Samuxda 8 Noyabr-Zəfər Günü münasibətilə elmi-praktik konfrans keçirilib

Bakı:

22 °C

76 %

14 m/s

Əlaqə

AZ RU EN

Ana səhifə / YAP xəbərləri / Samuxda 8 Noyabr-Zəfər Günü münasibətilə elmi-praktik konfrans keçirilib

Samuxda 8 Noyabr-Zəfər Günü münasibətilə elmi-praktik konfrans keçirilib

05.11.2025 [15:28]

Noyabrın 5-də YAP Samux rayon təşkilatında “Konstitusiya və Suverenlik İli” çərçivəsində Samux rayon İcra Hakimiyyətinin və YAP Samux rayon təşkilatının birgə təşkilatçılığı ilə 8 noyabr- Zəfər Günü münasibəti ilə “Tarixi qələbə, Zəfər günü” adlı elmi-praktik konfrans keçirilib. Tədbirdə Samux Rayon İcra Hakimiyyətinin Başçısı Firdovsi Əliyev, YAP Samux rayon təşkilatının sədri Gündüz Bayramov, hüquq-mühafizə orqanlarının rəhbərləri, şəhid ailələri, qazilər, müharibə iştirakçıları, idarə, müəssisə təşkilatların kollektivləri və rayon ictimaiyyətinin nümayəndələri iştirak ediblər.

Tədbirdə əvvəlcə müasir müstəqil Azərbaycan dövlətinin qurucusu Ulu Öndər Heydər Əliyevin və Vətən uğrunda canından keçən şəhidlərimizin əziz xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib. Sonra 44 günlük zəfər tariximizdən bəhs edən film nümayiş olunub.

Samux Rayon İcra Hakimiyyətinin başçısı Firdovsi Əliyev tədbir iştirakçılarını salamlayaraq, Vətən müharibəsindən, əsgər və zabitlərimizin qəhrəmanlıqlarından söz açıb, parlaq Zəfərin əhəmiyyətindən danışıb. Qeyd edib ki, Ordumuzun keçdiyi 44 günlük döyüş yolunun hər bir səhifəsi əsl qəhrəmanlıq dastanıdır və əsgərlərimizin yüksək döyüş ruhu, vətənpərvərlik hissi, əzmkarlığı dillər əzbəridir. Rayon İcra Hakimiyyətinin Başçısı həmçinin vurğulayıb ki, Azərbaycan xalqı torpaqlarımızın işğaldan azad olunmasının, əzəli yurd yerlərinə əbədi qayıdışının hədsiz sevinc və qürurunu yaşamaqla 8 Noyabr – Zəfər Gününü böyük coşqu ilə qeyd edir.

Çıxış edən YAP Samux rayon təşkilatının sədri Gündüz Bayramov Azərbaycan xalqının əzmi və iradəsi, iqtisadi gücü, müasir ordu quruculuğu və xalq-iqtidar birliyinin ölkəmizin qələbəsini təmin edən mühüm amillər olduğunu bildirib. Qeyd edib ki, xalqımızın qüdrətinin və milli qürurumuzun təntənəsinə çevrilən, dövlətimizin nüfuzu və gələcək inkişafı baxımından müstəsna əhəmiyyət kəsb edən bu misilsiz Qələbənin əbədiləşdirilməsi məqsədilə 8 noyabr tarixinin Zəfər Günü kimi təsis edilməsi hər birimizi qürurlandırır.

Daha sonra çıxış edən İnstitut qəsəbə tam orta məktəbin müəllimi Dilarə Əsgərova Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin qətiyyəti, şanlı Azərbaycan Ordusunun rəşadəti nəticəsində ərazi bütövlüyümüzün və suverenliyimizin tam bərpa olunduğunu qeyd edib. Vətən müharibəsinin tariximizin ən parlaq səhifəsinə, Azərbaycan xalqının iftixar və qürur mənbəyinə çevrildiyini vurğulayıb.

Çıxışlardan sonra Zəfər Günü münasibətilə YAP Samux rayon təşkilatı tərəfindən keçirilmiş inşa yazı müsabiqəsində və rəsm sərgisində qalib gələn məktəblər fəxri fərmanla təltif olunub.

Paylaş:

Baxılıb: 604 dəfə