Sosial ədalət prinsiplərinə sadiqlik

Bakı:

15 °C

88 %

0 m/s

Əlaqə

AZ RU EN

Ana səhifə / YAP xəbərləri / Sosial ədalət prinsiplərinə sadiqlik

Sosial ədalət prinsiplərinə sadiqlik

14.11.2025 [20:30]

Səyyad Mirzəyev

YAP Ağdam rayon təşkilatının əməkdaşı

Prezident İlham Əliyev 12 noyabr 2025-ci ildə Naxçıvanda Prezidentin yeni səlahiyyətli nümayəndəsini və bir sıra rayonların icra hakimiyyətlərinə təyin olunan başçılarını qəbul edərkən qarşıdakı vəzifələr haqqında vacib mesajlar verdi. Cənab Prezident bir neçə mühüm mövzuya toxundu və rəhbər şəxslərdən, xüsusilə yerli icra hakimiyyətlərindən daha yüksək səviyyədə peşəkarlıq, dürüstlük və sosial ədalət prinsiplərinə sadiqlik tələb etdi. Prezident icra başçıları ilə görüşərək onlara yeni vəzifəyə təyinatla bağlı tövsiyə və tapşırıqlarını verdi. Qeyd edildi ki, dövlət başçısının təyin etdiyi hər bir rəhbər şəxs üçün əsas meyarlar ilk növbədə, xalqa xidmət etmək, xalqla bir yerdə olmaq olmalıdır.

Cənab Prezidentin dövlət məmurlarının qarşısına qoyduğu əsas tələblərdən biri ölkənin hər bir bölgəsində vətəndaş məmnunluğunun, məmur-vətəndaş münasibətlərinin dayanıqlı inkişafın təmin edilməsidir və bu bütün dövrlərdə prioritet məsələ kimi öndə dayanıb və dayanır. İlk növbədə rəhbər vəzifədə çalışan hər bir şəxs təvazökar olmalıdır.

Cənab Prezident bildirdi ki, “Həyatda, məişətdə özü, onun yaxın qohumları özlərini elə aparmalıdırlar ki, bizim ümumi işimizə heç bir irad tutulmasın. Əfsuslar olsun ki, bəzi hallarda məmurlar özlərini cəmiyyətdə düzgün apara bilmirlər, ifrat dərəcədə təkəbbürlülük göstərirlər, özlərini hamıdan üstün tutmağa çalışırlar və beləliklə, həm öz nüfuzlarını itirirlər, eyni zamanda, dövlətimizə, dövlətin siyasətinə də ləkə vurmuş olurlar. Bununla bərabər, bəzi hallarda korrupsiyaya, rüşvətxorluğa düçar olurlar. Azərbaycan ictimaiyyəti yaxşı bilir ki, əyri yola gedən hər bir dövlət məmuru nəticədə məhkəmə, qanun qarşısında cavab verməli olur və belə hallar əfsuslar olsun ki, bu gün də var. Ancaq o da cəmiyyət üçün tam aydındır ki, heç bir qanunsuz hərəkət nəticəsiz qalmayacaq. Ona görə sizdən tələbim, eyni zamanda, xoşagəlməz hallara qarşı ciddi mübarizə aparmaq, kadr siyasətində etibarlı, peşəkar və mənəvi cəhətdən təmiz kadrları seçmək, rəhbərlik edəcəyiniz bölgələrdə öz işinizlə mənim seçimimin düzgün olduğunu sübut etməkdir. Əks təqdirdə, əlbəttə ki, lazımi ölçülər götürüləcəkdir”. Dövlət başçısı İlham Əliyev görüşdə bir daha bu çağırışı etdi ki, yerlərdə bu gün hələ də mövcud olan, insanları narahat edən məsələlər öz həllini tapmalıdır. Burada da əsas prinsip sosial ədalət prinsipidir. Hər bir bölgədə, hər bir kənddə insanlar görməlidir və bilməlidir ki, ədalət hər zaman üstünlük təşkil edir.

Cənab Prezident korrupsiyaya və rüşvətxorluğa qarşı ciddi mübarizə aparılmasının vacibliyini vurğuladı. O, qanunsuz hərəkətlərin cəzasız qalmayacağını və hər hansı bir məmurun qanunsuz əməl səbəbindən qanun qarşısında cavab verəcəyini diqqətə çatdırdı. Rəhbər vəzifədə çalışan hər bir məmur təvazökar olmalı və cəmiyyətin xoş münasibətini, hörmətini qazanmalıdır.

Təvazökarlıq rəhbər şəxsin mənəvi keyfiyyətlərini, insani dəyərlərə sadiqliyini və cəmiyyət qarşısında məsuliyyətini nümayiş etdirən mühüm amildir. Rəhbər mövqedə olmaq təkcə səlahiyyət sahibi olmaq demək deyil, eyni zamanda xalqa, dövlətə xidmət etmək məsuliyyətini daşımaq deməkdir. Hər bir məmur davranışında sadəlik, ədalətlilik və etik normalara riayət etməklə vətəndaşlara nümunə olmalıdır.

Paylaş:

Baxılıb: 1051 dəfə