Müasir mərhələdə Azərbaycan qadınının ictimai-siyasi həyatda rolu

Bakı:

25 °C

54 %

1 m/s

Əlaqə

AZ RU EN

Ana səhifə / YAP xəbərləri / Müasir mərhələdə Azərbaycan qadınının ictimai-siyasi həyatda rolu

Müasir mərhələdə Azərbaycan qadınının ictimai-siyasi həyatda rolu

05.03.2026 [23:46]

“Qadın dünyadır ,qadın həyatdır , qadın insanlığı yaşadan müqəddəs varlıqdır “

Ümümmilli Lider Heydər Əliyev

“ Azərbaycan qadınları hər zaman cəmiyyətimizin mənəvi dayağı olmuş, daim ülvi amallarla yaşamışlar “.

Azərbaycan Respublikasının Prezidenti İlham Əliyev

Ülvilik, zəriflik və gözəllik rəmzi olan qadın adı, ana adı ölkəmizdə həmişə uca tutulmuşdur. Azərbaycan qadını bütün dövrlərdə öz istedadı, zəkası, iradəsi və əzmi ilə milli - mənəvi dəyərlərimizin qorunub saxlanması və yaşadılmasında müstəsna xidmətlər göstərmişdir.

Tarix boyu Azərbaycan qadını cəmiyyətimizin inkişafında böyük xidmətlər göstərmiş, öz zəhməti, biliyi və fədakarlığı ilə ölkəmizin tərəqqisinə töhfə vermişdir. Müasir dövrdə isə qadınların cəmiyyətin bütün sahələrində aktiv fəaliyyəti daha da genişlənmişdir.

Azərbaycan qadını qədim zamanlardan ailənin, cəmiyyətin və dövlətin inkişafında mühüm rol oynamışdır. Tariximizdə Tomris kimi qəhrəman qadınların, Sara xatun kimi diplomatik qabiliyyətə malik dövlət xadimlərinin fəaliyyəti buna bariz nümunədir. Bu ənənə müasir dövrdə də davam edir və Azərbaycan qadınları ölkənin ictimai və siyasi həyatında fəal iştirak edirlər.

Azərbaycan qadının şəxsiyyətinə böyük hörmətlə yanaşan Ulu Öndər Heydər Əliyev müasir Azərbaycanda qadın siyasətinin əsasını qoyaraq ölkə həyatının bütün sahələrində qadınlara xüsusi yer ayırdı .

Müstəqillik qazandıqdan sonra Azərbaycanda qadın hüquqlarının qorunması və gender bərabərliyinin təmin olunması dövlət siyasətinin əsas istiqamətlərindən birinə çevrilmişdir. Dövlət tərəfindən qadınların hüquqlarının qorunması, onların ictimai və siyasi həyatda fəallığının artırılması üçün bir sıra qanunlar və proqramlar qəbul edilmişdir. Bu siyasət nəticəsində qadınlar dövlət idarəçiliyində, parlamentdə, bələdiyyələrdə və digər ictimai strukturlarda daha geniş şəkildə təmsil olunmağa başlamışdır.

Bu gün Azərbaycan qadınları parlamentdə deputat kimi, dövlət qurumlarında rəhbər vəzifələrdə, eləcə də müxtəlif ictimai təşkilatlarda uğurla fəaliyyət göstərirlər. Onlar ölkənin inkişafına dair qərarların qəbulunda iştirak edir, cəmiyyətin problemlərinin həllinə öz töhfələrini verirlər. Qadınların siyasətdə aktivliyi cəmiyyətin daha demokratik və balanslı inkişafına müsbət təsir göstərir.

Qadınlar dövlət idarəçiliyində, elm sahəsində, biznesdə və digər sahələrdə mühüm nailiyyətlər əldə edərək cəmiyyətin inkişafına töhfə verirlər.

Eyni zamanda Azərbaycan qadınları yalnız siyasətdə deyil, sosial və humanitar sahələrdə də fəal iştirak edirlər. Onlar müxtəlif xeyriyyə layihələrində, sosial proqramlarda və ictimai təşəbbüslərdə iştirak edərək cəmiyyətin rifahının yaxşılaşdırılmasına xidmət edirlər. Bu fəaliyyətlər qadınların cəmiyyətdəki rolunun nə qədər geniş və əhəmiyyətli olduğunu göstərir.

Müasir dövrdə Azərbaycan qadınlarının fəaliyyətində vətənpərvərlik və dövlətə bağlılıq da xüsusi yer tutur. Xüsusilə Vətən müharibəsi dövründə qadınlar həm ön cəbhədə çalışan həkimlər və könüllülər kimi, həm də arxa cəbhədə müxtəlif sosial fəaliyyətlər göstərərək ölkənin birliyinə və gücünə öz töhfələrini vermişlər.

Bu gün Azərbaycan qadını həm ailədə qayğıkeş ana, həm də cəmiyyətin fəal üzvü kimi mühüm rol oynayır. Onlar milli dəyərlərimizi qoruyaraq eyni zamanda müasir dünyanın tələblərinə uyğun şəkildə fəaliyyət göstərirlər. Bu isə Azərbaycanın inkişafında qadınların rolunun daha da artacağını göstərir.

Azərbaycan qadını cəmiyyətimizin inkişafında mühüm qüvvədir. Onların ictimai və siyasi həyatda fəal iştirakı ölkəmizin gələcək inkişafı üçün böyük əhəmiyyət daşıyır. İnanıram ki, Azərbaycan qadınları bundan sonra da öz bilik və bacarıqları ilə ölkəmizin tərəqqisinə mühüm töhfələr verəcəklər.

8 Mart Beynəlxalq Qadınlar Günü münasibəti ilə bütün qadınları təbrik edir, su qədər təmiz, həyat qədər canlı, çiçək qədər təravətli və gözəl qalmanızı arzu edirəm!

Mahir Əsgərov

YAP Culfa rayon təşkilatı Saltaq kənd ərazi partiya təşkilatının sədri

Paylaş:

Baxılıb: 507 dəfə