1501-ci ildə Şah İsmayıl Xətai tərəfindən Bakının tutulması, 1918 ci ildə Nuru Paşa tərəfindən azad edilməsi və 1969-cu ilin iyunun 14-də birinci dəfə, 1993-cü ilin iyununda isə ikinci dəfə Ulu öndər Heydər Əliyevin hakimiyyətə qayıdışı Gününün vəzərbaycan prezidenti, Ali Baş Komandan İlham Əliyevin rəhbərliyi altında 44 Günlük İkinci Qarabağ Vətən Müharibəsinin əsas rol oynamışdır. Həmin tarixi əhəmiyyətli hadisələrin içərisində qarşıdan xalqımız üçün xüsusi əhəmiyyət kəsb edən 2023-cü il sentyabrın 19-20-də keçirilən antiterror əməliyyatının ildönümünün gəldiyini xatırladan Qafar Əliyev, bu əməliyyat nəticəsində Azərbaycanın ərazi bütövlüyünün və suverenliyinin tam bərpa olunduğunu, ölkəmizdə separatizmə son qoyulduğunu, həmin günün Prezident İlham Əliyevin Sərəncamı ilə Dövlət Suverenliyi Günü kimi ilk dəfə qeyd olunacağını da bildirdi.

Sonra 1918-ci il sentyabrın 15-də Bakının Qafqaz İslam Ordusu tərəfindən azad edilməsinə həsr olunmuş “Qardaşlığımız əbədidir” adlı videoçarx nümayiş etdirildi.

Tədbirdə çıxış edən Qaradağ rayon İcra Hakimiyyətinin ictimai-siyasi və humanitar məsələlər şöbəsinin müdiri, məşhur “91-lər”in nümayəndəsi Munis Bayramov 1918-ci il sentyabrın 15-də baş vermiş tarixi hadisənin öyrənilməsinin gənclərin vətənpərvərlik tərbiyəsində mühüm əhəmiyyət daşıdığını xüsusi vurğuladı. O bildirdi ki, əsrlər boyu davam edən Türkiyə-Azərbaycan dostluğu və qardaşlığı tarixin müxtəlif mərhələlərində, o cümlədən 2020-ci ildə baş vermiş Vətən müharibəsində özünü bariz şəkildə göstərdi. Bu tarixi hadisələr gənclərimiz tərəfindən həmişə öyrənilməli və xalqlarımız arasında qardaşlıq münasibətləri daim davam etdirilməlidir.

Tədbirdə digər çıxış edənlər: “Qarabağ Qaziləri” İctimai Birliyinini sədri Əvəz İsmayılov, 180 nömrəli tam orta məktəbin tarix müəllimi Əhəd Məmmədov, “Qarabağ Qaziləri” İctimai Birliyinini sədrinin müavini Qafqaz Əhmədov, YAP fəalları Türkanə Əliyeva, Amin Şamilzadə və başqaları Türkiyə-Azərbaycan qardaşlığının Tarixin sınaqlarından daim şərəflə çıxdığını, xalqlarımızın qardaşlığının əbədi olduğunu vurğuladılar.

Sonda Ümummilli lider Heydər əliyevin büstü önünüdə xatirə fotosu çəkdirildi.

Paylaş:

Baxılıb: 511 dəfə