28 May Müstəqillik günü Azərbaycanın tarixində mühüm günlərdən biridir

Bakı:

20 °C

77 %

3 m/s

Əlaqə

AZ RU EN

Ana səhifə / YAP xəbərləri / 28 May Müstəqillik günü Azərbaycanın tarixində mühüm günlərdən biridir

28 May Müstəqillik günü Azərbaycanın tarixində mühüm günlərdən biridir

25.05.2026 [13:52]

1918-ci ilin 28 mayında Azərbaycan xalqı öz siyasi iradəsini ortaya qoyaraq tarixdə ilk dəfə Şərqin və müsəlman dünyasının ilk demokratik, hüquqi və parlamentli respublikasını yaratdı. Azərbaycan Xalq Cümhuriyyətinin meydana çıxması böyük siyasi və mənəvi proseslərin nəticəsi idi. Həmin dövrdə xalqın milli şüuru artıq formalaşmış, azadlıq və müstəqillik ideyaları geniş yayılmışdı. Azərbaycanın qabaqcıl ziyalıları, maarifçiləri və mütəfəkkirləri milli dirçəlişə, xalqın öz taleyini müəyyən etmək istəyinə ciddi təsir göstərmişdilər. Bu mənada Azərbaycan Xalq Cümhuriyyətinin yaranması təsadüfi siyasi hadisə deyil, milli oyanışın məntiqi yekunu idi. Ulu Öndər Heydər Əliyev bu barədə deyirdi: "Müsəlman Şərqində ilk demokratik cümhuriyyətin məhz Azərbaycan torpağında yaranması xalqımızın o dövrdə milli müstəqillik, azadlıq duyğuları ilə yaşaması ilə bağlıdır.

Ulu Öndərin siyasi iradəsi, uzaqgörənliyi və böyük fədakarlığı sayəsində ölkədə sabitlik təmin edildi, anarxiya və parçalanma meyillərinin qarşısı alındı. Məhz Heydər Əliyevin qətiyyətli siyasəti nəticəsində Azərbaycan öz dövlətçiliyini qoruyub saxlaya bildi və müstəqilliyini möhkəmləndirdi. Onun rəhbərliyi ilə hüquqi dövlət quruculuğunun əsası qoyuldu, milli ordu formalaşdırıldı, beynəlxalq əlaqələr genişləndirildi və Azərbaycanın dünya birliyində mövqeyi gücləndirildi.

Bu gün tarixi Zəfərimizin, suverenliyimizin tam bərpasının sevincini və yeni reallıqların fonunda Azərbaycanın qarşısında açılan imkanların qürurunu yaşayırıq. Müasir müstəqil Azərbaycan Cümhuriyyət qurucularının ideyalarını yaşadır, onların arzuladığı güclü və qüdrətli dövlət kimi inkişaf edir. Bu gün qürurla qeyd edirik ki, Prezident İlham Əliyev Ümummilli Lider Heydər Əliyevin bütün arzularını reallığa çevirdi. Ulu Öndər Azərbaycanı müstəqilliyini itirmək təhlükəsindən xilas etdisə, Prezident İlham Əliyev adını tariximizə torpaqlarımızın xilaskarı kimi qızıl hərflərlə yazdırdı.

Bu gün müsəlman Şərqində ilk parlamentli respublika olan Azərbaycan Xalq Cümhuriyyətinin yaranmasından 108 il ötür. Zəngin dövlətçilik ənənələrinə malik xalqımız tarixinin müxtəlif dövrlərində zamanın çağırışları ilə böyük imperiyaların tərkibinə daxil olsa da, azadlıq və müstəqillik ideyası heç vaxt unudulmamışdır. Azərbaycan Xalq Cümhuriyyəti də məhz XIX əsrin sonları və XX əsrin əvvəllərində baş verən mədəni-siyasi yüksəliş mərhələsinin, milli özünüdərkin və azadlıq ruhunun məntiqi nəticəsi kimi meydana çıxmışdı.

Azərbaycan xalqı öz müstəqilliyini qürurla qoruyur. Müstəqillik Günü milli həmrəyliyi gücləndirən əlamətdar tarixdir. Bu bayram xalqın keçmişinə ehtiramını ifadə edir. Azərbaycanın gələcəyi daha parlaq inkişaf perspektivləri vəd edir. Dövlətimizin gücü gündən-günə artır. Azərbaycan xalqı müstəqil və qüdrətli dövlət qurmaq əzmini davam etdirir.

Zülfüqar Cəfərov

YAP Sabunçu rayon təşkilatının sədr müavini

Paylaş:

Baxılıb: 425 dəfə