Ümummilli lider Heydər Əliyevin vəfatının 10-cu ildönümü ilə əlaqədar Oğuz rayonunda silsilə tədbirlər davam edir

Bakı:

29 °C

53 %

1 m/s

AZ RU EN

Ana səhifə / YAP xəbərləri / Ümummilli lider Heydər Əliyevin vəfatının 10-cu ildönümü ilə əlaqədar Oğuz rayonunda silsilə tədbirlər davam edir

Ümummilli lider Heydər Əliyevin vəfatının 10-cu ildönümü ilə əlaqədar Oğuz rayonunda silsilə tədbirlər davam edir

11.12.2013 [09:17]

Ölkənin hər yerində olduğu kimi, Oğuz rayonunda da Ümummilli lider Heydər Əliyevin vəfatının 10 illiyi ilə əlaqədar silsilə tədbirlər keçirilir. Belə ki, Yeni Azərbaycan Partiyası (YAP) Oğuz rayon təşkilatı və rayon İcra Hakimiyyətinin birgə təşkilatçılığı ilə hazırlanmış tədbirlər planına uyğun olaraq növbəti yığıncaqlar Kərimli, Yaqublu və Bayan kənd ərazi ilk partiya təşkilatlarının nümayəndələrinin iştirakı ilə Kərimli kəndində keçirilib. Yığıncaq iştirakçıları öncə Ümummilli lider Heydər Əliyevin əziz xatirəsini bir dəqiqəlik sükutla yad ediblər.
Tədbiri giriş sözü ilə açan YAP Oğuz rayon təşkilatı Kərimli kənd ərazi ilk partiya təşkilatının sədri Xanlar Babayev “Ulu öndər Heydər Əliyev azərbaycançılıq ideologiyasının banisidir”” mövzusunda məruzə edib. Natiq Ulu öndər Heydər Əliyevin Azərbaycanın dövlət müstəqilliyinin qorunmasında, ölkəmizin beynəlxalq aləmdə tanıdılmasında misilsiz xidmətlərindən danışıb. Qeyd olunub ki, məhz Ulu öndər Heydər Əliyevin siyasi fəaliyyəti nəticəsində azərbaycançılıq məfkurəsi müstəqil dövlətimizin ümummilli ideologiyasına çevrilib. Məruzə ətrafında Kərimli kənd orta məktəbinin direktoru Sahib Camıyev, Bayan kənd orta məktəbinin direktoru Yaqub Əliyev və Yaqublu kənd ərazi ilk partiya təşkilatının sədri Arif Əliyev çıxış ediblər. Çıxışlarda qeyd olunub ki, Azərbaycan xalqı üçün liderlik və xilaskarlıq missiyasını yerinə yetirən dahi öndər Heydər Əliyev nəinki Azərbaycanı məhv olmaq təhlükəsindən xilas edib, həm də uzaqgörən daxili və xarici siyasəti ilə ölkənin hərtərəfli tərəqqisinə nail olub.
Qeyd edək ki, tədbirlər planına uyğun olaraq, həmçinin, YAP Oğuz rayon təşkilatının Bucaq, Muxas və Calud kənd ərazi ilk partiya təşkilatlarının nümayəndələrinin iştirakı ilə Bucaq kəndində də yığıncaq keçirilib. Tədbir iştirakçıları öncə Ulu öndərin əziz xatirəsini bir dəqiqəlik sükutla yad ediblər. Sonra Ulu öndər Heydər Əliyevin həyat və fəaliyyətini əks etdirən sənədli film nümayiş etdirilib.
Yığıncaqda Bucaq kəndinin icra nümayəndəsi Natiq Haşımov, Bucaq kənd tam orta məktəbinin müəllimi Fikriyyə Seyidova, Calut kənd orta məktəbinin müəllimi Solmaz Əsədova, Muxas kənd orta məktəbinin direktoru Emin Cəfərov çıxış ediblər.
Hər iki tədbirdə yekun nitqi ilə çıxış edən YAP Oğuz rayon təşkilatının Aparat rəhbəri Alməmməd Babayev Ulu öndər Heydər Əliyevin siyasi fəaliyyətinin əsas istiqamətlərindən, Onun müstəqil Azərbaycanın inkişafındakı xidmətlərindən danışıb. Natiq qeyd edib ki, Ulu öndərin əsasını qoyduğu uzaqgörən siyasətin bu gün Onun layiqli davamçısı-Prezident İlham Əliyev tərəfindən uğurla həyata keçirilməsi nəticəsində ölkəmiz regionda lider dövlətə çevrilib.
NADİR

Paylaş:

Baxılıb: 1260 dəfə