Heydər Əliyev
yeni azerbaycan logo

Ana səhifə / YAP xəbərləri / Yeni Azərbaycan Partiyası Qəbələ rayon təşkilatında gənclərlə görüş keçirilib

Yeni Azərbaycan Partiyası Qəbələ rayon təşkilatında gənclərlə görüş keçirilib

19.12.2014 [09:26]

Görüşdə vurğulanıb ki, gənclər YAP-ın sıralarında uğurla və yüksək fəallıqla təmsil olunurlar
Dünən Yeni Azərbaycan Partiyası (YAP) Qəbələ rayon təşkilatında gənclərlə görüş keçirilib. Görüşü açan YAP Qəbələ rayon təşkilatının sədri Abil Ağasəfov rəhbərlik etdiyi rayon təşkilatının seçki hazırlığından və rayonda bələdiyyələrin fəaliyyətindən danışaraq bildirib ki, builki seçkilərdə partiyanın rayon təşkilatı tərəfindən irəli sürülən namizədlərin 128 nəfəri gənclərdən ibarətdir, bu da partiyanın gənclərə göstərdiyi böyük inam və etimaddan irəli gəlir.
Tədbirdə çıxış edən “Yeni Azərbaycan” qəzetinin baş redaktoru Hikmət Babaoğlu qeyd edib ki, Azərbaycan gəncliyi cəmiyyətin inkişafında fəal sosial təbəqə kimi iştirak etdiyindən onlar ölkədə demokratikləşmə prosesində, mədəniyyət, elm, idman və digər sahələrdə səmərəli fəaliyyətə malikdirlər: “Eyni zamanda, gənclər Yeni Azərbaycan Partiyasının sıralarında uğurla və yüksək fəallıqla təmsil olunurlar. Dövlətimiz, eləcə də, Yeni Azərbaycan Partiyası tərəfindən gənclərə göstərilən diqqət və qayğı bu dinamik təbəqənin yüksək ictimai-siyasi fəallığını şərtləndirib. Bələdiyyə seçkilərində də gənclərin yüksək iştirakçılığı müstəsna əhəmiyyət kəsb edəcək”. 
YAP Mərkəzi Aparatının məsul işçisi Emil Abasov gənclərin cəmiyyətin həyatında fəal iştirakını təmin etmək məqsədi ilə dövlət tərəfindən həyata keçirilən tədbirlərdən danışaraq yüksək intellektə malik olan, geniş dünyagörüşlü gənclər nəslinin formalaşdığını bildirib. O qeyd edib ki, Yeni Azərbaycan Partiyası daima gənclərə qayğı göstərir: “Azərbaycan Respublikasının Prezidenti, partiyamızın Sədri İlham Əliyev gənclərə dövlət qayğısının artırılması barədə vaxtaşırı qərar və göstərişlər verir. Hazırda gənclərin təhsili, asudə vaxtlarının səmərəli təşkili, cəmiyyət üçün hərtərəfli şəxs kimi yetişmələri dövlətimizin qarşısında duran ən önəmli vəzifələrdən biridir”. 
E.Abasov qarşıdan gələn bələdiyyə seçkilərində gəncləri rifah və quruculuq naminə YAP-ın namizədlərinə səs verməyə çağırıb.
NURLAN

Paylaş:
Baxılıb: 782 dəfə

Xəbər lenti

Hamısına bax

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

YAP xəbərləri

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30