Tarixi qərar

Bakı:

2 °C

87 %

11 m/s

Əlaqə

AZ RU EN

Ana səhifə / YAP xəbərləri / Tarixi qərar

Tarixi qərar

20.11.2025 [23:17]

1992-ci il 21 noyabr tarixində Yeni Azərbaycan Partiyasının təsis konfransının keçirilməsi Azərbaycan dövlətçiliyinin taleyini dəyişən ən mühüm siyasi hadisələrdən biri oldu və o dövrün ağır, ziddiyyətli, idarəolunmaz şəraitində xalqın nicat yoluna çevrildi. Həmin illərdə ölkədə yaşanan siyasi böhran, idarəetmədəki qeyri-peşəkarlıq, separatçılıq meyillərinin güclənməsi və regionlarda nəzarətsiz proseslərin baş verməsi cəmiyyətdə dərin narahatlıq yaratmışdı, məhz belə bir tarixi məqamda xalqın böyük əksəriyyəti xilaskar lider kimi Ulu Öndər Heydər Əliyevə müraciət etdi və Onun siyasi təcrübəsinə, dövlətçilik zəkasına, qətiyyətinə güvənərək vahid ideya ətrafında birləşdi. Ulu Öndər Heydər Əliyevin xalqın çağırışına cavab verərək Yeni Azərbaycan Partiyasının təsis olunmasına razılıq verməsi sadəcə bir siyasi partiyanın yaradılması yox, Azərbaycan dövlətinin gələcək taleyinin xilas edilməsi demək idi və məhz Onun rəhbərliyi nəticəsində Yeni Azərbaycan Partiyası qısa zamanda ölkəni xaosdan çıxara biləcək ən güclü milli siyasi qüvvəyə çevrildi. Təsis konfransında irəli sürülən ideyalar dövlətçilik ənənələrinin bərpası, müstəqilliyin qorunması, ölkədə sabitliyin təmin olunması və xalqın gələcəyi üçün möhkəm siyasi təməl yaradılması məqsədlərini özündə birləşdirirdi; bu ideyalar sonrakı illərdə modern Azərbaycan dövlətinin formalaşmasının başlıca istiqamətləri kimi tarixə düşdü. Yeni Azərbaycan Partiyasının yaranması ilə siyasi həyat yeni mərhələyə qədəm qoydu: təşkilatlanma, siyasi mübarizə mədəniyyəti, sosial dəstək bazası, intellektual potensial və dövlətçiliyə xidmət prinsipləri qısa zamanda YAP-ı ölkənin aparıcı siyasi qüvvəsi etdı. Ulu Öndər Heydər Əliyevin müəyyən etdiyi yol xəritəsi dövlətin quruculuq mərhələsinin əsasını təşkil edərək Azərbaycanın həm daxili, həm də xarici siyasətdə güclü mövqelərə sahib olmasına imkan yaratdı.

Bu ideoloji və siyasi irs Cənab Prezident İlham Əliyev tərəfindən müasir dövrün tələblərinə tam uyğun şəkildə davam etdirilərək YAP-ın fəaliyyətinə yeni dinamizm, yeni idarəçilik fəlsəfəsi və genişmiqyaslı inkişaf xətti gətirdi. Prezident İlham Əliyev partiyanın həm struktur baxımından modernləşdirilməsinə, həm ölkənin siyasi sistemində strateji rolunun gücləndirilməsinə, həm də geniş ictimai dəstəyinin daha da artırılmasına nail oldu; Onun rəhbərliyi dövründə YAP təkcə siyasi təşkilat deyil, dövlət quruculuğu prosesinin avanqardı, milli ideologiyanın dayağı, cəmiyyətin inteqrasiya və inkişaf platforması kimi fəaliyyət göstərdi. Yeni Azərbaycan Partiyasının çoxşaxəli fəaliyyəti ölkədə siyasi sabitliyin qorunması, iqtisadi islahatların həyata keçirilməsi, sosial siyasətin gücləndirilməsi, ordu quruculuğu, diplomatik uğurlar, müasir infrastruktur layihələri və ən əsası dövlət müstəqilliyinin dönməzliyi istiqamətində mühüm nailiyyətləri təmin etdi. Bu gün Yeni Azərbaycan Partiyası həm keçmişdən aldığı gücü, həm indiki dövrün çağırışlarına cavab verən çevik siyasəti, həm də gələcəyə yönəlmiş strateji hədəfləri ilə Azərbaycanın siyasi həyatında aparıcı və təyinedici qüvvə kimi çıxış edir.

Yeni Azərbaycan Partiyasının yaranmasının 33 illiyi ölkəmizin siyasi yaddaşında xüsusi bir mərhələ kimi qeyd olunur, çünki bu 33 illik yol təkcə bir partiyanın inkişaf tarixi deyil, bütövlükdə müstəqil Azərbaycanın inkişaf salnaməsidir. Bu illər ərzində Ulu Öndər Heydər Əliyevin müəyyən etdiyi ideoloji xəttlə Cənab Prezident İlham Əliyevin həyata keçirdiyi modern dövlətçilik konsepsiyası sintez olunaraq ölkəni dünyada nüfuz sahibi edən güclü, sabit, qətiyyətli və strateji düşüncəyə malik dövlət modelini formalaşdırdı. YAP bu gün də ölkənin siyasi sistemində tarixi missiyasını davam etdirərək həm xalqın etimadını doğruldur, həm də Azərbaycanı gələcək hədəflərə aparan ən etibarlı siyasi dayağa çevrilir və bu, 33 illik fəaliyyətin müqəddəs milli iradəyə və dövlətə bağlılıq üzərində qurulduğunu bir daha təsdiqləyir.

YAP Ağdam rayon təşkilatının əməkdaşı Toğrul Zeynalov

Paylaş:

Baxılıb: 340 dəfə