Daşkəsəndə Yeni Azərbaycan Partiyasının yaradılmasının 33-cü ildönümü qeyd olunub

Bakı:

19 °C

77 %

13 m/s

Əlaqə

AZ RU EN

Ana səhifə / YAP xəbərləri / Daşkəsəndə Yeni Azərbaycan Partiyasının yaradılmasının 33-cü ildönümü qeyd olunub

Daşkəsəndə Yeni Azərbaycan Partiyasının yaradılmasının 33-cü ildönümü qeyd olunub

20.11.2025 [16:16]

Noyabrın 20-də Yeni Azərbaycan Partiyasının təsis edilməsinin 33-cü ildönümü münasibətilə Daşkəsən rayonunda toplantı keçirilib. Tədbirdə Daşkəsən Rayon İcra Hakimiyyətinin başçısı Orxan Abbasov, YAP Daşkəsən rayon təşkilatının sədri Meydanəli Yolçiyev və rayonun çoxsaylı partiya fəalları iştirak ediblər.

Əvvəlcə müasir müstəqil Azərbaycan dövlətinin banisi, Yeni Azərbaycan Partiyasının qurucusu Ümummilli Lider Heydər Əliyevin Daşkəsən şəhərinin mərkəzində ucaldılmış abidəsi ziyarət edilib, gül dəstələri düzülüb. Həmçinin Daşkəsən rayon Heydər Əliyev Mərkəzində Ulu Öndərin həyat və fəaliyyətinin müxtəlif dövrlərini özündə əks etdirən fotolara və eksponatlara baxış keçirilib.

YAP Daşkəsən rayon təşkilatında davam edən partiya fəallarının ümumrayon toplantısı Dövlət Himninin səsləndirilməsi, Ulu Öndər Heydər Əliyevin və şəhidlərimizin əziz xatirəsini yad etməklə başlayıb.

Daşkəsən Rayon İcra Hakimiyyətinin başçısı Orxan Abbasov giriş nitqi ilə çıxış edib. Başda möhtərəm Prezident, Yeni Azərbaycan Partiyasının sədri cənab İlham Əliyev və Yeni Azərbaycan Partiyası Sədrinin birinci müavini hörmətli Mehriban xanım Əliyeva olmaqla partiyanın bütün üzvlərini Yeni Azərbaycan Partiyasının yaradılmasının 33-cü ildönümü münasibətilə təbrik edən icra başçısı Orxan Abbasov bildirib ki, müasir müstəqil Azərbaycanın bütün sahələrdə qazandığı böyük nailiyyətlər, həmçinin erməni işğalçıları üzərində əldə edilmiş mütləq tarixi Zəfər məhz Ulu Öndər Heydər Əliyevin yaratdığı və bu gün onun siyasi kursunun layiqli davamçısı möhtərəm Prezident cənab İlham Əliyevin sədri olduğu Yeni Azərbaycan Partiyasının fəaliyyəti ilə bilavasitə bağlıdır. Bu gün biz Yeni Azərbaycan Partiyasının təsis edilməsinin 33 illiyini dünyada öz sözünü deyən qalib bir dövlətdə qeyd edirik. Bu, hər bir azərbaycanlını qürurlandırır. Prezident cənab İlham Əliyevin sədrliyi ilə Yeni Azərbaycan Partiyası Qafqazda ən güclü siyasi partiya olmaqla, Azərbaycan xalqının milli maraqlarına xidmət göstərir. Yarım milyondan artıq azərbaycanlını ətrafında birləşdirən Yeni Azərbaycan Partiyası əslində hər bir azərbaycanlının partiyasıdır.

YAP Daşkəsən rayon təşkilatının sədri Meydanəli Yolçiyev çıxışında diqqətə çatdırıb ki, YAP Daşkəsən rayon təşkilatı fəaliyyətini partiya rəhbərliyi tərəfindən qarşıya qoyulmuş bütün vəzifələrin yerinə yetirilməsi üçün uğurla davam etdirir. Hazırda rayonumuzda YAP-a rəqib ola biləcək alternativ yoxdur. Bunun səbəbi daşkəsənlilərin Ümummilli Lider Heydər Əliyev siyasətinə daim göstərdikləri sədaqətdən və sevgidən irəli gəlir. Yeni Azərbaycan Partiyasının bütün uğurlarının və qələbələrinin arxasında xalqın Ulu Öndər Heydər Əliyev siyasətinə və onun layiqli davamçısı möhtərəm Prezidentimiz, Yeni Azərbaycan Partiyasının sədri cənab İlham Əliyevə olan sarsılmaz inamı və bu inamdan doğan dəstəyi dayanır.

Tədbirdə çıxış edən YAP veteranları Cavanşir Qocayev və Sahib Əhmədov, eləcə də partiya fəalları Rüfət Bədəlov və Nailə Məmmədova partiyanın 33 illik fəaliyyəti ərzində qazandığı möhtəşəm uğurların hər bir üzv üçün qürur mənbəyi olduğunu vurğulayıblar.

Sonra YAP rayon təşkilatının bir qrup veteran üzvünə qiymətli hədiyyələr təqdim olunub.

Partiya fəallarının ümumrayon yığıncağı Yeni Azərbaycan Partiyası himninin sədaları altında bayram əhvali-ruhiyyəsində başa çatıb.

Paylaş:

Baxılıb: 752 dəfə