Zəngilan seçiciləri Prezident İlham Əliyevə səs verəcəklər

Bakı:

26 °C

50 %

4 m/s

Əlaqə

AZ RU EN

Ana səhifə / YAP xəbərləri / Zəngilan seçiciləri Prezident İlham Əliyevə səs verəcəklər

Zəngilan seçiciləri Prezident İlham Əliyevə səs verəcəklər

04.10.2013 [10:04]

YAP Zəngilan rayon təşkilatı təbliğat-təşviqat kampaniyası çərçivəsində seçicilərlə görüş keçirib
Prezidentliyə namizəd İlham Əliyevin təbliğat-təşviqat kampaniyası çərçivəsində ölkəmizdə seçicilərlə görüşlər davam etdirilir. Cənab İlham Əliyevin təbliğat-təşviqat kampaniyası çərçivəsində dünən Sumqayıt şəhərində məskunlaşmış Zəngilan rayonundan olan qaçqın və məcburi köçkün seçicilərlə növbəti görüş keçirilib.
Görüşdə çıxış edən YAP Zəngilan rayon təşkilatının sədri Əsəd Hüseynov artıq seçkilərə bir neçə gün qaldığını diqqətə çatdırıb. O bildirib ki, təbliğat-təşviqat kampaniyası olduqca uğurla keçib və bütün görüşlərdə seçicilərin fəallığı, insanların izdihamı müşahidə olunub. Ə.Hüseynov 9 oktyabrın tək zəngilanlıların deyil, bütövlükdə ölkənin həyatında mühüm rol oynayacağını deyib. Ə.Hüseynov bütün Azərbaycan xalqı kimi, Zəngilan seçicilərinin də həmin gün seçki məntəqələrinə gedərək, layiqli namizədə-cənab İlham Əliyevə səs verəcəklərinə əmin olduğunu vurğulayıb: “Ötən 10 il ərzində ölkəmizdə həyata keçirilən siyasət nəticəsində Azərbaycan dövləti sürətlə inkişaf edib. Biz bu inkişafın davamlı olması üçün üzərimizə düşən işin öhdəsindən layiqincə gəlməliyik. Məhz, buna görə də əminəm ki, siz oktyabrın 9-da işıqlı gələcəyə - Prezident İlham Əliyevə səs verəcəksiniz”.
Çıxış edən Milli Məclisin üzvü İmamverdi İsmayılov ölkəmizdə gedən quruculuq-abadlıq işlərinə, ölkə vətəndaşlarının günü-gündən yaxşılaşan həyat şəraitinə toxunub. Zəngilan rayonundan olan qaçqın və məcburi köçkünlərimizə yeni qəsəbənin inşa olunduğunu söyləyən millət vəkili deyib ki, bu gün hər bir Azərbaycan vətəndaşı qürurla Prezident İlham Əliyevə səs verməkdə haqlıdır: “Bu gün hər bir azərbaycanlının cənab İlham Əliyevə səs verməsi üçün yüzlərlə səbəb var. Amma mən yalnız bir neçə səbəb sadalayacağam. İlk növbədə, Prezident İlham Əliyev Özünü bu xalqın övladı kimi sevdirə bildi və xalqa sevgisinin sonsuz olduğunu sübut etdi. İkincisi, beynəlxalq siyasətdə uğurlu diplomatik gedişləri ilə Azərbaycanı dünyanın aparıcı ölkələri sırasına çıxardı, bu gün BMT-nin Təhlükəsizlik Şurasının üzvüyük. Cənab İlham Əliyev Azərbaycanı dünya arenasında nüfuz sahibinə çevirməyi bacardı. Bu böyük işlər bütün Azərbaycan xalqının, o cümlədən, siz əziz zəngilanlıların gözü önündə baş verib”.
Millət vəkili qeyd edib ki, Azərbaycan çox qısa zaman çərçivəsində 70 illik bir asılılıqdan qurtararaq müstəqilliyini elan edib. Torpaqlarımızın 20 faizinin Ermənistan tərəfindən işğal edilməsi və bu işğal nəticəsində bir milyon qaçqın və məcburi köçkün probleminin olmasına baxmayaraq, ölkəmiz bu gün dünyada analoqu olmayan inkişaf tempinə malikdir: “Azərbaycan bütün dünya üçün çox böyük əhəmiyyətə malik beynəlxalq layihələrin müəllifidir. Cənubi Qafqazda liderlik qazanan ölkəmiz, həm də dünyada nüfuz sahibinə çevrilməkdədir. Bütün bunların davamı üçün seçicilərimiz oktyabrın 9-da cənab İlham Əliyevi seçməlidirlər. Siz qəlbinizin səsinə qulaq asın. Siz ədalətə, haqqa səs verin. Bu gün haqq-ədalət Prezident İlham Əliyevin fəaliyyətində öz təcəssümünü tapır”.
Daha sonra çıxış edən Zəngilan sakinləri Səliəddin Sailov, Ələddin Həsənov, Xanım Rüstəmova, Mayis Quliyev bildiriblər ki, son illər Azərbaycan torpağının bütün guşələrinə cənab Prezident tərəfindən xüsusi diqqət göstərilir. Vurğulanıb ki, hər zaman dövlətçiliyə sədaqətləri ilə seçilən zəngilanlılar oktyabrın 9-da seçkilərdə fəal iştirak edəcək və cənab İlham Əliyevə səs verəcəklər.
Pərviz SADAYOĞLU

Paylaş:

Baxılıb: 1402 dəfə