Azərbaycan-Gürcüstan: Tarixi Əlaqələrdən Modern Strateji Tərəfdaşlığa

Bakı:

26 °C

54 %

5 m/s

Əlaqə

AZ RU EN

Ana səhifə / YAP xəbərləri / Azərbaycan-Gürcüstan: Tarixi Əlaqələrdən Modern Strateji Tərəfdaşlığa

Azərbaycan-Gürcüstan: Tarixi Əlaqələrdən Modern Strateji Tərəfdaşlığa

07.04.2026 [16:26]

Cənubi Qafqazın geosiyasi və iqtisadi xəritəsində Azərbaycan və Gürcüstan arasında formalaşmış münasibətlər xüsusi əhəmiyyətə malikdir. Bu əlaqələr yalnız qonşuluq çərçivəsində deyil, həm də regionun sabitliyi və inkişafı üçün strateji tərəfdaşlıq səviyyəsində dəyərləndirilir. Prezident İlham Əliyevin Gürcüstana həyata keçirdiyi dövlət səfəri bu tərəfdaşlığın həm tarixi köklərini, həm də gələcəyə yönəlmiş perspektivlərini açıq şəkildə ortaya qoydu.

Əsrlər boyunca eyni coğrafiyada yaşamış Azərbaycan və Gürcüstan xalqları arasında formalaşmış qarşılıqlı hörmət və etimad müasir dövlətlərarası münasibətlərin möhkəm təməlini təşkil edir. Prezident İlham Əliyev səfəri zamanı qeyd etdi ki, “qardaş Gürcüstanda olmaq mənim üçün böyük şərəfdir”, bu da iki ölkə arasında diplomatik çərçivədən kənara çıxan səmimi və mənəvi bağların mövcudluğunu göstərir. Bu münasibətlər ortaq tarix, ortaq dəyərlər və birgə gələcək perspektivləri üzərində qurulub.

Müasir beynəlxalq müstəvidə Azərbaycan və Gürcüstan bir-birinə dayaq olan tərəfdaşlar kimi çıxış edir. Hər iki ölkə suverenlik və ərazi bütövlüyü məsələlərində prinsipial mövqe nümayiş etdirir, qarşılıqlı dəstək göstərir ki, bu da regionda sabitliyin qorunmasında əsas amil hesab olunur. Gürcüstanın siyasi sabitliyi və davamlı inkişafı Azərbaycan tərəfindən yüksək qiymətləndirilir, bu nailiyyətlər isə dost ölkənin uğurları kimi qəbul olunur.

İqtisadi əməkdaşlıq iki ölkə münasibətlərinin ən konkret və ölçülə bilən tərəfidir. Ticarət dövriyyəsinin davamlı artması və qarşılıqlı investisiyaların genişlənməsi tərəflər arasındakı etimadın real nəticələrini əks etdirir. Azərbaycan investisiyaları yalnız iqtisadi maraq deyil, həm də strateji tərəfdaşlıq niyyətini əks etdirir. Gürcüstanda həyata keçirilən layihələr ölkənin iqtisadi inkişafına töhfə verərək həm də ümumi rifahın yüksəlməsinə xidmət edir.

Enerji sahəsində əməkdaşlıq Azərbaycan-Gürcüstan münasibətlərinin aparıcı istiqamətlərindən biridir. Azərbaycan Avropanın enerji təhlükəsizliyində mühüm rol oynayır, bu prosesin başlanğıc nöqtəsi isə məhz Gürcüstanla sıx əlaqələrlə müəyyən olunur. Bakı-Tbilisi-Ceyhan neft kəməri və Cənub Qaz Dəhlizi kimi beynəlxalq layihələr təkcə enerji resurslarını daşımır, eyni zamanda etimad, sabitlik və qarşılıqlı əməkdaşlıq daşıyıcısı rolunu oynayır.

Nəqliyyat və tranzit sahəsində əməkdaşlıq isə regionun geoiqtisadi əhəmiyyətini daha da artırır. Orta Dəhliz vasitəsilə Azərbaycan və Gürcüstan Avropa və Asiyanı birləşdirən əsas marşrut üzərində dayanır. Bu dəhliz yalnız yük daşımalarını sürətləndirmir, həm də region ölkələri arasında iqtisadi əlaqələri genişləndirir, yeni biznes imkanlarını və ticarət imkanlarını yaradır.

Cənubi Qafqazda yaranmış yeni reallıqlar isə bu əməkdaşlığın əhəmiyyətini daha da artırır. Region bir zamanlar münaqişələr və gərginliklərlə yadda qalsa da, bu gün sülh, sabitlik və qarşılıqlı faydalı əməkdaşlıq istiqamətində irəliləyir. Prezident İlham Əliyev bu reallığı vurğulayaraq bildirdi ki, “sülh yalnız sənədlərdə deyil, həm də iqtisadi və sosial layihələrdə özünü göstərir”. Gürcüstanın bu prosesdə vasitəçi və körpü rolunu oynadığı xüsusi qeyd olunmalıdır.

Liderlər arasındakı qarşılıqlı etimad və dostluq münasibətləri də iki ölkə arasında strateji əməkdaşlığın möhkəmlənməsində həlledici rol oynayır. Prezident İlham Əliyevin Gürcüstan rəhbərliyi ilə səmimi və açıq dialoqu qəbul olunan qərarların effektivliyini artırır, yeni əməkdaşlıq istiqamətlərinin inkişafına təkan verir. Bu isə dövlətlərarası münasibətlərin yalnız rəsmi deyil, həm də mənəvi və insani ölçülərə malik olduğunu göstərir.

Azərbaycan–Gürcüstan münasibətləri bu gün region üçün nümunəvi əməkdaşlıq modeli kimi çıxış edir. Qarşılıqlı hörmət, etimad və ortaq maraqlar üzərində qurulmuş bu münasibətlər gələcəkdə daha genişmiqyaslı layihələrin həyata keçirilməsinə zəmin yaradır. Prezident İlham Əliyevin səfəri və verdiyi mesaj isə bir daha göstərir ki, bu strateji tərəfdaşlıq artan dinamika ilə inkişaf edəcək və Cənubi Qafqazda dayanıqlı əməkdaşlığın təməlini möhkəmləndirəcək.

İlahə Qurbanova

YAP Samux rayon təşkilatının əməkdaşı

Paylaş:

Baxılıb: 624 dəfə