Qələbə ilə qovuşan şəhərlər

Bakı:

11 °C

93 %

6 m/s

Əlaqə

AZ RU EN

Ana səhifə / YAP xəbərləri / Qələbə ilə qovuşan şəhərlər

Qələbə ilə qovuşan şəhərlər

23.09.2025 [14:03]

Azərbaycan tarixində 20 Sentyabr artıq xüsusi mənaya malikdir. Bu gün – Xankəndi, Xocalı, Xocavənd və Ağdərə şəhərləri günü kimi qeyd olunur. İkinci ildir ki, bu tarix yalnız coğrafi qayıdışı deyil, eyni zamanda milli suverenliyin, dövlət iradəsinin və tarixi ədalətin təntənəsini simvollaşdırır.

2023-cü ilin 19-20 sentyabrında Azərbaycan ordusu lokal antiterror əməliyyatı keçirərək Qarabağda qalan qeyri-qanuni silahlı birləşmələri zərərsizləşdirdi. Bu əməliyyatın nəticəsi olaraq, Azərbaycan Konstitusiya quruluşunu tam bərpa etdi və bölgənin nəzarətini tam şəkildə öz əlinə keçirdi. Cəmi bir gün ərzində həyata keçirilən bu qətiyyətli hərbi-siyasi addım, 30 ildən çox davam edən ədalətsizliyi sonlandırdı.

Tarixi əhəmiyyət daşıyan bu əməliyyatdan cəmi bir ay sonra – 2023-cü il oktyabrın 15-də Azərbaycan Prezidenti, Silahlı Qüvvələrin Ali Baş Komandanı cənab İlham Əliyev Xankəndi, Xocalı, Xocavənd və Ağdərəyə səfər etdi və bu şəhərlərdə Azərbaycan Respublikasının Dövlət Bayrağını ucaltdı. Bu görüntülər hər bir azərbaycanlının qürur hissi keçirməsinə səbəb oldu. Dövlət başçısının bu addımı təkcə siyasi mesaj deyildi – bu, həm də bölgənin sülh, inkişaf və reinteqrasiya yoluna qədəm qoyduğunu bəyan edən bir dönüş nöqtəsi idi.

Azərbaycan bu bölgələrdə yeni həyatın təməlini atmağa başlayıb. Xüsusilə təhsil sahəsində atılan addımlar gələcəyə yönəlik strategiyanın bir hissəsidir. Xankəndidə Qarabağ Universitetinin yaradılması yalnız bir təhsil müəssisəsinin açılması deyil, həm də bu torpaqlarda elmin, maarifçiliyin və birgə yaşayışın inkişaf etdirilməsinə yönəlmiş ciddi siyasi mesajdır. Qarabağ Universiteti təkcə yerli əhali üçün deyil, bütövlükdə Azərbaycanın gələcəyi üçün mühüm intellektual mərkəzə çevriləcək.

2023-cü il noyabrın 8-də Xankəndidə keçirilən hərbi parad isə bu ərazilərin Azərbaycanın hərbi-siyasi suverenliyi altında olduğunu bütün dünyaya nümayiş etdirdi. Zəfər Gününün üçüncü ildönümünə həsr olunan parad, Vətən müharibəsində qazanılan qələbənin davamlılığını və Azərbaycan dövlətinin bölgəyə tam nəzarətini göstərən simvolik hadisə idi.

Bu gün 20 Sentyabrı qeyd etmək, sadəcə bir tarixə işarə etmək deyil. Bu, həm də unudulmuş adların yenidən Azərbaycan xalqının yaddaşına qayıtması, dağıdılmış şəhərlərin yenidən qurulması və Qarabağın sülh, birlik və inkişaf regionuna çevrilməsi deməkdir.

Cənab Prezident İlham Əliyevin rəhbərliyi ilə həyata keçirilən bu qətiyyətli siyasət nəticəsində Xankəndi, Xocalı, Xocavənd və Ağdərə nəinki xəritədəki bir nöqtə kimi, artıq Azərbaycanın canlı və inkişaf edən bir parçası kimi dirçəlir.

Natiq Quluzadə

YAP Zəngilan rayon təşkilatının sədri

Paylaş:

Baxılıb: 352 dəfə