Xızıda qadın seçicilərlə görüş keçirilib

Bakı:

22 °C

94 %

0 m/s

Əlaqə

AZ RU EN

Ana səhifə / YAP xəbərləri / Xızıda qadın seçicilərlə görüş keçirilib

Xızıda qadın seçicilərlə görüş keçirilib

05.10.2013 [11:32]

Yeni Azərbaycan Partiyası (YAP) Xızı rayon təşkilatı qarşıdan gələn prezident seçkilərində YAP-ın namizədi cənab İlham Əliyevin təbliğat-təşviqat kampaniyasını uğurla davam etdirir. Kampaniya çərçivəsində növbəti görüş xızılı qadın seçicilərlə keçirilib.
Tədbiri giriş sözü ilə açan YAP Xızı rayon təşkilatının sədri Fərrux Haqverdiyev bildirib ki, ötən 10 il ərzində cənab İlham Əliyev yüksək idarəçilik bacarığı sayəsində alternativsiz lider olduğunu bir daha təsdiq edib: “Sosioloji sorğuların nəticələrinə görə, 9 oktyabr seçkilərində əhalinin 80 faizindən çoxu cənab İlham Əliyevi dəstəkləyəcək. Ona görə ki, cənab İlham Əliyevin hakimiyyəti dövründəki Azərbaycan hərtərəfli inkişafa, daxili sabitliyə, kosmik sənayeyə, insanlar üçün firavan həyata, işsizliyin və yoxsulluğun aradan qaldırılmasına nail olmuşdur. Ona görə də, Azərbaycan xalqı cənab İlham Əliyevin apardığı uğurlu siyasəti dəstəkləyir, ölkənin seçdiyi yolun dəyişməyəcəyinə inamlarını bildirirlər. Respublika əhalisi hakimiyyətdən, Onun həyata keçirdiyi siyasətdən razıdır. Azərbaycanın son 10 ildəki hərtərəfli inkişafı və bu sahədə cənab İlham Əliyevin düşünülmüş, uğurlu siyasəti və məqsədyönlü fəaliyyəti möhtərəm Prezidentimizin qələbəsini təmin edəcəkdir”.
“Səs” qəzetinin baş redaktoru Bəhruz Quliyev isə bildirib ki, son 10 ildə Prezident İlham Əliyevin rəhbərliyi altında həm daxili, həm də xarici siyasətdə çoxşaxəli inkişafa və uğurlara nail olunub: “Ulu öndərin müdrik siyasətinin layiqli davamçısı olan cənab İlham Əliyev dünyanın ən nüfuzlu və güclü siyasi liderlərindən biridir. Biz bir xalq, millət olaraq Onunla fəxr edirik və inanırıq ki, hər bir azərbaycanlının Prezidenti olan cənab İlham Əliyev yenidən ölkə Prezidenti seçiləcək. Cənab İlham Əliyevin dövlət başçısı kimi apardığı uğurlu xarici siyasətdə də siyasi tolerantlıq mədəniyyətinin izlərini aydın görmək olar. Təbliğat-təşviqat kampaniyası çərçivəsində seçicilərlə keçirilən görüşlərdə səslənən xoş sözlər cənab İlham Əliyevin son 10 ildə sosial-iqtisadi, mədəni, diplomatik, humanitar sahədə qazandığı uğurların insanlar tərəfindən bəyənilib, təsdiq edilməsinin ən təsirli ifadəsidir. İntibah dövrü kimi tarixə yazılan son 10 ildə Azərbaycanın sosial-iqtisadi, siyasi-ictimai həyatında qazanılan uğurlarda xanımlarımızın, qadınların çox böyük və gərgin əməyi olub. Çoxsaylı Dövlət proqramlarının həyata keçirilməsi ilə iqtisadiyyatı güclənən, sosial məsələlərin həlli üçün möhkəm təməl yaradan, ölkə əhalisinin həyat şəraitinin daha da yaxşılaşdırılmasını dövlət siyasətinin əsas prioriteti kimi daim diqqətdə saxlayan Prezident İlham Əliyev demokratiyanı inkişaf etdirməklə, sağlam vətəndaş cəmiyyətini möhkəmləndirməklə çox mühüm vəzifələri yerinə yetirdi. Bu gün biz Onun siyasətini, uğurlarını görürük və hər bir Azərbaycan vətəndaşını xalqımızın alternativsiz lideri cənab İlham Əliyevə səs verməyə çağırırıq”.
Tədbirdə çıxış edən digər iştirakçılar da ötən dövrlər ərzində ölkədə baş verən quruculuq, abadlıq işlərindən danışıblar və bütün seçiciləri 9 oktyabrda cənab İlham Əliyevə səs verməyə çağırıblar.
Oktay

Paylaş:

Baxılıb: 1423 dəfə