“Region gənclərinin ictimai siyasi aktivliyinin artırılması”

Bakı:

17 °C

72 %

8 m/s

Əlaqə

AZ RU EN

Ana səhifə / YAP xəbərləri / “Region gənclərinin ictimai siyasi aktivliyinin artırılması”

“Region gənclərinin ictimai siyasi aktivliyinin artırılması”

29.11.2013 [09:16]

YAP Gənclər Birliyinin ofisində bu mövzuda gənclər üçün təlim keçirilib
Dünən Yeni Azərbaycan Partiyasının Gənclər Birliyinin ofisində “Region gənclərinin ictimai siyasi aktivliyinin artırılması” mövzusunda təlim keçirilib. Azərbaycan Respublikasının Prezidenti yanında Gənclər Fondunun maliyyə dəstəyi ilə region gənclərinin sosial aktivliyinin və siyasi biliklərinin artırılması məqsədi daşıyan layihənin müəllifi “Gənclərin İntellektual İnkişafına Yardım” İctimai Birliyidir. Tədbirə təşkilati dəstəyi isə YAP Gənclər Birliyi verib.
Tədbiri giriş sözü ilə açan YAP Ağdam rayon təşkilatı Gənclər Birliiynin sədri Amil Cavadov layihənin əhəmiyyətindən danışıb. Azərbaycanda uğurlu gənclər siyasətinin həyata keçirildiyini deyən A.Cavadov bildirib ki, ölkəmizdə gənclərin inkişafı üçün dövlət bütün imkanları yaradır. Onun sözlərinə görə, bu istiqamətdə Ümummilli liderimiz Heydər Əliyevin əsasını qoyduğu siyasəti Prezident İlham Əliyev uğurla davam etdirir. A.Cavadov deyib ki, hazırda ölkəmizdə xeyli sayda gənclər təşkilatları fəaliyyət göstərir. Gənclər Fondunun yaradılması da gənclər təşkilatlarının işinin stimullaşdırılması baxımından əhəmiyyət kəsb edir.
“Gənclərin İntellektual İnkişafına Yardım” İctimai Birliyinin sədri Şəmsi Bayramzadə çıxışında bildirib ki, bu layihəyə artıq keçən aydan start verilib. Onun sözlərinə görə, layihə çərçivəsində bir neçə regionun gəncləri ilə görüşlər və seminarlar keçirilib, iştirakçılara sosial aktivlik və siyasi fəaliyyətlə bağlı ətraflı bilgilər verilib. Layihədə yüzlərlə gənc iştirak etməklə, region gənclərinin sosial aktivliyinin artırılması üçün lazımlı məlumatları qazanmaqla bərabər, müxtəlif ekspertlərlə görüşüb və təcrübələrindən faydalanıb.
YAP Gənclər Birliyi ofisinin rəhbəri Sərraf Balaxan isə çıxışında bildirib ki, Azərbaycan tarixinin hər bir mərhələsində aparıcı sosial-siyasi qüvvəyə çevrilən gənclər müstəqilliyin qorunub saxlanması, möhkəmləndirilməsi və dövlətçiliyin inkişaf etdirilməsi prosesində də yaxından iştirak ediblər. Onun sözlərinə görə, yeni dövrdə dövlətimizin qarşısında duran çətinlikləri həll edə bilmək üçün gənclərin yenidən təşkilatlanması, onlarda milli özünüdərkin, azad, demokratik düşüncənin formalaşması Ümummilli lider Heydər Əliyevin qayğısı və diqqəti nəticəsində mümkün olub: “Bu qayğı zamanın çağırışlarına uyğun olaraq Prezident İlham Əliyev tərəfindən də məqsədyönlü şəkildə davam və inkişaf etdirilir. Əsası Ulu öndər tərəfindən qoyulan dövlət gənclər siyasəti daha da dərinləşdirilir, gənclərə idarəetmədə və qərar qəbulu səviyyəsində yüksək etimad göstərilir”.
S.Balaxan qeyd edib ki, bu gün Azərbaycan dövləti öz imkanlarını genişləndirdikcə, bütün sahələrdə dünya birliyi ilə ayaqlaşmağa çalışdıqca, gənclərin də müasir zamana müvafiq inkişafı vacib məsələyə çevrilir: “Dövlətimiz bununla bağlı bir çox layihələr reallaşdırıb, minlərlə gəncin xaricdə təhsil alması, savadlı kadr kimi formalaşması üçün lazımi addımları atıb. Fikrimcə, gəncliyimizin inkişafı istiqamətində dövlət səviyyəsində aparılan siyasət yeni mərhələdə də uğurla davam edəcək”.
Qeyd edək ki, layihə çərçivəsində “ictimai fəallıq nədir?”, “bir gəncin siyasi karyerası necə olmalıdır?”, “regionum üçün nə edə bilərəm?”, “liderlik” və digər mövzularda seminarlar və görüşlər keçirilib. Layihə çərçivəsində gənclərin siyasi biliklərinin artırılması üçün də lazımlı bilik və təcrübələr bölüşülüb.
Nardar BAYRAMLI

Paylaş:

Baxılıb: 1222 dəfə